سلام عليكم
كنت عاوز اعرف نوع مكنة الازاز الكهربا الي بتركب على الماروتي
وفى زراير بتركب فى الباب ولا لازم احطها فى الطابلوه
هل ممكن اركب اكر الالتو مثلا فى الباب
عرض للطباعة
سلام عليكم
كنت عاوز اعرف نوع مكنة الازاز الكهربا الي بتركب على الماروتي
وفى زراير بتركب فى الباب ولا لازم احطها فى الطابلوه
هل ممكن اركب اكر الالتو مثلا فى الباب
متابع معاك
محل كماليات ادانى عرض 400 جنيه للبابين الأماميين مكنتين استيراد، بس انا منفذتش لحد ديلوقتى
بيتباع في الحرففيين (بس نادر متلاقيهم) المكن الاستيراد بتوع الماروتي بفرش الباب بتاعها بكل حاجه
ومعانا هنا استاذ ايمن حنفي بكام
الخلاصه
لو ضروري بالنسبالك الزرار في الباب يبقى لازم تشوف الفرش او هتقص في الفرش اللي عندك
لو مش ضروري روح لاي حد بتاع اكسسوارات والموضوع سهل
تحياتي
400 جنية للبابين ... اظن كتيير
انا دورت مش لاقي مكن للماروتي
واحد قالى اسال ايه نوع المكن الي بيركب عليها يعني مكنة عربية ايه
اجيب استيراد ولا جديد
مع العلم انى من اسكندرية
للأسف مش لاقي في اي مكان مكنة الازاز الكهربا و قالولي استيراد هتكلف حوالي 300 جنيه
بفكر في جديد بتاع الالتو يا اما استيراد بتاع الالتو برده ، لأن الألتو فيه منها فئات بس معرفش بكام و طبعا في التوكيل يقولك 4000 جنيه للـ4 ابواب
و بالنسبة مكان الزرار ممكن اعمله في التابلوه زي اللوجان انا عندي 3 زرارير فاضيين :)
الاخوة الاعزاء لمن يهمة الامر
انا مركب مكن كهربا لل 4 ابواب مكن استيراد و تم عمل اخرام جديدة ف الابواب لتركيب المكن و الازرار متركبة مكان علامة ماروتى اللى ف الكونسول للامامى و الخلفى . تركيب المكن تم ف شمبليون و تقفيل الكهربا تم ف التوفيقية لانى ف نفس الوقت كنت بركب انذار و سنتر لل 4 ابواب و مكن رفع زجاج . افتكر مكن الزجاج لل4 اتكلف 800 ج بخلاف شغل التوفيقية و مشتريات التوفيقية و المصنعية . و طبعا بخلاف اللى انا عملتة من تعديل بنفسى لان كل الابواب كان مدخل السلوك ف خرطوم و داخل من تحت فرش الباب شكلة كان غبى اوى و مش عاجبنى و شكلها متفبركة المهم عندى استلم الحاجة شغالة و بعدين اتصرف انا بمعرفتى . تانى يوم و بعد الفحص و التمحيص اكتشفت ان الابواب الامامية ليها اخرام ممكن تدخل منها السلوك للباب من القايم نفسة طبعا فكيت فرش الباب و كل السلوك و ابتديت ادخلهم ف طريقهم الصحيح من القايم للباب كدة خلصت البابين الامامى . نيجى للمشكلة ف الابواب الخلفى مفيش اى اخرام و لا مكان لدخول الاسلاك الا من تحت الفرش زى مكان عامل بس برضوا مش عاجبنى شكلها زبالة دورت ف الباب نفسة على اى خرم و لقيت خرم تحت تقريبا 6مم جنب كاوتش الباب قلت هستعمل الخرم دا ف دخول الاسلاك بس طبعا دا خرم صغير انة يدخل 4 اسلاك 2 للمكن الزجاج و سلكهم تخين طبعا