عاوز اعرف سعر ما تور دايو نوبيرا كامل انا سالت سمعت سعر 3200 بالفتيس السعر دة كويس ولو من غير الفتيس يكون سعرة كام واشكركم
عرض للطباعة
عاوز اعرف سعر ما تور دايو نوبيرا كامل انا سالت سمعت سعر 3200 بالفتيس السعر دة كويس ولو من غير الفتيس يكون سعرة كام واشكركم
كام سى سى؟؟؟؟؟؟؟؟؟
انا سالت على ماتور النوبيرا فقط من غير ادوات التغذيه كان ب 1900
معلش هو انت السعر دا كان للماتور بجير مانيوال ولا اوتوماتيك؟
كان مانيوال 1600 سىسى
فى زميل هنا جاب مكنة 2000 سى سى من غير الفتيس
2200 جنية
شكرا على الاهتمام
سلام عليكم انا جبته من عند الراجل اللي جنب سوسو من حوالي شهرين كان بادوات التغذيه كلها والفتيس وبرسوم الورق 2550 وبعدها باسبوعين جبت واحد تاني لعربيه واحد صاحبنا من عزبه شلبي 3000 بالورق برده كامل بكل ادوات التغذيه والفتيس
بس نصيحه مني ليك لو ادوات التغذيه عندك كويسه والفتيس كويس بلاش تكلف نفسك عالفاضي انا حسيت بكده بعد لما غيرت المكنه بتاعتي
ولو المشكله عندك بسيطه بالماكينه بتاعتك بلاش تغيرها عشان بعد كده هتاخد فتره عقبال ما تكتسب ثقه بالعربيه بعد ماتغير الماتور القديم
وده اللي حصل معايا مع العلم اني غيرت الماتور بتاعي عشان كانت الماكنيه عايزه وش سلندر وانا افتريت وقولت اغير الماكينه كلها بدل ما اجيب وش سلندر ب 1200 جنيه اجيب ماكنيه كامله 2500
شكرا على الرد يا استاذ وليد بس ليه الفرق فى سعر الماتورين
طيب يا جماعه انا عايزه اجيب موتور ليجنزا 2000 سىسى يتركب على نوبيرا بدلا من 1600 سى سى السؤال هل المرور حيوافق على الكلام دا ولا حيقول ان لازم اركب موتور نفس السعه و ارجوكم ان تفيدونى فى السؤال ده لانى محتاره جدا و ياريت الرد يكون موثوق فيه لانى خايفه اشترى و اكلف نفسى و فى الاخر المرور يرفض
معلش سؤال تانى هو تكلفه ترخيص موتور ليجانزا1998 سىسى كام فى المرور فى السنه
على عربيه نوبيرا 2003
هو ينفع طبعا حتى لو جبتى موتور2200 سى سى
اهم حاجة انة دايو
ودول عربيتن نوبيرا متسقطلهم مكنة 2000 سى سى
http://www.nilemotors.net/Nile/77455...to-nubira.html
http://www.nilemotors.net/Nile/214532-2000.html
متشكره يا احمد على الرد بس انت متاكد ان المرور حيوافق و كنت عايزه اعرف ضريبه الموتور 2000 سى سى تبقى كام ومتشكره مرة تانيه لاهتمامك و شكرا
اكيد المرور هيوافق مفيهاش اى مشكله
انتى لما تسقطى الماتور فى عربيتك هتاخدى ورق الماتور والافراج الجمركى عن الماتور وتروحى ترخصى بيه
طبعا المرور هيوافق طالما الموتور دايو
اما التكلفة مش عارف
انشاء الله يوم الاثنين نزله ادور على موتور يكون فى نصف امامى كامل علشان على الاقل اشوف التابلوه العداد عامل كام كيلو زياده تاكيد على كلام الميكانيكى بس انا عايزه الموتور بالكارته بتاعته
يتركب على فيتيس العربيه و هو مانيوال على العموم انا حا قول على كل خطوه بعملها علشان الكل يستفيد
هاتى الموتور بفتيسة افضل
ليه الموتور بفتيسه مع العلم لما يكون فتيس موتور 1600 تيجى تركبه على 2000 بيكون الاستجابه افضل واسرع مش كده برضو ولا انا غلطانه
فى موضوع قرأته هنا كان تم وضع موتور 2000 على ىفيتيس 1500 سى سى
انتى مش محتاجة الفتيس... الفتيس اللى فى عربيتك يشتغل على المكنة ال2000
MMamdouh
و سعر الترخيص لل 2000 cc بكام مثلا لليجانزا 99
