هي كده كده ناوية على خراب يبقى ينقذ ما يمكن انقاذه
و الطلاق الغيابي الراجل بيتعمل عليه حفلة في المحكمة عشان كده هو مش عايز يطلق غيابي و ممكن يطلبها للطاعة لاثبات النشوز و يبقى كده هي لبست في الحيط
عرض للطباعة
هو حضرتك يعني عايزاه يروح يبوس الجدم و يبدي الندم ...... هو ده شرع ربنا؟؟؟؟؟ هو ده الصح ؟؟؟؟؟
اللى ما يحافظش على بيته
راجل او ست
ويتسبب فى خرابه بعدم تحمل جاد للمسئولية او دلع او عدم ادراك
لا يلوم الاخرين
بالظبط و لو هي صغيرة (23 و لا 25 سنة مش عيلة يعني برضه) طيب اهلها فين؟
فين الاهل بتوع زمان اللي كان كل همهم الحفاظ عالبيوت
أمي حتى يومنا هذا تفخر بابوها الله يرحمه
مرة أمي زعلت من أبويا ..... كلمت أبوها قال لها تعالوا ... لمت هدومها و هدوم اختي الكبيرة (ماكنتش انا شرفت) و راحوا ...... اول ما وصلوا جدي الله يرحمه قال لابويا خلاص يا كمال خد بنتك و اتفضل من غير مطرود ..... امي اتجننت قالت لابوها ياخد بنت مين ؟؟؟؟؟؟؟؟؟ قال لها انا ما باربيش عيال حد عايزة تقعدي هنا تقعدي لوحدك عايزة بنتك قومي روحي مع جوزك ....
بتقول لي بمنتهى الهدوء قمت أنججت أبوك و روحت معاه من غير ولا كلمة
و بتفخر ان ابوها عمل كده ..... لو بنت من بنات اليومين دول كانت قالت انت رخصتني قدام جوزي و الكلام الحمصي ده .....
اللي بتعمله ده اسمه بطر. وفيه مثل بيقول "أخرة البطران قطران"
يبعت لها انذار شديد اللهجة مع وسيط ... لو لم تمتثل يبقى خليها في بيت اهلها احسن وبالنسبة للطفل اللي في الطريق فمش هيبقى اول ولا اخر طفل ييجي الدنيا وابوه وامه سايبين بعض.
خلاصة الكلام
اسمع كلام اخونا احمد كمال و اثبت انها ناشز و هجرت بيت الزوجية
و سيبها مع حالها
لو طلبت الطلاق يبقى بشروطك انت
لو مش عاجبها قولها اخلعى
فى الحالتين انت كسبان نفسك
و فكر كده بينك و بين نفسك
بعد كل اللى حصل ده ،انت حاتقدر تعيش معاها تانى ؟؟ حاتديها الامان تانى ؟؟ حاترجع يوم من شغلك و مش حاتلاقيها تانى ؟؟اسرار بيتك حاتطلع بره تانى ؟
فكر فى كل ده
و ماتلمش نفسك على حاجة ،هى سكة الانفصال كده بتبقى ماشية زى الصاروخ و مهما حاولت تصلح مش بتلاقى نتيجة
و الله يا غمراوي مش عارف ليه الناس فاكراني شراني !!!!! محدش فاهمني !!!
انا باقول يثبت النشوز بس ...... عشان هي ما تطلبش الطلاق للضرر بعد كده و تقول انا سبت البيت مثلا لعجزه او عدم انفاقه الخ الخ الخ .....
و الله رجعت ..... اهلا و سهلا ..... ما رجعتش يبقى هي hopeless case أساسا
انا ضد مدرسة اتنازل عشان المركب تمشي ...... اتنازل في غلطة هايفة ..... اتنازل ان الاكل مش جاهز .... اتنازل في خناقة عبيطة ..... بس سيبان بيت ....... و كل شوية ...... و تدخل الاهل بالباطل ......... و كل ده في محاولة لتركيع الزوج ........ لا شكرا ما يلزمش ......
