الله يسلم حضرتك
انا كنت فى فارسكور ومعدى لكفر سعد
عرض للطباعة
انا حايف احسن العيال دول يكونو من اعضاء المنتدى و يقولك احنا اللى كنا بتجرى وراك ...........هزار طبعا حمد الله على السلامة
حمد الله ع السلامة وربنا يسلم الجميع من ولاد ال.... اللى بيبلطجوا ع الناس يا رب يتفرموا كلهم
على فكره الموضوع ده حصل معايا ومع اتنين من اصحابى طبعاٌ كل واحد فى مره لوحده واحد عربيته راحت منه والتانى خلع منهم بعد مطارده طويله عريضه وانا اتكسرلى فانوس خلفى
وظنى ان اللى جاى انيل
والبركه فى البرشام اللى بقى بيتباع عند البقالين زى الملبس زمان
الحمد الله انك سليم انت والي معاك وربنا يسترها معاك ومعانا وجميع المسلمين
حصلت معايا حاجة مشابهه ... جوه اسكندرية في أوائل فبراير كان في لجان شعبية و في أشباه لجان شعبية عبارة عن صيع بيثبتوا الناس ويقلبوهم ...
وقفت قالي بعد الاذن الرخصة و البطاقة وريتهومله وهم في ايدي و مشيت بعدها بدقايق لقيت واحد منهم راكب موتوسيكل و معاه سكينه بيلوح بيها و وصل جنبي وشتايم و قلة أدب قمت مسرع سنة و خابطه بركن الاكصدام الخلفي شمال و وقع وولا بصيتله ... انا لو هديتله او وقفت مش هيحصل طيب ... ولو فضل ماشي ورايا فترة كبيرة هيوترني و يجوز انا اعمل حادثة لا قدر الله
وعموما لما يحصل معاك شبيه للموقف ووصلت انهم بيطاردوك اخبطهم بقلب لانه معاهم سلاح مش جايين يهزروا معاك ..
اسف على التاخير يا جماعه ..بس مفتحتش المنتدى من يوم ما عملت الموضوع نظرا للظروف
ومتشكر جدا لكل الى ردوا فى الموضوع
المشكله فى انى اخبطهم
اولا انا مش عاوز مشاكل اخلص من موتوسيكلين الاقى الطريق كله بيجرى ورايا ...اصل وقت ما بيكون الموقف بجد تفكير الواحد بيختلف
انا زمان كنت بقول لو اتحطيت فى موقف زى ده هسحل كل الى يقابلنى تحت العربيه
لكن التنفيذ ..صعب
وانا حاولت كذا مره انى البسهم فى اى حاجه ..بس صعبه مش سهله لان الموتوسيكل سهل يفلت من اى حاجه ..و بيفرمل ..وفى نفس الوقت فى موتوسيكل تانى ..لما بنشغل مع واحد ..التانى بييجى جمبى او يعدينى ..
و انا لانى حافظ الطريق ..كنت ببقى عارف انى داخل على مطب و عاوز ابعد بقدر الامكان قبل ما اوصل للمطب ..فكنت بنشغل بالطريق انى انجز ..
لكن عموما الحمد لله ..هما قالو هووووووب و خدو الجامبو بالحضن ..واعتقد المعلم جامبو مش هيسيبهم :)
بالنسبه للسلاح ..للأسف ترخيص السلاح مش سالك اليومين دول خالص :(
انا معايا طبنجه صوت ..واليكتريك و شومه :( بس الطبنجه يومها كانت فى العربيه التانيه و كسلت اخدها
بالنسبه للعربيه انى اضحى بخبطه فيها
معلش صعبه ..انا لو راكب s500 هكسر العربيه كلها على دماغهم عادى ..الفكره بالنسبه ليا وقتها مش فى قيمه العربيه ..دى عربيه اخويه و هو كان بيحبها جدااا فمش بحب العربيه تتلمس ..فكنت بعمل اقصى ما عندى انى اطلع من الموقف بدون خساير فى العربيه...
و عشان اخبطهم ...يا هضطر اخبط الشنطه او فانوس ورا ..وطبعا الاكصدام الى ورا
او خبطه فى الاكصدام الامامى او خبطه فى باب يمين او شمال ..او رفرف يمين او شمال
انا هجيب شيروكى 94 و امشيها ادامى بعد كده ههههه
احييك على التصرف
و ربنا يسترها معانا .
انا كنت حخبطهم من غير ما أتردد خالص خالص