عايز مساعدة من خبراء الحدائق --- حديقة المصنع
الحمدلله خلصت انشاءات المصنع , و انتهت تجارب التشغيل و بدء الانتاج الفعلي ...
و عايز أعمل الجنينة بتاعة المصنع و مش عايز اعمل حاجة تلقيدية او عادية زي المصانع اللي جنبي و همه عاملين بجوار الأسوار بتاعتهم شجر كازورين و نجيلة عادية و بس على كده .
أنا عايز اعمل حديقة من شجر مثمر زي النخل أو الرمان أو جوافة .... و كده برضه .
المهم المساحة الممكنة كالتالي :
1- رصيف بطول المصنع منه 2 متر رصيف و 6 متر حديقة و 1.5 متر رصيف بجوار السور و اجمالي الطول 80 متر تقريبا .
2- رصيف برضه بعرض المصنع نفس المواصفات بطول 60 متر . بس فيه مشكلة ان حتة تقريبا 10 متر مليانة كابلات و سكينة كهربا و مش عارف اعمل فيها ايه لأنها بجوار البوابة الرسمية للمصنع تماما و دي اكبر مشكلة عندي في الحديقة و الديكور الخارجي للمصنع .
3- مساحة زي البند 1 من داخل السور بس بطول 60 متر .
4- جراش العربيات انا عايز اعمله برضه بشجر متسلق عشان يكون شكله جميل و كمان و ده أهم يرحم السواقين و العربيات من حرارة الصيف .
عايز منكم افكار مناسبة و رخيصة و جميلة للتشجير ... بس محدش يقولي اعمل اسم المصنع بالنجيلة ... المهم عندي الشجر المثمر و برضه عايز اجيب نجيلة زي بتاعة الملاعب كده ...