انا فاهمك و عارف فكرك رايح لفين
انا اعتقد ان العملية كلها عملية طمع
الستات بيفكروا فى حاجة غريبة
واحد بيصرف من غير حساب و مش بيعترض على اى فسحة و باى ميزانية و فى نفس الوقت مش عايز يقول او يبين حساباته فى البنك
يبقى كده ممكن يروح يتجوز واحدة تانية فى اى وقت لانه حتى سنه مش كبير
يبقى الحل هو محاولة كسر مناخيره و قصقصة ريشه علشان يبقى مش قادر يبص حواليه من كتر النكد و المشاكل
اساليب غريبة
بس مش بتختلف من واحدة للتانية سواء بقى متعلمة او جاهلة الست ست
يخرب بيت الأهل اللي بالشكل ده
عندنا البنت بتبقي جايه لاهلها بتجيب دم من الضرب وبتقعد اسبوع وجوزها او حماها بيجي يتعشي وياخدها معاه وهو مروح من غير نص كلمه ولو حد قالها ازاي كده ده بهدلك تقوله عشان عيالي وتلاقيهم تاني يوم سمن علي عسل
البطر وحش قوي ياجدعام
السلام عليكم اشكر كل من شارك بوقتة وجهدة لنصيحتيي جزيل الشكر
انا ليا بعض التعليقات علي اراء اخوتي الاعزاء
اولا ردا علي كلام المهندس حاتم ولة جزيل شكري واحترامي ان اروح واخد حد وناخدها من بيتها يبقي انا كدة معملتش حاجة طيب ما كنت اروح من الاول بقي وكنت جبتها والقصة خلصت وكل مرة حيتكرر الموضوع دة لان انا برضو رضخت ورحت اكلم اهلها في شئون اسرتي وحياتي وخاصة وانا حاولت كتير معاها وقلت لاهلها ترجع بيتها ذي ما مشيت منة ووسط ناس بينا ومفيش فايدة عيزيني اروح البيت بشكل او باخر وبعد كدة هددوني ان لو مش حتيجي حنروح ناخد هدومها وقد كان ,اذن انا استحالة اروح اصالحها باي حال لان انا باقي علي البيت وهي بايعة ومش حقدر اعمل حاجة تانية في النقطة دي.
اما موضوع اني اثبت انها ناشز انا مش حابب اعمل كدة مش ضعف مني والله لكن لاني باقي علي البيت وانها ممكن ترجع عن طريق الشيطان دة والله الهادي وفي الاخر كان في بينا ايام حلوة وفي بينا ابن جي في الطريق ولكن ان كان علي سكة الشر ففي سكك كتير لا داعي من ذكرها وبيعملوها محامين اللي بيسموهم محامين تحت السلم لكن انا محبش ارجع حق ليا اني اتبلي علي حد لان في الاخر لينا يوم لا ينفع مال ولا بنون الا من اتي الله بقلب سليم
انا مش بكرها هيا لكن انا بكرة افعالها.
وربما فعلا يكون ابتلاء عن ذنوب اقترفتها في حياتي وربنا يغفر لي يارب ذنوبي.
في نفس الوقت برضو انا مبعرفش اعيش مش راجل ومعرفش مراتي ولا اهلها يمشوا كلامهم عليا بالعافية , الرجال لهم القوامة وانا شفت رجالة كتير مراتتهم سايقهم بمعني الكلمة ومش معني دة اني مش بحترم راي مراتي بالعكس فوق راسي كمان ولها كل الحق في ابداء ارائها بكل حرية وكلامها اخذ بية واعمل بية وممكن يكون رائيها اصوب مني واعترف بدة بس كلة دة تحت مظلة ان الراجل راجل وهو لة الكلمة الاخيرة لان طبعا مركب فيها ريسين تغرق وقال رسولنا الكريم لعن الله قوما ولوا شئونهم امراة.
ولو كرهتها مش حظلمها لاني بتقي الله فيها.
الموضوع ببساطه يفهم مراته ان الاهل ميتدخلوش الا قرب الانفصال
ولو اهلها ناس عقلاء حيغلطوها حتي لو ليها حق
انما لو طبعهم انهم يغلطوا جوزها
فده حله انه يجيب حكم من اهله وحكم من اهلها
ولما يتحكمله تعرف انها مكنتش بتراعي ربنا فيه
وفي الاخر اقول للزوج استحمل كلهن ناقصات عقل ودين
وتعلم كيف تعامل زوجتك قدر عقلها
يا ريت الاستاذ صاحب المشكلة يبعت لي تليفونه ..... انا مش عايزه يمر بالقرف اللي انا مريت بيه
وبردة احب ارد علي اللي بيقول اني ممكن اكون غلطان ومش بحكي حاجة غلط انا عملتها خلاص انا حفترض معاك اني غلطان انا موافق انا غلطان جدا , طيب قولت ليها نروح بيتنا وقوليلي علي اللي مزعلك واقولك علي اللي مزعلني ونحاسب بعض وناخد عهود علي بيت برضو رفضت وقالت ليا انا اهلي بس اللي بيفهموني وانت مبتفهمنيش وكل لما نتناقش حنتخانق وبرضة صممت انها تقعد لحد ما اجي واكلم اهلها .
