اتفق تماما مع الاخ kareemz الباسات من العربيات الالمانى عاليه الجوده ؟ -بس يعنى ايه مكتمه؟!
عرض للطباعة
اتفق تماما مع الاخ kareemz الباسات من العربيات الالمانى عاليه الجوده ؟ -بس يعنى ايه مكتمه؟!
يا جماعة الفرق مش كبير قووى كده ما بين قطع غيار الانسر شارك والباسات
اصلا قطع غيار الانسر شارك غالية جدااا جدااا مش زى ما الناس فاكره انا كنت هجبها وفى الاخر غيرت رائى وجبت اوكتافيا ايه 5 والله الاوكتافيا فى حاجات فى قطع غيارها ارخص من الشارك بكتير
انا لو مكانك طبعاااااااااااااا مكنتش فوت فرصة الباسات ديه وخصوصا انها من حد معرفة (بجد ركوبة تانية خااالص )
استخير ربنا وشوف هتوصل لفين
والله الموضوع رجع يلعب فى دماغى تانى أبويا عاوز يغير عربيته النوبيرا موديل 2000 وقالى انا ممكن اشترى عربيتك وانت اشترى الباسات بتاعت خالك عشان مش حقدر على صيانتها وبنزينها
وكل ما اشوف الباسات بنبهر الصراحه وكده كده انا بستخدم بنزين 95 فى الشارك مش فارق معايا الموضوع ده
طب انت شايف ان الباسات لو ماشيه 90 الف فى 5 سنين ده كويس ؟؟
وهل حصرف عليها كتير فى الصيانات الدوريه ؟
معلش نسيت أقول ان الباسات base line
بالنسبالى انا اركب حاجة هاى لاين محترمة احسن من حاجه احسن بيزلاين
خصوصا انى بحب فتحت السقف والجنوط السبور
ده غير ان كماليات الشارك الهاى لاين اكتر من الباسات 2007 بيزلاين
السلام عليكم و رحمة الله
استاذي الفاضل واضح من المشاركات المحترمة ان اغلبيتها بيساوي بين العربيتين و بالتالي بيرشحلك الاقل كيلو متر و كذلك انها هاي لاين ميعرفوش ان Base line في الباسات قد تتفوق في الامكانيا ت عن الشارك
انا حقول لحضرتك تجربة شخصية
والدي عنده اوبل فيكترا 2000 وكنت شاريهالو من واحد زميلي و كانت ماشيةحوالي 90000 كم في سنة 2007 و العربية دي علي الرغم من انها قديمة نسبيا و كامة واحده و 85 حصان لكن مش عايز اقول لحضرتك علي ثباتها و قوة موتورها
انا اشتريت عربية اوبترا 2010 زيرو اقسملك بالله ان الفيكترا تتفوق عليها بمراحل في القوة و التحمل و الاداء
استاذي الفاضل الالمان عبقريين في صناعة السيارات و انا بكلمك عن الفيكترا فما بالك بالباسات
طبعا و مو 2007 ده حاجة تانية خالص في التكنولوجيا
ثبات قوة اداء تحمل اقصي درجات التشغيل الأمان و المتانه
و بعدين 90000 ك في الالماني يبقي العربية لسة بتلين لأن مواتير الالماني بتعمل 500000 مستريح بص علي المرسيدس مو 78 لسة ماشية و ماسكة نفسها في الشارع
فنصيحة لوجه الله طالما العربية عارفها كويس توكل علي الله فيها و مش حتندم ابدا
ولو مش ناوي انا ممكن اشتريها من خالك
وعليك بالاستخارة اولا و اخرا
انا معاك طبعا ان الباسات لو حالتها كويسه فهتبقى احسن من الانسر كتير لانها ببساطة وبغض النظر عن انها المانى فئة اعلى من الانسر
بس لو جينا للكماليات فبعض النظر عن الكماليات العاديه الباسات 2007 فيها مثبت سرعة ودركسيون مالتيفنكشن
الانسر الهاى لاين فتحه سقف, جنوط سبور, حساسات مطر وضوء, تكييف اوتوماتيك, سمارت كى, cd changer 6 cds, لو جليجى تزيد كمان سبووفر وزينون بعدسات متحركة