ماذا لو استبدلت علبة السجاير بكوب لبن ؟

السلام عليكم ورحمة الله وبركاته

الموضوع وما فيه اني مدخن ومن النوع الي بيقال عليه Heavy Smoker
انا بقالي فترة بفكر في موضوع السجاير وهتاخدني لحد فين ؟؟

انا مش هتكلم بالأرقام والأحصائيات ومنظمة الصحة العالمية واخر مؤتمر طبي كان بيقول والبرنامج الفلاني كان بينصح ولا اي كلام من دة الي بيصعب علي امثالي تقبله او حتي فهمه

انا هتكلم معاكم كأخ ومحتاج منكم انتوا كمان تكلموني كأخ ليكم بعد أذنكم

من يومين روحت زورت عمي في العيد وكنت بشتكيله من اسناني ووجع غير طبيعي في ضروسي
كان تعليقه انها بسبب السجاير
انا طبعا كل لما اشتكي من حاجة كل الناس الي حواليا يقولولي من السجاير وانا بعندي وشيطاني اقول هما الناس دي عايزين مني ايه ؟؟؟؟

وقالي علي حاجة ..
قالي : ايه رأيك بدل ما تجيب علبة السجاير هات كوباية لبن لبنتك ؟؟؟؟

قالي سيبك من الصحة والأمراض وبصلها نظرة مادية واحسبها بالفلوس

فعلا يا جماعة اي مدخن فينا ممكن ما يفطرش في مقابل علبة السجاير والشاي والقهوة

ناهيك عن الفلوس والصحة

تفتكر ريحتك حلوة ؟؟؟؟؟؟؟؟

انا عايزك تشرب سيجارة طازة كدة وادخل بوس ابنك

عايزك بمجرد ماتخلص السيجارة شم ريحة ايدك

انا اكتر حاجة ضايقتني في حياتي وكرهتني في نفسي اني بعد ماخلصت السيجارة بتاعة قبل الغدا (ايوة بدخن قبل الغدا وبعد الغدا) جيت اأكل بنتي رفضت تاكل من ايدي وقالتلي اغسل ايدك يا بابا
بصراحة كنت عايز اقطع ايدي مش اغسلها

وساعات مش بترضي تبوسني

ارجوكم يا جماعة لو حد عنده افكار جهنمية لتبطيل السجاير ياريت يقولنا عليها ويكسب فينا ثواب

لو حد عنده حكايات وامثلة من النوعية الي قولتلكم عليها ياريت يساعدنا بيها

المشكلة ان الواحد مش بيتعظ من حكايات الأمراض والمستشفيات والهري دة كله

الحمدلله بفضل الله انها عندي عادة وليست ادمان

يعني بصوم عادي جدا
شغلي بيتطلب عدم التدخين اثناء تأدية عملي وبالفعل مش بدخن
لو مريض او عندي برد او اكلام من دة مش بدخن غير قليل اوي

لكن العادة بقي
شرب السيجارة مع الشاي
شرب السيجارة اثناء تسخين العربية
شرب السيجارة قبل النوم
شرب السيجارة اثناء الأنتظار لأي حاجة حتي لوكانت الحاجة دي ان المية بتاعة الشاي تغلي (يعني بشرب سجاير لحد لما اشرب الشاي مع السجاير)
شرب السيجارة بعد الأكل
شرب السيجارة اثناء اجراء المكالمة التليفونية
شرب السيجارة في كل حين وكل وقت

كل محاولات التبطيل باءت بالفشل الزريع علي مدار 16 سنة

ياريت يا جماعة تحاولوا تساعدوني في التبطيل واتمني بجد اي مدخن يحاول يشجعني ويبطل معايا ونبقي كسبنا ثواب في بعض