اظن كدة بقي محدش يقولي ممكن تكون بتحكي غلط ولا انت اللي غلطان لان مهما كان مفيش مبرر انها تسيب البيت ويدخل العيد وهي مش عايزة ترجع
والاخ اللي بيقول ان في مشكلة مشابهة مع قرايبة وشاكك اكون انا وبيقول ان هو مش راضي يكبر لحد انا مردتش عليك لان الرد وصل في المشاركة اللي بعديها من اخ فاضل.
والله لسه الشهر اللي فات ده وحماها جه وروحت معاه وماكنت عايزها تروح خالص وهي اللي قالت عشان العيال واهم دلوقت سمن علي عسل
بس الحاجات دي فعلا بتكره الأهل في بعض وخصوصا الزوج بينزل في نظر اهل الزوجه بس الكلام ده لما يبقي الزوج هو اللي بتبطر وبيضرب ويشتم لكن في حالة صديقنا ده كل اللي اقدر اقوله ان اول ماتلاقي نفسك هتنخ خد نفس عميق وقول هووووووووووووووووووب
اخي احمد كمال انا بجد عاجز عن شكرك واهتمامك بيا وباذن الله اتواصل معاك ولكن ياريت تكون قراءت مشاركتي السابقة وتقولي رايك اية
ربنا يصلحلك لحال
بس اعرف ان اى كلمة او تصرف او خطوة حاتعملها دلوقتى حايبقى ليها اثر كبير فى المستقبل على حياتكم لو انكتب ليكوا انكوا تكملوا مع بعض
اوزن كل كلمة و كل تصرف بميزان الدهب علشان ماتندمش بعد كده
استاذ احمد كمال بجد انتا راجل ارفعلك القبعه تحية على أراءك في مواضيع الجواز
والاخ صاحب المشكله كان الله في عونك ووفقك فيما هوه خير لك
السلام عليكم
إن إقتراح إثبات النشوز سيعقد المسائل في التفاوض إذا حدث الطلاق ( في وجهة نظري )
كما أنه بداية الطريق الى الطلاق
فبمجرد أن يصلها إنذار الطاعة ستلجأ الى محامي, الذي سيقترح عليها اقامة دعوى نفقة, و احتمال كبير يقترح عليها إقامة دعوى تطليق..و في هذه الحالة حتى لو لم تكن تفكر في الطلاق سترفع الدعوى بناء على اقتراح محاميها...........ثم تتوالى القضايا..............و قد يكون صاحب المشكلة موقع على قائمة جهاز...........و...
و قد كانت لي مداخلة سابقة يبدو أن أحدا لم يقرأها.... سأنقلها مرة أخرى ( السلام عليكم
يجب ملاحظة أن هناك طفل في الطريق...و من الواضح أنه أول طفل
ترك الأمور معلقة يزيدها صعوبة
يفضل معالجة الأمور قبل استحكام الخلف........فالآية الكريم تقول ( فإن خفتم شقاق )
بعض المشاركين إقترحوا الطلاق.......و أقول هنا أن صاحب الشأن قبل أن يلجأ اليه...يجب أن يكون على علم تام بعواقب الطلاق.............و أصعب هذه العواقب أنه و في ظل القوانين الحالية - للأسف - لن يرى ابنه أو بنته الابصعوبة و في ظروف قاسية و سيكره رؤيته مما سيراه في هذه الرؤية............ناهيك عن ملاحقته بالقضايا بكافة أنواعها
لذلك أنا أنصحه بالتروي
أنصحه بأن يبحث عن حكم من أهلها و حكم من أهله ( كما دلنا القرآن الكريم )
أما لو استحكم الخلاف و تعذر الصلح فإني أنصحه نصيحه لوجه الله أن يسرحها بإحسان و بتسامح وصولا الى إتفاق متحضر - بعيدا عن المحاكم و القضايا - ينظم كيفية التعامل مع الصغير و رؤيته و الانفاق عليه )
و أحب أن أذكر صاحب المشكلة أن الزواج قدر و الطلاق قدر
و عليه أن يخرج من هذه المشكلة بأقل خسائر.........و أقل الخسائر في رأي هي الخسائر المادية و لكن الخسائر الكبرى هي اللدد و ضياع الصغير
انا قراءت جميع المشاركات السابقة ولا اغفل اي مشاركة وباخذها بعين الاعتبار وجزاكم الله خيرا جميعا.