و سلكين للسنتر توكلت على الله و قلت مبدهاش و زى متيجى . جبت بنطة 12 مم حدادى طبعا و اول حاجة عملتها وسعت الخرم ال 6مم و بعد كدة قعدت جوة العربية و قفلت الباب و مكان الخرم اللى عملتة دخلت فية مسمار و علمت مكان الخرم المقابل لية ف القايم و رحت خارم ف القايم نفس الخرم 12مم بس صعبة مش سهلة و باظت منى بنطتين و لازم يكون معاك كباية فيها ميية تخرم شوية وتروح مبرد البنطة و تخرم تانى بس الحمد لله فتحت الفتحة طبعا كانت صعبة لان الجزء السفلى كان صاج و تحتية تقوية عشان كدة كان صعب التخريم فيها . بعد كدة نعمت بالصنفرة مكان الاخرام عشات متكلش الخرطوم او الاسلاك بس الحق الخرم كان تمام على مقاس الخرطوم و دخلت الاسلاك الاول من جهة القايم و رحت مركب الخرطوم و بعدين دخلت الاسلاك لضرفة الباب و دككت جزء من الخرطوم ف القايم و جزء ف الباب و ظبط الطول المطلوب مع فتح الباب و قفلت الاسلاك تانى و كويس ان كان فى طول و محتجتش اطول الاسلاك نتيجة اللفة اللى عملتها و الحمد لله بقت زى الفل و لا تشوف حاجة و تحس انها فابريكة جاية كدة بس خدت منى شغل اكتر من نص يوم بس مش مشكلة عندى الوقت المهم النهاية اية و الحمد لله طلعت احسن مما كنت متخيل شغل مزاج مش صنيعية و اقلب . الحمد لله ربنا يباركلى فيها ماروتتى العزيزة و يكفينا شر الطريق قولوا امين
المهم اللى عاوز اعرفة اللى مركب سنتر خلفى برضوا الاسلاك داخلة من الفرش زى مكان عندى ؟؟ و الابواب الامامى داخلة للباب ازاى ؟؟ من الفرش و لا من الاخرام الموجودة الفابريكة ؟؟
طب ممكن صور يا استاذ كريم للشغل ده ؟
اقتباس:
المشاركة الأصلية كتبت بواسطة sab3aawy
ههههههههههههههههه انا مركب 4 باب ووحدات الرفع ب 400 ج بتركيبهم :ma:
هي ديه الاسعار الي تفرحاقتباس:
المشاركة الأصلية كتبت بواسطة medo_sirion
طب متقولنا المكن ده بتاع عربية ايه ومنين
اقتباس:
المشاركة الأصلية كتبت بواسطة axel
ربنا يسهل ان شاء الله بكرة اصور الشغل و ارفعها ع الموقع
يعنى انت مركب 4 مكنات كهربة لل4 ابواب ب 400 ج ؟؟ دا اية دا مكن كهربة لطش ع الفرش من الخارج ؟؟ ولا اية لان انا بصراحة ملقتش اى سعر زى اللى بتقولوا حضرتك دا الباب الواحد اللى عملتوا كدة حسبتها مكنة كهربة و مصنعية التركيب و عمل مقصات للمكنة الكهربا 100 ج يا بلاش صحيح !! المكن الكهربا دا استيراد و لا جديد ؟؟ و مش كل الاستيراد يابانى زى منا مركب بتاع متسوبيشى يابانى فى استيراد صينى برضوا و لو جديد تاكد انة صينى مليون ف100اقتباس:
المشاركة الأصلية كتبت بواسطة medo_sirion
اقتباس:
المشاركة الأصلية كتبت بواسطة eltorbeny
+111111111111111
يا جماعة انا سمعت ان وحدات الرفع بيتكون في حدود 150-200 جنيه للـ4 ابواب بالمصنعية بكله
ايه الارقام الغريبة اللي سمعتها ديه 800 و 400 !!!