والله المستعان
،
،

اذا كنت عاوز فعلا تبطلها حضرتك
1- توكل على الله كدا وانوي بجد
2- الاراده ثم الاراده ثم الاراده
ده رأيي
اما بقى هتقلل منها او تاكل لبان وتشرب لبن او تاكل لب او الكلام الجميل الفاضي ده
انسى حضرتك
انت اللي تقدر تتحكم انت اللي تقدر توقف او تكمل توكل على الله وانوي وافعل
وان شاء الله هتقدر :)

بعد الشر عن حضرتك والله مش بفول عليك ولا حاجه
بس حاول تقرأ عن سرطان الحنجره ... جه لحد قريب من جدا مني السجائر وعلى فكره بيظهر بعد ال50 و بيظهر مفاجئه برضو

نصيحه من اخ صغير بلاش تشوف العذاب اللي شفناه و اللي قريبي شايفه دلوقتي وهو دلوقتي فقد القدره ع الكلام و بيتنفس من فتحه في الرقبه بسبب شويه دخان ملهمش لازمه و عشان خاطر اطفالك حتي بلااااااااااااااااااااااا ااش ارجووك

اسف مشاركتي ممكن تكون صعبه شويه بس بجد الموضوع عندنا حصل بسرعه الصاروخ في خلال اسبوع الصوت اختفي وكشف لقي الوضع كدا و خلال اسبوعين من بدايه التعب كان في العمليات

ارجوك بلاش

انا الحمد الله بطلت سجاير بقالي حاليا اكتر من 9 شهور و خلاص خلصت بالنسبه ليا
انا كنت مدخن شره بمعني مش كل من مسك سجاره و بيشرب نفسين ؟ لا انا كنت بشرب السجاره من اولها لي اخرها بمعني الكلمه غير الشيشه اللي ممكن لو قعدت قاعده 4 ساعات تفضل شغاله
انا كانت النيه موجوده للتبطيل و دي اهم حاجه و دي اللي لو موجوده النيه حتخليك تبطل اكتر
اول حاجه انا كنت بشرب نوعين مفيش تالت يا lm ازرق او ماربلورو بس الاكتر كان ال ام او حاجه بقيت احس اني فعلا تعبت و صدري يقفش عليا و احس بصوت في صدري مع النفس و بلغم و كدا و طبعا غير الصحه اللي في النازل و مقدرش امشي و لا اي كلام من دا
اول حاجه جيت بقيت اقلل كميه السجاير تدريجي بس في خلال شهر كنت مبطل و اخفف نوع السجاير لي حاجه خفيفه خالص انا كنت بشرب ال ام ابيض يعتبر من اخف السجاير و السجاره فعلا اخرك فيها 4 انفسه و حتلاقي نفسك بتولع سيجارتين ورا بعض في الاول بس عادي
يعني انا كنت في اليوم علبه او علبه و نص قللت لغايه اما بقي علبه في اليوم و بعد كدا علبه تكفي يومين و بعد كدا العلبه 3 ايام و بعد كدا سيجارتين في اليوم و بعد كدا العلبه خلصت مشترتش تاني
اولا انا لما جيت ابطل العلبه النظام الطبقو عليها مقلش استني كمان علبتين ابقي اقلل لا كل علبه بي نظام
اول حاجه من اول اما تبدي حتبقي عاوز حاجه محل السيجاره لان انت متعود في حاجه دايما في بقك ممكن تستبدلها بي لبان - لب - سواك و اكتر حاجه نفعت بعد تجربه كل حاجه السواك لانه شبيه اكتر بي السيجاره + انو بيدي طعم في البق حلو و لما بتشرب السيجاره انت بتحس الطعم دا و هوه بيتغير
اكتر مشكله بتواجهك بعد التبطيل انك تستمر
و هيه انك تشوف واحد مولع سيجاره و تبقي صوابعك بتاكلك عشان تمسك سيجاره تاني و انك تحطها في بقك و تقعد تتخيل نفسك و انت بتولع و بتشربها مع كبايه الشاي و القوه و الكلام دا كلو بص كنت بفصل نفسي اني اقول الحمد الله الذي عافني مما ابتلي به الاخرين و اقول بكره الصحه حتفرق و احس بالفرق طبعا في الاول لو حد بيشرب سيجاره حيبقي الدخان بالنسبه ليك عادي بعد حوالي اسبوع حتلاقي نفسك بتقول للي مولع سيجاره معلش الناحيه التانيه عشان الدخان بيتعبني
بعد كدا برضو اكتر حاجه تغريك لو عديت من قدام محل بيبيع سجاير انك تفتكر ايام زمان اما كنت بتشتري و تبقي عاوز تشتري
طبعا السواك في اول شهر حيسعدك جامد لانو حيبقي في بقك علي طول و لو جيت تولع سيجاره حتكسل عشان لسه حتشيل السواك و كدا فبطنش اهم حاجه برضو لما تبطل تبطل كلو شيشه و سجاير و كلو
طبعا اكتر حاجه حتساعدك كمان انك بتحص صحتك بترجع تاني لوحدها و في زمن قليل ميكملش شهر و بسرعه كدا و انت بتحس بدا كل يوم الصبح بعد التبطيل و تحس ان صدرك بقي رايق
+ اني كنت فعلا حكايه اللبن دي اقول بتمن علبه سجاير اجيب علبه لبن اشربها و دا كان بيحصل كنت بجيب المراعي بحس انها مش مغشوشه زي باقي الانواع و نضيفه و هيه فعلا كانت بتمن علبه السجاير لان ايمها كانت ال ام بي 6.5 جنيه و اللبن بي نفس السعر اول اما اصحي من النوم اشرب شويه و طول انهار بشرب و انا معدي علي التلاجه
برضو اهم حاجه متبقاش كتير بره يعني اقضي المصلحه وروح لان بره النسبه انك تولع سيجاره اكتر من البيت
+ لو انت بتدخن في البيت عود نفسك ما تشربش سجاير في البيت و انشاء الله تبطل قريب بس اهم حاجه العزيمه و الاراده و النيه انك حتبطل و تقول انا غير مدخن و انت فخور
احلي حاجه برضو لما حد يعزم عليك بسجاره حتي لو لسه مبطل من نص ساعه قولو الحمد الله بطلت و تمسك بالكلمه دي
جرب الطريقه دي و ربنا يكرمك