وكلام الاستاذ samyyousif
كلام سليم وبشكرك علية
وربنا يهديها
ردى السابق كان قبل ماشوف الكلام ده
وبعد ماشفته،هاصمم بردو على رأيى
اولا كل واحد هيقول لحضرتك الحل اللى يناسبه هو مش اللى يناسب حضرتك
فحضرتك هتشوف انهى اكتر حل من حلول الاعضاء اقرب لظروفك وتناسبك وفكر فيها
كان رأيى قبل كدة فتح موضوع الطلاق
طبعا كله هيقول خراب بيوت والكلام دا لكن انا باتكلم لانى شفت موقف زى بتاع حضرتك دا بالمللى وهما مانفصلوش بس اللى اقدر اقولهولك ان لو دول اهلى انا ماكنتش استحملتهم لحظة
المشكلة اللى انا شوفتها بين زوج وزوجة
اتجوزوا عن حب بس تقريبا ماكنش حب
المهم بعد الجواز على طول بدأت تحصل المشاكل وحسوا انهم مش "فاهمين" بعض ومش متأقلمين مع بعض بس دا كان بعد ما الزوجة حملت وفى اليوم اللى جابوا فيه المأذون عشان الطلاق ..اهل الزوجين اتصالحوا وقالوا حرام عشان الجنين اللى جاى فى السكة دا
وكملوا مع بعض
وجابوا اتنين ضحايا(ابناء) كمان
والحال حاليا...ممكن نقول الزوجين الاعداء.... اسمهم متجوزين وخلاص طريقة كلامهم مع بعض عبارة عن خناق وبيفضّلوا يكونوا بعيد عن بعض طول الوقت
وفى العيد دا لاقيتهم بيتخانقوا ولما روحت اكلم الزوجة حكيتلى الحكاية من بداية جوازهم وبصراحة انا غلطتّها لانها طالما قبلت بالوضع دا من البداية يبقى تقبله للنهاية
ولاقيتها بتقولى على جوزها نفس كلمة الستات لما مابيلاقوش حجة..."بخيل ومابيصرفش على بيته" مع ان ابنها(اكتر من صديقى) كان قاعد معانا وبيحلفلى ويحلفلها ان والده لا بيشرب سجاير ولا بتاع قهاوىوعلى اخر الشهر بيكون مخلص مرتبه كاملا على البيت ...
