طلب نصيحة من ملاك الفلوانس

**rachid89** · 09-11-2011 11:23 AM

كل عام وانتم بالف خير
انا باذن اللة ناوي اجيب فلوانس 2012 قريبا لكن خايف من مشكلة التيل الي بيصفر ومحدش لاقي حل للمشكلة دي حتي علي صفحة رينو في الفيس بوك ناس كتير عندهم نفس المشكلة تنصحوني باية والي حصلت معاة المشكلة دي يقول عمل اية

**romioramy** · 09-11-2011 11:34 AM

أنصح حضرتك بسؤال السيد / بوكلا و هو خبير في اي استفسار بخصوص الفلوينس و هتلاقيه على صفحة فلوينس ( رينو ) .

**Ahmed Selim** · 09-11-2011 12:12 PM

تصفير التيل ده مش مشكلة على الإطلاق و أسبابها الأتى

1- خامة التيل ( الخامة المطابقة للمواصفات حالياً بتقل فيها نسبة من مادة أسمها الأسبستوس علشان مضرة بالبيئة و المادة دى قلتها بيخلى التيل يصفر )
2- وجود ذرات تراب بين التيل و الطنابير
و أعتقد كان فيها سبب تانى بس أنا مش فاكره

و على فكرة لو غيرت التيل بنوع تانى ممكن ميصفرش.

المشكلة دى مش خاصة بالفليوانس....حصلت معايا فى بى أم و فيكترا و ميجان و نيسان و كذا حاجة تانية.

**Hema_law** · 11-11-2011 07:57 PM

المشاركة الأصلية كتبت بواسطة saintsero

حضرتك ما تخفشي
انا غيرت التيل بعد 20000 والصفره خفت شويه بس اسه موجوده
هي المشكلة في الصوت مزعج وقت حدوثه بس بالنسبه لعامل الامان ما فيش مشكلة

يعني معقوله ملوش حل فعلا غريبه أنا معي فلوانس بس ربنا يكرم لغاية دلوقتي ما سمعتش الصوت ويعني إيه صوت في العربيه وترضى بيه هي مش عربيه جديده أنا او منك ابات في التوكيل لغايه ما يلقوا حل هو الواحد بيد فع فلوس حرام

**abdallasoliman** · 12-11-2011 08:12 PM

انا مغير تيل الفرامل فى التوكيل للميجان من 10شهور ومكانش فية تصفير بس حاليا بيكون فية تصفير لما بيتسخن الطنابير ولما قولتهم فى التوكيل على التصفير قالو التيل مفيش تراب او رملة بس انا معتقد بكون من خامة التيل وانا مركب تيل فرمل خلفى والله صينى ومن فترة سنة او اكتر ومفيش تصفير؟؟؟؟ يمكن علشان الامامى اصلى بيصفرعلشان يكون فية فرق

**saintsero** · 13-11-2011 11:22 AM

المشاركة الأصلية كتبت بواسطة Hema_law

يعني معقوله ملوش حل فعلا غريبه أنا معي فلوانس بس ربنا يكرم لغاية دلوقتي ما سمعتش الصوت ويعني إيه صوت في العربيه وترضى بيه هي مش عربيه جديده أنا او منك ابات في التوكيل لغايه ما يلقوا حل هو الواحد بيد فع فلوس حرام

خضرتك انا عملت زي ما بتقول ، وطبعا الكلمه الشهيره الى بتسمعها في اي توكيل "الصوت ده عادي حضرتك"

ولما انفعلت خلوني اجرب العربيه "Test Drive" فوجدت نفس الصوت موجود!!!!!!

ان شاء الله ميحصلشي الصوت ده معاك

بس الي اقدر اقوله انهم بقولوا كلمه ويارب يكونوا عند كلمتهم "انهم معندهمشي مشكله خالص ان لو في حاجه حصلت لقدر الله وحدث تلف نتيجه العيب ده حتى بعد انتهاء الضمان انهم يغيروها بدون تكلفه" والله اعلم

**azima21** · 13-11-2011 11:35 AM

أنا في النوكيل دلوقت بعمل صيانة ال15000 كم و عندي نفس المشكله و لما سلمتهم العربيه خليت المهندس طلع معايا اسمعه بنفسه الصوت علشان مايقوليش دي عاوزه نظافه ,و بعد كده سلمتله العربيه و روحت لخدمة العملاء فقاللي إحنا هانشوف العيب فين بس هو ده هايبقى العادي لكل العربيات الأوروبي بعد كده علشان موضوع الإسبستوس ده,فقاللي إحنا هانغير التيل بعد 20000 فقلتله و الضمان فقاللي التيل بيخرج من الضمان بعد 10000 كم,مع إني و الله الشكوى ده كانت معايا من صيانة ال5000 كم,بس هي الغلطه غلطتي علشان ماكنتش برجعلو على طول أول لما امشي من التوكيل و أسمع الصفاره تاني,هاقولكم على النتيجخ.العموم انا اول لما هاخلص

**Hema_law** · 14-11-2011 05:09 AM

المشاركة الأصلية كتبت بواسطة azima21

أنا في النوكيل دلوقت بعمل صيانة ال15000 كم و عندي نفس المشكله و لما سلمتهم العربيه خليت المهندس طلع معايا اسمعه بنفسه الصوت علشان مايقوليش دي عاوزه نظافه ,و بعد كده سلمتله العربيه و روحت لخدمة العملاء فقاللي إحنا هانشوف العيب فين بس هو ده هايبقى العادي لكل العربيات الأوروبي بعد كده علشان موضوع الإسبستوس ده,فقاللي إحنا هانغير التيل بعد 20000 فقلتله و الضمان فقاللي التيل بيخرج من الضمان بعد 10000 كم,مع إني و الله الشكوى ده كانت معايا من صيانة ال5000 كم,بس هي الغلطه غلطتي علشان ماكنتش برجعلو على طول أول لما امشي من التوكيل و أسمع الصفاره تاني,هاقولكم على النتيجخ.العموم انا اول لما هاخلص

بجد شكرًا على اهتمامك بإعصاء المنتدى لانها مش مشكله فرديه وياريت تقولنا الي حصل في اقرب وقت عشان الواحد يتعلم لانه العربيه بجد بسم الله ما شاء ما فعاش حاجه بس أكيد كل سياره ليها عيوب ومميزات