للتوضيح : فى فرق بين مكن الرفع و وحدات الرفع . مكن الرفع دى المكنة الكهربا اللى بترفع الزجاج . اما وحدات الرفع دى وحدة الكترونية اللى بتكون مسؤلة مع الانذار لغلق الزجاج . يعنى فى عربيات بيكون فيها مكن كهربا بس لازم تركبلها وحدات رفع مع الانذار لو عاوز الزجاج يقفل لما تامن العربيةاقتباس:
المشاركة الأصلية كتبت بواسطة axel
ايوة يا استاذ كريم انا عارف وحدات الرفع و فيه زيها وحدات ضم انا بس اللي قريت غلط :ma:اقتباس:
المشاركة الأصلية كتبت بواسطة karimfahmy99
و عكست معايا وحدات من مكن هههههه
الراجل جابلى 4 مكنات نوعها تروس علشان دية اللى تركب فى الماروتى بتركيبهم بزرايرهم مكان كلمة ماروتى بوحدات الرفع للاربع ازاز التكلفة ب 400ج الموضوع مش صعب
الفكرة انتوا عندكم فى مصر الصناعية يحسسوكم انة اختراع
اما عندنا فى اسماعيلية الموضوع سهل جدا سواء كانت ماروتى او اى عربية تانية
ان شاءالله اول مانزل اسماعيلية هحاول اصورلكم الباب حتى لو هروح عند الراجل يفكلى الفرش وهصورلكم المكن من جوة علشان تصدقوا بس
دة غير الفرش الجلد اللى عملتة وستارة الكبس اللى ركبتها فى الازاز ورا وفرقت فى اشعة الشمس ودرجة الحرارة داخل العربية بسبب كبر الزجاج الخلفى
اقتباس:
المشاركة الأصلية كتبت بواسطة medo_sirion
اولا طبعا مبروك عليكاقتباس:
المشاركة الأصلية كتبت بواسطة medo_sirion
ثانيا دايما القاهرة بتكون اغلى ف اى حاجة استيراد انت ف الاسماعيلية جنب المصدر بورسعيد يعنى
ثالثا الراجل اللى ركب هوة اللى عمل ضفيرة الكهربة ؟ و الاسلاك اللى داخل للابواب داخلة ازاى ؟؟
اقتباس:
المشاركة الأصلية كتبت بواسطة karimfahmy99
لا طبعا الكهربائى اللى معاة هوة يركب والتانى شغال كهرباء
الاسلاك دخلت عادى فى مكان تحت كل مفصلة باب بتعدى منها السلك ويروح للباب اللامامى وبعد كدة يمشى فى المجرى الباب وبعد كدة يرو للكونصلة اللى فى النص من تحت الفتيس
اجمل حاجة فى ناس مستعدة تدفع 1000 ج مثلا بس متسافرش اى حتة برة القاهرة
احنا مصدقينك بس معلش لو تقدر تصورهالنا عشان نستفاداقتباس:
المشاركة الأصلية كتبت بواسطة medo_sirion
هو عدل اي حاجه فى صاج الباب ولا بتركب من غير مشاكل
مش الفكرة طبعا بس انت بتركب حاجة و زى اى حاجة ممكن تعطل او تحتاج صيانة يعنى انا لو ركبت ف الاسماعلية يبقى انا مضطر ف اى عطل او صيانة اروح للراجل اللى ركب هوة عارف شغلة و تركيبة ازاى يعنى هروح الاسماعليةاقتباس:
المشاركة الأصلية كتبت بواسطة medo_sirion
+1111111111اقتباس:
المشاركة الأصلية كتبت بواسطة eltorbeny
هوة عندى عدل ف صاج الباب و عمل اخرام جديدة للاكس اللى بيرفع الزجاج و اخرام لتثبيت المكن الكهربا
تم رفع الصور فى المشاركة عامل في عربيتي ....... , يا تري انت كمان عامل في عربيتك ايـه .... ؟؟؟
و دا رابط الموضوع :
http://www.nilemotors.net/Nile/24202...post3873922768
معلش ياكريم سؤال هو انت عامل زراير البابين الخلفين لنور الصالون بس ولا لحاجة تانيةاقتباس:
المشاركة الأصلية كتبت بواسطة karimfahmy99