مع إحترامي لجميع المدخنين
إزاي أشرب حاجة مكتوب عليها التدخين ضار جدا بالصحة وبيجيب سرطان وصورة واحد بين الحياة والموت ممدد على السرير
أين عفلك إذا كان لما بتشتري أي منتج وصلاحيته فاضل فيها أسبوع بتخاف تشتريه تروح تشتري حاجة مكتوب عليها إنها بتجيب سرطان
ربنا يعافي جميع المدخنين
بيتك وولادك أولي بيك وبصحتك وخد بالك أنت بتدخن النهاردة بكرة إبنك هيدخن ذيك ولو من وراك
كفاية عليك زنبك هتشيل زنب بكرة كمااااااااااااااااااان

الحمد لله الذى عافانى من بلاء التدخين
فلله الحمد انا بطلت السجائر منذ ثمانى سنوات و الحمد لله بلا رجعه
أعترف بأنه كان هناك إشتياق فى أول الأمر و لكن الأن أكره رائحتها بشده
هناك طريقتين كنت بعملهم بصراحه كرهونى جدا فى السيجاره و قرفونى منها
الأولى : بلل طرف فلتر السيجاره قبل إشعالها و لاحظ تغير لونه أثناء التدخين مع كل نفس
إبتداءا باللون الأصفر مرورا بدرجات البنى حتى الوصول إلى شديد السواد و ذلك من سيجاره واحده
الثانيه: إحضار منديل ورقى و عند خروج نفس السيجاره أخرجه من فمك ليمر بالمنديل و لاحظ أيضا تغيير اللون
و لكن هذه المره بعد أن تمت المعالجه خلال الرئتين