وكان ردها: يشتغل شغلانة تانية
بصراحة انا ماقدرتش اكمل الحوار احتراما لصاحبى لانى لو كملته انا متأكد انى مكنتش هاكمله بنفس المستوى الاخلاقى
ووالله العظيم انا مامضايقنى غير سلوك صاحبى دا مع امه لانه تقريبا بيكرهها ومتأكد انه لما يتجوز هيعامل مراته زى طريقة التعامل اللى شايفها بين والده ووالدته
اللى استفدته من القصة دى هو خطأ التراجع عن الطلاق بسبب العيل فقط ..مش عشان بيحبوا بعض او بيقدروا بعض
وطبعا بدون الحب او التقدير او على اقل المستويات نسميها العِشرة يبقى مافيش حياة كريمة
وتصديع دماغ عالفاضى
قصة الزوجين دول طويلة حبتين(القاعدة خدت اكتر من ساعة ونص) واختصرتها بدون الدخول فى تفاصيل بس عشان اوضح لحضرتك انا بنيت رأيى على اى اساس
ولو حضرتك مش عايز تطلق فيكفى التلميح بيه بس ولو باقية عليك هتجيلك ولو مش باقية يبقى ماتلومش غير نفسها لما يبقى اسمها مطلقة ومعاها عيل
انا عايش بقالى 21 سنة، خناقات والدى ووالدتى فى الفترة دى كلها لاتتعدى ال3 او 4 خناقات
والسبب هو التوافق الفكرى مابينهم بعد كرم ربنا ....وربنا يديمها نعمة علينا ويرزقك بيها ويهدى زوجتك ويصلح بينكوا لو كانت خير ليك
وياريت لو فيه اى تعنت من حضرتك تسيبه شوية وتقدم تنازلات وتفكرها انك قدمت التنازل دا عشانها
أختى رأيي المتواضع هو انها ما دام سمحت لنفسها انها تجيب سيرة ايى شئ فى البيت سواء كان خير او شر برة البيت حتى لو لنفسها فى المراية يبقى مترجعش البيت ده تانى ولو هانبص للحمل فاكيد الانفصال بطفل واحد افضل من الانفصال باكثر من طفل
""""خلى بالك احنا شايفين الموضوع من وجهة نظرك انت !! """"
[QUOTE=Car's Sniper;3873920076]ردى السابق كان قبل ماشوف الكلام ده
وبعد ماشفته،هاصمم بردو على رأيى
اولا كل واحد هيقول لحضرتك الحل اللى يناسبه هو مش اللى يناسب حضرتك
فحضرتك هتشوف انهى اكتر حل من حلول الاعضاء اقرب لظروفك وتناسبك وفكر فيها
كان رأيى قبل كدة فتح موضوع الطلاق
طبعا كله هيقول خراب بيوت والكلام دا لكن انا باتكلم لانى شفت موقف زى بتاع حضرتك دا بالمللى وهما مانفصلوش بس اللى اقدر اقولهولك ان لو دول اهلى انا ماكنتش استحملتهم لحظة
المشكلة اللى انا شوفتها بين زوج وزوجة
اتجوزوا عن حب بس تقريبا ماكنش حب
المهم بعد الجواز على طول بدأت تحصل المشاكل وحسوا انهم مش "فاهمين" بعض ومش متأقلمين مع بعض بس دا كان بعد ما الزوجة حملت وفى اليوم اللى جابوا فيه المأذون عشان الطلاق ..اهل الزوجين اتصالحوا وقالوا حرام عشان الجنين اللى جاى فى السكة دا
وكملوا مع بعض
وجابوا اتنين ضحايا(ابناء) كمان
والحال حاليا...ممكن نقول الزوجين الاعداء.... اسمهم متجوزين وخلاص طريقة كلامهم مع بعض عبارة عن خناق وبيفضّلوا يكونوا بعيد عن بعض طول الوقت
وفى العيد دا لاقيتهم بيتخانقوا ولما روحت اكلم الزوجة حكيتلى الحكاية من بداية جوازهم وبصراحة انا غلطتّها لانها طالما قبلت بالوضع دا من البداية يبقى تقبله للنهاية
ولاقيتها بتقولى على جوزها نفس كلمة الستات لما مابيلاقوش حجة..."بخيل ومابيصرفش على بيته" مع ان ابنها(اكتر من صديقى) كان قاعد معانا وبيحلفلى ويحلفلها ان والده لا بيشرب سجاير ولا بتاع قهاوىوعلى اخر الشهر بيكون مخلص مرتبه كاملا على البيت ...