ليجانزا 99 540 في السنه
ليجانزا فوق 2000 700 في السنه
وبالنسبه لتركيب موتور 2000 علي نوبيرا في وجهة نظري خساره ابيع العربيه واجيب ليجانزا بنفس السعر تقريبآ وهاخد
1- ثبات عالي
2 - فخامة ووسع
3- فرامل abs
4- كرسي كهرباء + فرش جلد
5- تكييف ينفع يركب لثلاجه لحمه
6- كاسيت cd وجامد
7- شنطه وسعه جدي
8- الاوتو منها بقوه المانيول
وعلي فكره الليجانزا رخص ثمنها في مصر علشان هيا 2000cc فبتستهلك بنزين و الضريبه غليه
وفي حاله تغيير النوبيرا ل 2000cc هتبقي نفس الموضوع بتستهلك بنزين و الضريبه غليه
والله الموفق
على فكره انا عندى فرامل ديسك امامى و خلفى ايه بى اس كراسى جلد طبيعى تكييف درجخ حراره 4 مئوى على الترمومتر 7 مئوى ظهرا عازل حرارى فى الزجاج امامى خلفى جانبى فاصل حركه للموتور ومانع للدواره صاوند سيستم كينود دى فى دى نفيجاشن فيديو سى دى وحدات رفع كونسوله عاليه فى الوسط وخدع جانبى على الابواب مساج كامل للظهر و الفخذين مكيف دواسات بالنور فرو طبيعى على الكراسى الاماميه صالون مضيىء فى الارضيات ثلاجه فى الشنطه اسبويلر جناح نور اسفل السياره فى الكامل اضافات على الكصدام امامى خلفى عتب جانبى كاميرا خلفيه حساسات اماميه خلفيه جانبيه زينون فليبس علوى منخفض شابوره سقف مضىء اضافات على المرايا الجانبيه بلون السياره سترب لايت امامى و خلفى برنيطه خلفيه شماسات جانبيه ستائر جانبيه خلفيه احزمه امان بحليات فرو جنوط 15 بوصه كاوتش بريدجستون تليفون بلوتوث على سماعات السياره كاميرا اماميه للرؤيا الليليه جهاز كاشف لراداراقل مسافه 500 متر منقى و مفلتر للهواء الداخلى جهاز ماوتن بريز علشات بفك الاسترس العصبى و صداع العيين وحدات رفع للزجاج و سنتر لوك مع الفرامل و يفتح مع غلق الموتور لكن الموتور جاب اخروه يعنى باظ فقلت اغير بموتور 2000 سى سى و بعد كل ده جاى تقول ابيع و اجيب ليجنزا حرام عليك
ودى بقه عربيه ولا طيارة اكيد مقضيه حياتك جواها انا لو منك انام فيها
تقرير مفصل ازاى مانا شرحه كل حاجه ثم كل ده موجود انا مش جايبه حاجه من بره غير الرادار و الفرو وجهاز ماونت بريز قولى عايز افسر ايه بالظبط هى الحكايه كلها عايزه شويه فلوس و وقت علشان تعمل كل ده و بعدين تفرح بيها على العموم انا تحت امركم ومش ناقص غير الموتور
بااااى على فكره الموقع واللى فيه لذاذ جدا وانا مبسوطه انى انضميت ليكم
انا بحترم اليجانزا جدااا
واكتر عربيه في فئتها مظلومة ومش واخدة حقها
بس يا ريت لو عندك ليجانزا تعمل لينا تقرير صغير كدة عنها
من حيث الاداء واثبات والتسارع
واسعار قطع الغيار ومدى توافرها
واستهلاك لبنزين داخل المدينة بتعمل كام في الصفيحة
وشكرا مقدما لاني بفكر فيها لو هجيب حاجة غير النوبيرا اللي معايا
انا واخده العربيه من بنت خالتى قبل ماتسافر لامريكا وهى اللى عامله العربيه كده وهى ادتهالى هديه بس الموتور باظ منى من كتر المشى بهاانا عامله بها 280 كيلو و انا اخدها عامله 25 كيلوفالموتور هلك وعلى فكره العربيه داخل البلد بتعمل 8 الى 9 لتر لكل 100 كيلو اما خارج البلد 13 لتر لكل 100 كيلو
ما شاء الله عربيه شكلها جميل جدا
ياريت تصوريها لينا
عايز تشترى ولا اية ياممدوح
اللى هيبلغ عنكم عشان ياخد نسبته موجود :d
ههههههههههههههههههههههههه هههههه
ليك 0.1%
بس اوعى تقول لحد