و الله أنا كنت بأقول إيه ده إيه اللى الواحد بيعمله فى نفسه ده و حسيت بقرف شديد من السيجاره و لله الحمد تخلصت منها
ربنا يكرهك فيها و يكره كل المدخنين فى السجائر
و إن شاء الله تبطلها و تخلص منها إنت و أخى الحبيب

اعمل زيى وابدا غير حاجات كتير فى حياتك من بكرة
ايوة من بكرة 11/11/11 واولها التدخين
تاريخ مميز واستحالة يتنسى
وكل ما تيجى تولع سيجارة قول فى سرك 11/11/11
هتلاقى نفسك بطلت
وخد عهد على نفسك انا قبل 11/11/11 غير انا بعد 11/11/11
صلى الجمعة وقول يارب قوينى وخد الموضوع عند وتحدى
وصدقنى مش هتيجى غير قفش!

اقتباس:

---

المشاركة الأصلية كتبت بواسطة musiccairo

اذا كنت عاوز فعلا تبطلها حضرتك
1- توكل على الله كدا وانوي بجد
2- الاراده ثم الاراده ثم الاراده
ده رأيي
اما بقى هتقلل منها او تاكل لبان وتشرب لبن او تاكل لب او الكلام الجميل الفاضي ده
انسى حضرتك
انت اللي تقدر تتحكم انت اللي تقدر توقف او تكمل توكل على الله وانوي وافعل
وان شاء الله هتقدر :)

---

الحمد لله النية موجودة
وهي المشكلة مش مشكلة ارادة قد ماهي تعود وعادات زي ماذكرت

شكرا لحضرتك

والله المستعان
،
،

اقتباس:

---

المشاركة الأصلية كتبت بواسطة shadygalal669

بعد الشر عن حضرتك والله مش بفول عليك ولا حاجه
بس حاول تقرأ عن سرطان الحنجره ... جه لحد قريب من جدا مني السجائر وعلى فكره بيظهر بعد ال50 و بيظهر مفاجئه برضو

نصيحه من اخ صغير بلاش تشوف العذاب اللي شفناه و اللي قريبي شايفه دلوقتي وهو دلوقتي فقد القدره ع الكلام و بيتنفس من فتحه في الرقبه بسبب شويه دخان ملهمش لازمه و عشان خاطر اطفالك حتي بلااااااااااااااااااااااا ااش ارجووك

اسف مشاركتي ممكن تكون صعبه شويه بس بجد الموضوع عندنا حصل بسرعه الصاروخ في خلال اسبوع الصوت اختفي وكشف لقي الوضع كدا و خلال اسبوعين من بدايه التعب كان في العمليات

ارجوك بلاش

---

انا الحمد لله لسة 31 وكنت سمعت ان فرصتك قبل ال35 اكبر بكتير من بعدها
وكمان فرصتك قبل 35 بدون خساير اكبر من بعدها

متشكر اوي لحضرتك علي نقل التجربة الصعبة دي بس دي الحقيقة ونهاية متوقعة لكل مدخن والعياذ بالله

شكرا لحضرتك

والله المستعان
،
،

اقتباس:

---

المشاركة الأصلية كتبت بواسطة world_of_kill

انا الحمد الله بطلت سجاير بقالي حاليا اكتر من 9 شهور و خلاص خلصت بالنسبه ليا

الحمد لله الذي عافاك منها

انا كنت مدخن شره بمعني مش كل من مسك سجاره و بيشرب نفسين ؟ لا انا كنت بشرب السجاره من اولها لي اخرها بمعني الكلمه غير الشيشه اللي ممكن لو قعدت قاعده 4 ساعات تفضل شغاله
انا كانت النيه موجوده للتبطيل و دي اهم حاجه و دي اللي لو موجوده النيه حتخليك تبطل اكتر