وكان ردها: يشتغل شغلانة تانية
بصراحة انا ماقدرتش اكمل الحوار احتراما لصاحبى لانى لو كملته انا متأكد انى مكنتش هاكمله بنفس المستوى الاخلاقى
ووالله العظيم انا مامضايقنى غير سلوك صاحبى دا مع امه لانه تقريبا بيكرهها ومتأكد انه لما يتجوز هيعامل مراته زى طريقة التعامل اللى شايفها بين والده ووالدته
اللى استفدته من القصة دى هو خطأ التراجع عن الطلاق بسبب العيل فقط ..مش عشان بيحبوا بعض او بيقدروا بعض
وطبعا بدون الحب او التقدير او على اقل المستويات نسميها العِشرة يبقى مافيش حياة كريمة
وتصديع دماغ عالفاضى
قصة الزوجين دول طويلة حبتين(القاعدة خدت اكتر من ساعة ونص) واختصرتها بدون الدخول فى تفاصيل بس عشان اوضح لحضرتك انا بنيت رأيى على اى اساس
ولو حضرتك مش عايز تطلق فيكفى التلميح بيه بس ولو باقية عليك هتجيلك ولو مش باقية يبقى ماتلومش غير نفسها لما يبقى اسمها مطلقة ومعاها عيل
انا عايش بقالى 21 سنة، خناقات والدى ووالدتى فى الفترة دى كلها لاتتعدى ال3 او 4 خناقات
والسبب هو التوافق الفكرى مابينهم بعد كرم ربنا ....وربنا يديمها نعمة علينا ويرزقك بيها ويهدى زوجتك ويصلح بينكوا لو كانت خير ليك
وياريت لو فيه اى تعنت من حضرتك تسيبه شوية وتقدم تنازلات وتفكرها انك قدمت التنازل دا عشانها
والله كلمتها بالعقل وقدمت تنازلات مش حقدر اقدم بعديها اي حاجة تانية ذي ما شرحت في مشاركاتي السابقة
وناس كتير قالوا لي انت عملت اللي عليك يابني وباقي علي بيتك بعد كل دة
وكفاية انك مستحمل تقصيرها الرهيب في البيت من نظافة واكل وخلافة
فانا قلتلها انتي بتخربي بيتك بايدك واللهم بلغت فاللهم فاشهد وبرحتها بقي.
اذا أتعبت زوجتك ريحتك وإذا ريحتها تعبتك
سبحان الله
وعلي راي المثل.
وفري نصايحك يا حماتي وقوليها لمراتي
انا عمال اقرا الموضوع ده ومش عاوز اتكلم
اولا لو هتاخد بكلام اى اخت دخلت الموضوع ده وقالت راى فهو كلام اختنا نونيتا ( ربنا يكملك بعقلك ولو عندك اخت انا مستعد اجى اخدها وقتى وانا مغمض ومش عاوز اشوفها حتى :) )
ثانيا بدون الدخول فى تفاصيل زى ما معظم الاخوه بيعملوا انا ليا 3 اصدقاء مطلقين والنتيجه واحده اللى هى
كل اما الزوجه واهلها يفتكروا الموضوع وبنتهم تعيط وتزل دمعتين يقوموا باعتين للمحامى يرفعلهم قضيتين تلاته كده عشان يخلوا الزوج فى حالة نفسية سيئة ويتنكد عليه ( اشمعنى بنتهم تتنكد وهو مقضيها )
واحد فيهم طليقته عرفت انه هايتجوز ( وفرحه النهارده بالمناسبة ) قامت باعتاله امبارح محضر بظرف فيه 6 قضايا طبعا هو قعد يضحك لان موضوع القضايا ده بالنسباله بقى عادى
وماتخافش لا هاتتحبس ولا هايجرالك حاجه خصوصا انك زى مانا شايف مرتبك كويس يعنى مش مشكله الف ونص ولا الفين كل شهر يروحولها عشان ابنك وده هايريحك الى حد ما انك مش مقصر وهايريح نفسيتك ويخليك تكمل حياتك اما بالنسبة لموضوع الرؤية فالحمد لله الراجل مش زى الست
يعنى هاتبقى متعلق بالاولاد لكن هاتقدر تتعايش انك تشوفه مره كل شهر
اعتبر نفسك شغال فى بريمة وبترجع بيتك وتشوف اهلك كل شهر مره وده بيحصل كتير
واعمل حسابك على موضوع القضايا ده هايبقى تلبيس وتلفيق
يعنى واحد من اصدقائى التلاته مراته رافعه عليه قضية تبديد للعفش مع انها واخداه كله
وهو لا يبالى لان المحاكم سكتها طويلة وهو سايب محامى يعيش بقى
