الموضوع: اية حل الرجرجة

المشاركة الأصلية كتبت بواسطة egy_3assy

يا رجالة كل سنة وانتو طيبين ...
دلوقتي انا راكب اكسنت 99 - 1300 CC ,,, العربية بتبقي واقفة اول ما تدور زي الفل و 100 100 بس لما تسخن وابقي واقف في الزحمة شوية حلوين بلاقي العربية عمالة تترج و لازم ازود شوية بنزين عشان الرجة دي تروح ... نفس الحال طبعا لو شغلت التكييف ببقي في الملاهي .. الرجة بتبقي حاجة تقلب البطن يعني .. حد يقولي اية المشكلة .. دبرياج و لا الموتور متوطي ولا بوجيهات ولا فلتر ولا كربراتير ولا اية بالظبط عشان مقعدش اغير في حاجات علي الفاضي. علما بأني لما بشغل التكييف علي السلانسية والعربية باردة مبيبقاش في رجة .. يعني نغزة كدة وخلاص بتروح.
ارجو التشخيص من خبراء الهيونداوية.

سيدي الفاضل

برجاء الكشف عن ( قواعد الموتور ) اولا ( ميكانيكي في حدود 20 الي 30 جنية )
2- تغيير شمعات الاحتراق الي نوع جيد في( حدود 55 جنية )
3- تنضيف (( الحساسات الخاصة بدورة البنزين )) (40 جنية )
3-واخيرا ( من عند اي محل بطاريات ) اكشف علي دينامو البطارية والفولت بتاعها وحالتها ( 5 جنية )
دي اسعار حقيقية 30+55+40+5=130 جنية
وشكرا

المشاركة الأصلية كتبت بواسطة egy_3assy

استااااااااذ متشكر جدا جدا يا باشا ,, انت راجل محترم و كفائة وهدعيلك في صلاة الجمعة .. هعمل القصص دي بكرة و إن شاء الله هرد بالنتايج و يارب باذن الله تكون نتيجة كويسة.. طيب يعني الدبرياج مفيهوش حاجة اكيد ؟؟

الله يكرم اصلك ... وارجوك ماتنساش تقوللي النتيجة ......

المشاركة الأصلية كتبت بواسطة egy_3assy

استااااااااذ متشكر جدا جدا يا باشا ,, انت راجل محترم و كفائة وهدعيلك في صلاة الجمعة .. هعمل القصص دي بكرة و إن شاء الله هرد بالنتايج و يارب باذن الله تكون نتيجة كويسة.. طيب يعني الدبرياج مفيهوش حاجة اكيد ؟؟

كل سنة و انت طيب
أكيد مفيش مشكلة فى الدبرياج طالما مفيش مشكلة فى الطلعة!
المشكلة ممكن تكون:
قواعد موتور (أشك فيها لو الرجرجة علطول مش لما العربية تسخن بس )
ممكن جداً البوجيهات
ممكن الرشاشات (بعد تسخين الموتور حرارة المحرك بتأثر فى الأحتراق)
ممكن تكشف على دورة البنزين أو ممكن تستخدم السوائل المضافة للبنزين لتنضيف دورة البنزين (50 ~ 60 جنيه)
هذا و الله أعلى و أعلم
و أكيد رد الأستاذ (verna2008auto) جابلك من الأخر أنا بس قلت أشارك عشان تدعيللى معاه
و كل سنة و أنتم طيبين جميعاً

المشاركة الأصلية كتبت بواسطة mohm82

كل سنة و انت طيب
أكيد مفيش مشكلة فى الدبرياج طالما مفيش مشكلة فى الطلعة!
المشكلة ممكن تكون:
قواعد موتور (أشك فيها لو الرجرجة علطول مش لما العربية تسخن بس )
ممكن جداً البوجيهات
ممكن الرشاشات (بعد تسخين الموتور حرارة المحرك بتأثر فى الأحتراق)
ممكن تكشف على دورة البنزين أو ممكن تستخدم السوائل المضافة للبنزين لتنضيف دورة البنزين (50 ~ 60 جنيه)
هذا و الله أعلى و أعلم
و أكيد رد الأستاذ (verna2008auto) جابلك من الأخر أنا بس قلت أشارك عشان تدعيللى معاه
و كل سنة و أنتم طيبين جميعاً

شكرا لتأكيد شكوكي ... وانا في إنتظار النتيجة ......... بالتوفيق إنشاء الله

المشاركة الأصلية كتبت بواسطة egy_3assy

انا بس كان عندي ملاحظة سريعة ان الموتور اكيد قواعدة سليمة عشان لما بدور و افصل العربية مبيحصلش الرجة بتاعت القواعد غير اني لما بزود سرعة مش بترج برضة ... و معلش افتكرت حاجة كمان عايز اسأل فيها .. دلوقتي لما بلف الدركسيون للآخر علي اليمين يلف قوي و يرجع بصعوبة من اخر حتة .. ولما الف شمال جامد يلف بصعوبة كأنة بيزقني و مش عايز يلف... دة ممكن يكون عيب في اية مثلا؟؟ معلش متقل عليكم بس انا نفسي تبقي رابطة الهيونداي جامدة زي بتاعة الفورد كدة

السلام عليكم..
سيدي الفاضل اعتقد ان موضوع الدركسيون دة وحضرتك ماشى بالعربية (( اكيد صح )) لان مافيش دركسيون يلف لوحده من غير ما العربية ما تكون واخدة سرعتها
يبقي
اولا اخبار زيت باور العربية اية ؟؟؟ مغيرة امتا
ثم اخبار زوايا العربية اية ....؟؟؟ هل كشفت زوايا ؟؟
لو فية عندك ((زاوية نص درجة في احدي العجلتين الاماميتين )) العربية تحدف وممكن تشد الدركسيون معاها كمان

يبقي نبتدي بالتدريج اعمل زي ما احنا اتفقنا الاول وبعد كده نحل مشكلة مشكلة ...
اتمني اكون افدتك