الحمد لله النية موجودة

اول حاجه انا كنت بشرب نوعين مفيش تالت يا lm ازرق او ماربلورو بس الاكتر كان ال ام او حاجه بقيت احس اني فعلا تعبت و صدري يقفش عليا و احس بصوت في صدري مع النفس و بلغم و كدا و طبعا غير الصحه اللي في النازل و مقدرش امشي و لا اي كلام من دا
اول حاجه جيت بقيت اقلل كميه السجاير تدريجي بس في خلال شهر كنت مبطل و اخفف نوع السجاير لي حاجه خفيفه خالص انا كنت بشرب ال ام ابيض يعتبر من اخف السجاير و السجاره فعلا اخرك فيها 4 انفسه و حتلاقي نفسك بتولع سيجارتين ورا بعض في الاول بس عادي

للأسف انا بقالي سنين بشرب اخف الأنواع اللايت ومش بحب السجاير التقيلة

يعني انا كنت في اليوم علبه او علبه و نص قللت لغايه اما بقي علبه في اليوم و بعد كدا علبه تكفي يومين و بعد كدا العلبه 3 ايام و بعد كدا سيجارتين في اليوم و بعد كدا العلبه خلصت مشترتش تاني
اولا انا لما جيت ابطل العلبه النظام الطبقو عليها مقلش استني كمان علبتين ابقي اقلل لا كل علبه بي نظام

والله دة نظام جميل والحمد لله انا مش بتعدي العلبة في اليوم فأكيد هتبقي المدة اقصر والكمية أقل

اول حاجه من اول اما تبدي حتبقي عاوز حاجه محل السيجاره لان انت متعود في حاجه دايما في بقك ممكن تستبدلها بي لبان - لب - سواك و اكتر حاجه نفعت بعد تجربه كل حاجه السواك لانه شبيه اكتر بي السيجاره + انو بيدي طعم في البق حلو و لما بتشرب السيجاره انت بتحس الطعم دا و هوه بيتغير

السوالك كله فوايد طبية جميلة
وكمان سنة

اكتر مشكله بتواجهك بعد التبطيل انك تستمر

الله المستعان

و هيه انك تشوف واحد مولع سيجاره و تبقي صوابعك بتاكلك عشان تمسك سيجاره تاني و انك تحطها في بقك و تقعد تتخيل نفسك و انت بتولع و بتشربها مع كبايه الشاي و القوه و الكلام دا كلو بص كنت بفصل نفسي اني اقول الحمد الله الذي عافني مما ابتلي به الاخرين و اقول بكره الصحه حتفرق و احس بالفرق طبعا في الاول لو حد بيشرب سيجاره حيبقي الدخان بالنسبه ليك عادي بعد حوالي اسبوع حتلاقي نفسك بتقول للي مولع سيجاره معلش الناحيه التانيه عشان الدخان بيتعبني
بعد كدا برضو اكتر حاجه تغريك لو عديت من قدام محل بيبيع سجاير انك تفتكر ايام زمان اما كنت بتشتري و تبقي عاوز تشتري
طبعا السواك في اول شهر حيسعدك جامد لانو حيبقي في بقك علي طول و لو جيت تولع سيجاره حتكسل عشان لسه حتشيل السواك و كدا فبطنش اهم حاجه برضو لما تبطل تبطل كلو شيشه و سجاير و كلو
طبعا اكتر حاجه حتساعدك كمان انك بتحص صحتك بترجع تاني لوحدها و في زمن قليل ميكملش شهر و بسرعه كدا و انت بتحس بدا كل يوم الصبح بعد التبطيل و تحس ان صدرك بقي رايق
+ اني كنت فعلا حكايه اللبن دي اقول بتمن علبه سجاير اجيب علبه لبن اشربها و دا كان بيحصل كنت بجيب المراعي بحس انها مش مغشوشه زي باقي الانواع و نضيفه و هيه فعلا كانت بتمن علبه السجاير لان ايمها كانت ال ام بي 6.5 جنيه و اللبن بي نفس السعر اول اما اصحي من النوم اشرب شويه و طول انهار بشرب و انا معدي علي التلاجه
برضو اهم حاجه متبقاش كتير بره يعني اقضي المصلحه وروح لان بره النسبه انك تولع سيجاره اكتر من البيت
+ لو انت بتدخن في البيت عود نفسك ما تشربش سجاير في البيت