انما هو عايش حياته وخطب تانى
التحفه بقى التالت وده هاحكيلك عليه بشىء من التفصيل
اتجوز 4 شهور عن حب وكان ساب خطيبته دى ورجعلها تانى بعد سنتين ( شوف الحب ازاى )
كان عامل زيك كده
وفى الاخر اكتشف انها مش بتاعت بيت عاوزه دلع واكل من بره على طول وكمان عاوزه خدامه
كانت بتقوله هابقى عند رجليك وقت ما تحتاجنى واهاغسلك هدومك بحب وافرشلك سريرك بالحنية واكلك دلع وغرام هههههههههههه لكن الحقيقة كانت مره زى الحقيقة بتاعت ميلودى كده :)
غضبت عند اهلها
قام بعاتلها يابنتى تعالى
ربنا يهديكى
بيتنا اولى
ماتحكيش لحد وسرنا ما يطلعش بره الاربع حيطان بتوع اوضتنا وحيطان الصالة ما تعرفش اللى تعرفه حيطان اوضتنا حتى
انما ركبت دماغها واهلها غلطوه وتعالى انت خدها ونفس قصتك
الفرق بينه وبينك انه لاسع او نقول جرىء
قام واخدنى انا وواحد صاحبنا ( اتنين شهود ) على مشمنا وودانا شقه فى عمارة كده طلعت مكتب مأذون وقام مطلقها غيااااااااااابى
قولتله هاتننفخ فى المحاكم
قاللى اللى ليه عندى حاجه ياخدها وانا ما مضيتش قايمة
قولتله من غير ما تمضى ده حق ولايا وده عرف ان الحاجه اللى فى الشقه كلها تاخدها الزوجه لو لا قدر الله وافترقتوا
قاللى ياخدوها مفيش مشكله بس مش كلها انا مكلف شقتى اكتر من 200 الف جنيه تاخد اللى جابته وبزياده واللى تختاره يعنى مش معقول تاخد كمان التكييفات واوكر البيبان
وبعد ما طلق حبوا يثبتوا انها كانت عايشه معاه وقت الطلاق عشان قضية التمكين قام حماه جابهاله وجه عشان يثبت انها كانت مقيمة وقت الطلاق وكان عاوز يسيبهاله ( بعد ما طلقها شوفتوا الرجالة والنسب اللى يشرف ) بردو ما عرفش يرجعها وصاحبى رفض لانه طلقها بالفعل
المهم صاحبنا خد بعضه وقام متجوز بعد ما طلق بشهرين قبل حتى ما يدفع متعه او حتى المؤخر
قاموا اهل طليقته جايبين عربيتين امن مركزى بعد ما خدوا حكم تمكين وما عرفش خدوه ازاى وعاوزين يدخلوا البيت
راح اللاسع فاكك انبوبة البوتاجاز وجاب الاستبن ومنزلهم قدام باب البيت وقال اللى هايقرب من البيت هافجره وافجر نفسى البيت ليه حرمه واللى هايكشف حرمة بيتى ها قتله لو مين ( ما تستغربوش ومايغركوش النضارة والتيشرت والجينز احنا الصعايده اما بتسنتر معانا فى النص الزمن بيقف :) وقام فاتح الغاز ( مع انه ابن ناس يعنى ودى مش حركه ) بس الصبر له حدود وده جاب اخره
طبعا كله جرى ومحدش عرف يدخل ومشيوا هههههههههههههههه (والله دكر)
وقالهم المحاكم عندكم هاتقوموا محامى هاقوم قصاده 2 لكن عافية وعلى مشمى لأ
وللعلم هو ماندمش انه طلقها
دلوقتى متجوز بقاله 7 شهور ومراته الجديده حامل ومبسووووووووووووط جدا خصوصا اما شاف الفرق
والكلام اللى هاقوله ده على لسانه
- مراته الجديده اختارها على السمعه والتربيه ومن بيت اللى حاكمه راجل ليه كلمة ورزين وعاقل وبيفهم فى الاصول وجوز بنته هو ابنه وبنته هى اللى بقت غريبه عنه بعد ما اتجوزت يعنى من الاخر باع بنته واشترى بتمنها راجل ( ده تعبير مجازى عشان انا عارف فى ناس بتدخل تقرا المواضيع عشان تمسك فى الحاجات دى :) )
- يدخل من باب البيت يلاقى مراته مستنياه فى اى وقت لو فى نص اليل واكله وسؤسه جاهزين ومستنيينه
- عمره ما دخل ولقاها مش بتضحك فى وشه ولو تعبانه حتى
