هتوحشوني يا فورداوية

**egy_3assy** · 09-11-2011 09:48 AM

انا بيعت الفورد و جيبت اكسنت .. الحمد للة العربية هايلة في البنزين و الجري و مريحة جدا .. انا خدت بالنصيحة اني متعلمش في الفورد وخليني في الكوري و الحمد لله ريحت نفسي من عشرة الميكانيكية المستغلين علي العربية الفورد ... وكل سنة وانتو طيبين .. انا حبيت بس اقولكو انكو هاتوحشوني جدا و بجد افدتوني جدا و يارب اعضاء الهيونداوية يكونو بنفس الروح دي .. اشوفكو علي خير يا رجالة و ادعولي ربنا يباركلي في الكسنت و تكون بداية رحلة جديدة مع عربية محترمة ... و هازوركو كدة من وقت للتاني انشاء الله ... (نسيت اقول ان مع سرعة وجمال موتور الاكسنت فأنا مفتقد لثبات الفورد) ربنا يستر D:

**minicooper20** · 09-11-2011 10:25 AM

الف مبروك يا كبير

**aYaBooY** · 09-11-2011 10:39 AM

الف مبروك يا عاصي باشا و كل سنة و انت طيب
فعلا ده اختيار موفق لعربية تقدر تتعلم فيها بسهولة
بس خلى بالك لو في يوم سافرت بيها او كنت في طريق فيه عالى وواطي كتير ان اقصي سرعة مسموحلك بيها 90 او 100 و ده لسلامتك
ربنا يباركلك فيها و يكفيك شرها و يديك خيرها و يسترها عليك
و لو اعضاء الكوري قصروا احنا موجودين برده

**MohamedSotohy** · 11-11-2011 02:43 AM

المشاركة الأصلية كتبت بواسطة aYaBooY

الف مبروك يا عاصي باشا و كل سنة و انت طيب
فعلا ده اختيار موفق لعربية تقدر تتعلم فيها بسهولة
بس خلى بالك لو في يوم سافرت بيها او كنت في طريق فيه عالى وواطي كتير ان اقصي سرعة مسموحلك بيها 90 او 100 و ده لسلامتك
ربنا يباركلك فيها و يكفيك شرها و يديك خيرها و يسترها عليك
و لو اعضاء الكوري قصروا احنا موجودين برده

باشا اولا مبروك وربنا يكفيك شرها ويباركلك فيها
بس خلي بالك ان نسبه الاعتماديه بين الفوررد وبين عربيتك كبيره جدا
خلي بالك
انا حبيت اقولك الكلام ده علشان انتا كنت سايق الفورد لمده موش قليله
وبعديين انتا معاك حق في حكايه الصنيعيه بتوع الفورد (منهم لله ) في جشعهم وطمعهم وغشهم
بس والله المشكله دي ليه حل لو كل الفوردويه اتجمعوا علي كلمه واحده
انا ممكن اعمل حل وهمي وهيكون التوكيل كمان طرف في هذا الحل
بس السؤال هل ده ممكن يحصل

**aYaBooY** · 11-11-2011 11:39 AM

المشاركة الأصلية كتبت بواسطة mohamedsotohy

وبعديين انتا معاك حق في حكايه الصنيعيه بتوع الفورد (منهم لله ) في جشعهم وطمعهم وغشهم
بس والله المشكله دي ليه حل لو كل الفوردويه اتجمعوا علي كلمه واحده
انا ممكن اعمل حل وهمي وهيكون التوكيل كمان طرف في هذا الحل
بس السؤال هل ده ممكن يحصل