انا طبعا مش بشرب في البيت لكن بشرب في البلكونة ودي في غاية السهولة اني ادخلها لكن طبعا مش بشرب قدام المدام والأولاد

و إن شاء الله تبطل قريب بس اهم حاجه العزيمه و الاراده و النيه انك حتبطل و تقول انا غير مدخن و انت فخور
احلي حاجه برضو لما حد يعزم عليك بسجاره حتي لو لسه مبطل من نص ساعه قولو الحمد الله بطلت و تمسك بالكلمه دي
جرب الطريقه دي و ربنا يكرمك

دة انت الي ربنا يكرمك علي النصايح دي
وانشاء الله هعمل بيها


والله المستعان
،
،

---

اقتباس:

---

المشاركة الأصلية كتبت بواسطة medododo

مع إحترامي لجميع المدخنين
إزاي أشرب حاجة مكتوب عليها التدخين ضار جدا بالصحة وبيجيب سرطان وصورة واحد بين الحياة والموت ممدد على السرير
أين عفلك إذا كان لما بتشتري أي منتج وصلاحيته فاضل فيها أسبوع بتخاف تشتريه تروح تشتري حاجة مكتوب عليها إنها بتجيب سرطان
ربنا يعافي جميع المدخنين
بيتك وولادك أولي بيك وبصحتك وخد بالك أنت بتدخن النهاردة بكرة إبنك هيدخن ذيك ولو من وراك
كفاية عليك زنبك هتشيل زنب بكرة كمااااااااااااااااااان

---

هي بلاء من اولها لأخرها وكلها اضرار مش فوايد

اقتباس:

---

المشاركة الأصلية كتبت بواسطة mo3taz selim

الحمد لله الذى عافانى من بلاء التدخين
فلله الحمد انا بطلت السجائر منذ ثمانى سنوات و الحمد لله بلا رجعه
أعترف بأنه كان هناك إشتياق فى أول الأمر و لكن الأن أكره رائحتها بشده
هناك طريقتين كنت بعملهم بصراحه كرهونى جدا فى السيجاره و قرفونى منها
الأولى : بلل طرف فلتر السيجاره قبل إشعالها و لاحظ تغير لونه أثناء التدخين مع كل نفس
إبتداءا باللون الأصفر مرورا بدرجات البنى حتى الوصول إلى شديد السواد و ذلك من سيجاره واحده
الثانيه: إحضار منديل ورقى و عند خروج نفس السيجاره أخرجه من فمك ليمر بالمنديل و لاحظ أيضا تغيير اللون
و لكن هذه المره بعد أن تمت المعالجه خلال الرئتين

و الله أنا كنت بأقول إيه ده إيه اللى الواحد بيعمله فى نفسه ده و حسيت بقرف شديد من السيجاره و لله الحمد تخلصت منها
ربنا يكرهك فيها و يكره كل المدخنين فى السجائر
و إن شاء الله تبطلها و تخلص منها إنت و أخى الحبيب

---

الف شكر لحضرتك علي الدعاء ونقل التجربة

والله المستعان
،
،

اقتباس:

---

المشاركة الأصلية كتبت بواسطة mohamadfawzy

اعمل زيى وابدا غير حاجات كتير فى حياتك من بكرة
ايوة من بكرة 11/11/11 واولها التدخين
تاريخ مميز واستحالة يتنسى
وكل ما تيجى تولع سيجارة قول فى سرك 11/11/11
هتلاقى نفسك بطلت
وخد عهد على نفسك انا قبل 11/11/11 غير انا بعد 11/11/11
صلى الجمعة وقول يارب قوينى وخد الموضوع عند وتحدى
وصدقنى مش هتيجى غير قفش!

