تركيب كاسيت بايونيير مع الفبريكة

**shark_3li** · 09-11-2011 05:40 PM

يا رجالة انا ناوي أجيب كاسيت بايونيير 5 او 7 باند بس المشكلة عندي اني مقدرش استغني عن الكاسيت الاصلي بتاع العربية لان هو اللي بيتحكم في شاشة البيانات فهكون محتاج الاتنين مع بعض يا تري دي هتكون مشكلة ولا في حل للموضوع ده بحيث ان الاتنين يكونو شغالين
انا نوع الكاسيت عندي blaupunkt بتاع البيجو والستروين صوته كويس بس انا بدور علي الأحسن لو ممكن يركب له حاجة مثلا تحسن من أدائه يبقي وفرت كتيير زي مثلا زيرو باور ممكن يخلي صوته زي البايونيير كدة ولا مش هيوصل المستوي ده

**rotanamasoud** · 09-11-2011 05:57 PM

ممكن تخلى الكاسيت متوصل بس تفصل سلك السمعات وتوصل الجديد عادى
او لو الكاسيت صوته حلو وفى راكه اوت حتجيب زيرو بور وتوصله بيه وجى ام وممكن تزود ام بى ثرى يتوصل على الزيرو باور وتبقى مشغل الكاسيت الفبريكا(للراديو) والزيرو بور للام بى ثرى

**shark_3li** · 09-11-2011 08:17 PM

هي ايه الراكه أوت ولو موجودة عندي اقدر اجيب زيرو باور يكون فيه USB ولا مفيش زيرو باور فيه الإمكانية دي لاني اعرف ان الaux مش بيطلع الصوت بنقاء عالي زي ال USB

**rotanamasoud** · 09-11-2011 08:40 PM

المشاركة الأصلية كتبت بواسطة shark_3li

هي ايه الراكه أوت ولو موجودة عندي اقدر اجيب زيرو باور يكون فيه USB ولا مفيش زيرو باور فيه الإمكانية دي لاني اعرف ان الaux مش بيطلع الصوت بنقاء عالي زي ال USB

مشفتش زيرو باور فيه USB وال aux اعتقد ان صوته واحد فى الزيرو باور(لان الزيرو باور بيقسم الصوت من المصدر وتعتبر كل المصادر متشابهه بالنسباله)
الراكه شبه كده

**shark_3li** · 10-11-2011 04:07 AM

طب معلش سؤال كمان
دلوقتي الزيرو باور ممكن يغنيني عن اني اشتري كاسيت جديد يعني لو هو مثلا ٧ باند هيطلع صوت زي كاسيت بايونيير ٧ باند وايه احسن نوع من حيث الجودة والسعر يعني تكون حاجة كويسة و سعرها مناسب