- ست بيت واهلها ربوها انها تبقى كده وكانت شايلة بيت ابوها من اكل لشرب لغسيل لمسيح ومش مهمله فى نفسها
- اكتشف ان اهل مراته ما يعرفوش حتى مواعيد شغله ولا اجازاته ولا مرتبه ولا اى حاجه عنه كل اللى يعرفوه ان بنتهم لما بتيجى ما بتطولش وتمشى بدرى عشان جوزها زمانه جاى وده فى حد ذاته اهم حاجه حتى لو البيت مش محتاج حاجه يعنى على الاقل مفيش حاجه اسمها الاكل سخن اغرف لنفسك ( طبعا كلكو اتقالكو البق ده ههههههههههه )
الخلاصه ان الموضوع هايكلفك فلوس المحامى فى الاول وبعد كده اللى هاتدفعه كل شهر كنفقة واى قضيايا تانيه هاتفضل فى المحاكم ليوم يبعثون
وطبعا قبل السيناريو ده كله دى نصيحتى
اتقل واصبر وما تخليهوش يفوزوا عليك فى الحرب النفسية
ما تردش على حد وما تتكلمش الا ومراتك فى بيتك
اما ترجع ماتعديش الموضوع بالساهل انت ممكن تكون طيب وبتحبها انما عند التدخل فى حياتك بتتحول وتعاقبها على حسب طبيعة مراتك
فى ست تفهم بالنظرات وست بالكلام وست بالضرب وتكسير الدماغ وانت ادرى بأهل بيتك
ممكن جدا بعد الموقف ده ان شاء الله كل حاجه تتظبط وترجع الميه لمجاريها ونبدأ بقى نمشى على نظام يكون اسا لحياتنا
ليا بس تعليق
لو المدام مش دكتوره وضيعت سبع سنين من عمرها وقبلهم تلاته ثانويه عامله عشان تحقق حلمها
او ضيعت 5 سنين عشان تبقى مهندسة وشغالة فى مكان محترم والطريق قدامها كويس
يبقى مالوش لازمة شغلها
وياريت ما يكونش رأى تبديه على اد ما يكون قرار انت اخدته وهى ما عليها الا التنفيذ ( حضرتك فاهمنى طبعا )
وبعدين خليك ناشف شوية وفظ فى ردودك ان كان الكلام يجرح كرامتك بشكل ولو غير مباشر زى مثلا
يعنى ايه أهل مراتك يقولولك احنا اللى نقرر تشتغل ولا ما تشتغلش
انا لو مكانك ارد واقولهم طب ثوانى اروح اغير كلمة ذكر فى البطاقة واجى عشان اعرف ابلع الكلام
المفروض تقوم تتنطر من على الكرسى وبعلو حسك عشان تسمعك وهى جوه وتقول
دى مراتى انا
بتاعتى انا
لو حد ليه عليها حق التاديب يبقى انا
وان حد كان ليه كلمة عليها يبقى بردو انا
وده قرارى انا
واللى ادانى حاجه يتفضل ييجى ياخدها
واللى بيصرف عليا او على بيتى يقطع عنى مصروفه
بعد كده كل ولحد ها يعرف تمامه ويقف عند حدوده
وعاوز اقوللك حاجه كمان
كلنا ولاد ناس وانا هعامل مراتى يوم ما هاتجوز بالادب والحنية واديها عنيا كمان من غير ما تطلب
انما لو حسيت ان حد بيحاول يتعدى على حدودى ويحكم فى منطقة نفوذى هاقوم سانن سنانى ومطلع سلاحى ويا سيطرت يا اتسيطر عليا
انا لو اتقالت لي هاقول لهم ببساطة خلاص اصرفوا انتم عليها ماهي القوامة بالنفقة ..... هو مين الولي الشرعي انا و لا انتم يا ولود ال.................................اقتباس:
يعنى ايه أهل مراتك يقولولك احنا اللى نقرر تشتغل ولا ما تشتغلش
الله يخرب بيت الاهالي خرابين البيوت دول
انت بالذات انا حاسس انك شارب من كيعانكاقتباس:
انا لو اتقالت لي هاقول لهم ببساطة خلاص اصرفوا انتم عليها ماهي القوامة بالنفقة ..... هو مين الولي الشرعي انا و لا انتم يا ولود ال.................................
الله يخرب بيت الاهالي خرابين البيوت دول
بس ربنا مديك روح حلوه وبتقدر تحولها بخفة دم وبتطلع ساعات تعليقات انا شخصيا بفطس على روحى منها
وده بينى وبينك احسن حل بدل ما يجيلك الضغط والسكر والمراره