---

انشاء الله هبطلها في اقرب فرصة اتمني لو كانت بكرة
بس انا هبدأ النظام بأذن الله من النهاردة

انا عجبني اوي النظام بتاع الأخ الفاضل world_of_kill
وهمشي عليه لأني كنت عملته من فترة وكنت ماشي عليه بدقة متناهية وبقيت كمان بشرب اقل من المخطط لكن حدث فجأة حادث لواحد زميلي خلاني غيرت كل البروجرام بتاعي ورجعت ليها اكتر من الأول

بس هبدأ من جديد والله المستعان

شكرا جدا لحضرتك

والله المستعان
،
،

مع احترامى لكل التعليقات تبطيل السجاير مالوش غير طريق واحد الدعاء الصادق للة مع وجود العزيمة
وطبعا فى الاول الموضوع بيبقى صعب ولكن يوم بعد يوم التعب بيقل ولا تنس الدعاء كل يوم ولما ربنا يكرمك وتبتدى تبطل حتفرح بنفسك انك انتصرت عليها انا بكتب من واقع تجربتى الفعلية لانى كنت بدخن علبة ونصف فى اليوم وكنت بحب السجاير جدا وكنت فاكر انها تعطينى السعادة ولكنى بعد ما ربنا وفقنى اصبحت فى نفسية افضل بكتير فيا من تريد الاقلاع عن السجاير اجعل نيتك للة ليساعدك اللة ثم يعطيك الجزاء الكبير ما اكرم اللة على عبادة واللة المستعان

طيب انا عايز حاجه تخليني ابطل اشرب لبن
:)

فى دواء اسمه شامبيكس ممكن تعمل بحث على النت وتشوف
الدوا فعال وناجح مع ناس كتير قوى انا واحد منهم استعملته وبطلت من حوالى سنة من غير تعب خالص
وواحد صاحبى استعمله وبطل

اقتباس:

---

المشاركة الأصلية كتبت بواسطة zkralla

فى دواء اسمه شامبيكس ممكن تعمل بحث على النت وتشوف
الدوا فعال وناجح مع ناس كتير قوى انا واحد منهم استعملته وبطلت من حوالى سنة من غير تعب خالص
وواحد صاحبى استعمله وبطل

---

بطلت لبن ولا بطلت سجاير ؟

:))

ياااااااااااااااااااااااا ااااااااااااااااااااااااا ااااااااااااااااااااااااا ااااااااارب

السلام عليكم،

أنا كنت شفت واحد صاحبي كان جايب، سجاير بالكهربا، بتشحن من ال-usb ، وبتكون أقل في النيكوتين وكان جيبها من كشك من اللي موجودين في سيتي ستارز وبقالو بها كذا شهر وبيبتدي يقلل كمان عشان عايز يبطل. الكشك دة كان موجود جانب مكتبة الشروق ومحل كلاركس .

الحمد لله اخلصت النية ومن 11/11 لحد الان مولعتش سيجارة واحدة
ادعولى بالثبات

فكر فى كلامك كويس وهتلاقى انك عندك مليون سبب علشان تبطل تدخين
علشان صحتك
علشان مالك
علشان اولادك
علشان زوجتك
علشان عملك
علشان الاحساس بالدونية لما تشم ريحة ايدك او تلاقى ضوافرك صفراء
الاسباب كتير وكل شيخ وليه طريقة وانت الى هتختار طريقتك
انا عن نفسى اول ما عرفت ان مراتى حامل بطلت التدخين ورميت علبة السجاير فى الزبالة وبقالى 6 سنين مبطل
ولما حسيت انى ممكن اضعف جبت بونبونى وحطيته جمبى فى كل مكان فى المكتب فى العربية فى البيت وكل ما نفسى تهفنى على سيجارة احد واحدة والحمدلله الموضوع انتهى سريعا وفى خلال اسبوعين كنت تخلصت تماما من اى رغبة فى التدخين بل بالعكس اصبحت رائحة السجاير بتضايقنى
وفقك الله وثبتك وسدد خطاك يا اخى