وزرار الشنطة والكبوت لازمتهم ايه
مركب الازرار للابواب الخلفى لنور الصالون و لتامين السيارة لو حد فتح من الباب الخلفى لان معظم الناس عارفة ان الماروتى ملهاش ازرار للباب الخلفى { طبعا قصدى بالناس دى الحرامية الله يحرقهم حسبى الله و نعم الوكيل فيهم } فبيكسروا المثلث الخلفى و يفتحوا العربية حتى لو عامل انذار بس مفيش زر للباب الخلفى يبين للانذار ان الباب الخلفى اتفتح و دا نفس الكلام للشنطة و الكبوت بس ليهم ازرار خاصة و معظمهم بيفتحوا من الباب الخلفى او من الشنطة و يقلبوا العربية . و ربنا يسترها معانا و يبعد عننا ولاد الحرام دول كفاية الفسبا اللى اتشالت قبل العيد من اسبوع الله يحرقة اللى خدهااقتباس:
المشاركة الأصلية كتبت بواسطة eltorbeny
ربنا يعوض عليك
الفسبا لازم تستخدم جنزير حديد
هى كانت صينى ولا ايه؟
لا يا اخى الفاضل كانت الهندى بستم خلاط مش صباب الجديد و جديدة يادوب عاملة 25000 كم ف 5 سنين و تتباع اغلى من الزيرو صباب الجديداقتباس:
المشاركة الأصلية كتبت بواسطة eltorbeny
حسبى الله و نعم الوكيل
برافوا عليكاقتباس:
المشاركة الأصلية كتبت بواسطة karimfahmy99
عملت شغل حلو للعربية احسن من اللى انا عامله بكتير
.
اقتباس:
المشاركة الأصلية كتبت بواسطة aymanay32
اتفضل يا اخى الفاضل متغلاش عليك :welcome1:
انا من كام يوم كنت فى بورسعيد فى حته اسمها الاسكان ( المنطقة اصلا لو اول مرة تدخلها تتهبل من الحاجات الى هناك مرمية زى الرز) المهم هناك لقيت مكن ازاز كهربا يركب على الماروتى الجوز ب 100 وانا مرضيتش اشترى خصوصا العربية مكانتش معايا هوا حد كان عنده علم بالموضوع دا ولا لسه .. لان الناس هناك بتاخد وتدى معاك فى الكلام وممكن السعر ينزل عن كدا كمان
ديه حاجات مستعملة و لا جديدةاقتباس:
المشاركة الأصلية كتبت بواسطة msa142
مستعملة وكان فى نوعين الاول الى بتروس دا ب 100 و 60 الواير
معلش هتعبك معاية لو حبيت أشترى جوز مكن تروس لازم أروح هناك ولا تعرف حد يقدر يشتريهم و يكون جى القاهرةاقتباس:
المشاركة الأصلية كتبت بواسطة msa142
اقتباس:
المشاركة الأصلية كتبت بواسطة josephn
مفيش تعب ولا حاجه خالص ياريس
للاسف انا معرفش حد فى بورسعيد وكان نفسى والله اكون انا الى اجيبهملك بنفسى بس للاسف انا مشاغلى كتير اليومين دول
بس حضرتك ممكن تسأل الاول عندك فى القاهرة ممكن تلاقى الاسعار حنينه شوية احسن من السفر ووجع الدماغ
أنا متشكر جداً لذوق حضرتكاقتباس:
المشاركة الأصلية كتبت بواسطة msa142
انا ركبت ماكنتين جداد بتوع الماروتى نفسها بمبلغ 250 جنيه و35 جنيه للزرارين و60 جنيه تركيب وزى الفل وبيتركب الزرارين فوق الكونصول اللى مكتوب عليه ماروتى واشتريت الماكنتين من عند ميدو سوزوكى بشارع احمد حلمى قبل ما تدخل على محطة مصر .
السلام عليكماقتباس:
المشاركة الأصلية كتبت بواسطة aymanadad
عندى استفسار
انتا قصدك 250 للماكينة الواحدة و لا 250 للماكنتين مع بعض يعنى الواحد ب 250 و لا 125؟
و كمان لو فيه صورة لماكن الزراير و هما راكبين يبقى يا ريت
و شكرا