طيب ايه الحل اعرض لو ارخص اكيد محدش هايعارض ؟؟

**MohamedSotohy** · 12-11-2011 03:25 AM

المشاركة الأصلية كتبت بواسطة ayabooy

طيب ايه الحل اعرض لو ارخص اكيد محدش هايعارض ؟؟

الحل هوا اننا نعمل اتحاد مالكي سيارات فورد
ونوثق الكلام ده
وبالتعاون مع هيئه حمايه المستهلكيين
وكذلك الوكيل ومراسله الشركه الأم والضغط عليها بالصفه الرسميه للرابطه
وتفعيل الرابطه دي من قبل الحكومه
عالفكره الموضوع عاوز تكاتف تام وما اعتقدتش ان اي واحد ها يكره انه يلاقي عربيته مخدومه كويس وبتكلفه معقوله الي جانب موضوع قطع الغيار من جوده ورخص في السعر
بس الأهم من ده كله ان الاتحاد ده هوا اللي ها يكون المتحكم الأوحد في الفورد في مصر لانه اكتسب قانونيته من الخطوات السابقه وكزلك لانه اتحاد قائم علي هدف ارضاء المستهلك وليس هدفه الربحيه
وده ها يدعم موقفه امام الشركه الام
انا عندي مخطط كامل لتفعيل الكلام ده بس محتاج واحد زيك يا جو لاني والله بجد موش فاضي
وها تريح نفسك ويكون معاك محامي بأجر يخلصلك الورق بتوجيه منك
( الموارد الماليه يمكن توفيرها مؤقتا من اعضاء المنتدي وبعدين ها تبقا معممه علي كل مالكي الفورد في مصر من خلال تقنيين الأتحاد بعد كده من خلال رسوم تدفع عند شراء الساره او تجديدها ويكون هذا التمويل هو المحرك للرابطه)
صدقني الموضوع مهم وهايكون اول طريق في مصر لضبط العلاقه بين المالكيين للسيارات واصحاب التوكيلات في مصر وتجار قطع الغيار
بمعني العدل في تلك العلاقه دون مغالاه او هضم للحقوق( والوقت في صالحنا في ظل الثوره المصريه التي تدعو لتلك المبادء ولأنهاء اللغط الذي دام طويلا في تدنيس وتلوث ايادي النظام السابق للعب في توكيلات السارات)
عندك استعداد تبتدي معايا المشوار واحب اؤكد لك اننا ها نعمل ثوره في مصر ويمكن في الوطن العربي كله
ها قلت ايه ؟

**mido51eg** · 09-11-2011 11:33 AM

مبروك العربية الجديدة وربنا يبارك لك فيها ويكفيك شرها.

**egytamer** · 12-11-2011 05:24 PM

اولا مبروك علي العربية يا استاذ عاصم ربنا يديلك خيرها ويكفيك شرها وياريت تقولنا فرق الاحساس بين العربيتين.
ثانيا فكرة ممتازة بتاعت بشمهندس محمد وانا معاكو قلبا وقالبا.

**aYaBooY** · 13-11-2011 12:26 PM

طيب اولا بعتزر اني مدخلتش اليومين الي فاتوا و ماشوفتش الموضوع غير دلوقتي
الفكرة كويسة و ان كانت شكلها صعب بس انا شايف ان الموضوع يستحق المحاولة
و حتى لو تم التجمع بصفة جمعية نقدر نضغت بوسائل كتير
طبعا انا مش هاقدر اشيل الليلة لوحدي و اعتقد اني هاخد تامر في السكة معايا
طيب نحاول نرتب ميعاد على اول الشهر في مكان محايد بين القاهرة و الجيزة ( اعتقد كارفور المعادي مكان كويس )
و نتقابل كلنا
مهمو تنظيم الميعاد و المقابلة اعتقد الاخ محمد على mido51eg يقوم بيها

**mido51eg** · 13-11-2011 12:33 PM

المشاركة الأصلية كتبت بواسطة aYaBooY

طيب اولا بعتزر اني مدخلتش اليومين الي فاتوا و ماشوفتش الموضوع غير دلوقتي
الفكرة كويسة و ان كانت شكلها صعب بس انا شايف ان الموضوع يستحق المحاولة
و حتى لو تم التجمع بصفة جمعية نقدر نضغت بوسائل كتير
طبعا انا مش هاقدر اشيل الليلة لوحدي و اعتقد اني هاخد تامر في السكة معايا
طيب نحاول نرتب ميعاد على اول الشهر في مكان محايد بين القاهرة و الجيزة ( اعتقد كارفور المعادي مكان كويس )
و نتقابل كلنا
[gdwl]مهمو تنظيم الميعاد و المقابلة اعتقد الاخ محمد على mido51eg يقوم بيها[/gdwl]

رقبتي سدادة

الموضوع: هتوحشوني يا فورداوية

LinkBack

أدوات الموضوع

عرض

العرض المتطور

-

-

-

-

-

-

-

-

المواضيع المتشابهه

هتوحشوني يا بتوع الدايوا

يا فورداوية هو فى فورد كا ya ret rad darory1400cc

يا فورداوية : الفورد كا و الفورد فيستا الجداد وصلوا المينا

الكلمات الدلالية لهذا الموضوع

المفضلات

المفضلات

ضوابط المشاركة