لادا جرانتا - lada granta

**SAMER_ENGINES** · 10-11-2011 10:55 AM

أول ما تقول لادا الكل يقولك بتسخن و تقيلة وخشنة و مفيهاش رفاهية ووووو.........
فإذا ذكرت اللادا تذكر عيوبها قبل مميزاتها بكل أسف.....
و ده لأنى الوكيل بتاعها (الأمل) مفيش منه أمل.

نخش فى المهم و أنا بتصفح على النت و بالتحديد على اليوتيوب صادفنى الفيديو ده عن اللادا جرانتا و ده موديل من الموديلات الرائعة اللى بتنزلها شركة لادا زى البريورا و غيرهم و غيرهم و للأسف محدش يعرف عنه حاجة فى مصر و كل فكرتنا عن اللادا هى 2105 - 2107 - سمارا - نيفا.
مع أنى الموديلات دى لو نزلت هتكتسح عربيات كتير زى الأفيو و الفيرنا و حتى الصينى سعر اللادا عادة ما بيكون منافس إلى حد كبير و بصراحة بعض العربيات فى السوق جايز تكون كويسة بس متستاهلش المدفوع فيها و أعتقد لو اللادا نزلت الموديلات دى مصر هتكون ضربة معلم و هتقعد موديلات كتير فى البيت..
يلا نتحسر على الفيديو قصدى نتفرج على الفيديو..
[youtube]http://www.youtube.com/watch?NR=1&v=uGK_EKckS1s[/youtube]

**SAMER_ENGINES** · 10-11-2011 11:11 AM

الحقيقة مش عارف الفيديو مش ظاهر ليه فى الموضوع و عامة الفيديو الرابط بتاعه اهو..
ذںر€ذµذ·ذµذ½ر‚ذ°ر†ذ¸رڈ LADA Granta - YouTube

**mirra** · 11-11-2011 07:16 PM

انا شفت الفيديو دة قبل كدة و شفت كمان صور كتير للعربية الرائعة دى.اعتقد لو نزلت السوق هتكون منافس قوى للوجان بس لية مش عارف التوكيل معندوش فكرة عن الموديلات دى؟؟يعنى نزل البريورا فى معرض فورميولا الاهرام 2010 و شفتها هناك و كانت تحفة و بعد كدة شكرا.

**MOSHAKS** · 11-11-2011 09:57 PM

بصراحة جامدة العربية شكلها عجبنى جدا ياريت تنزل لحسن الواحد اتخنق من توكيل شركة الامل اللى مش عايز يطور نفسه ولا ينفتح على العالم الخارجى

**mrastra** · 12-11-2011 09:13 AM

يا جماعة العربية دى نسخة تجريبية ولم تنتج الى الان فى روسيا ......وكان فلاديمبر بوتن بيجرب السيارة دى من حوالى 4 شهور وقالو ان العربية هاتكون موجودة فى روسيا عام 2013 ولم تنتج بعد وسعرها قالو انة هايكون 7000 دولار فقط

**a7madramadan** · 12-11-2011 12:24 PM

هأقول لحضرتك على حاجة بس للتوضيح ... سبب رخص الــ 2107 هوه انها تكنولوجيا قديمة و تكلفة صناعتها رخيصة جدا وماعليهاش رخص تكنولوجيه تضاف على السعر

تيجي بقى للعربيات الجديدة نسبيا من اللادا زي البريورا و الجرانتا دي كلها عربيات دفع أمامي و مواتيرها كويسه الى حد ما بس مليانه تكنولوجيا كتير و كل ده هيصب في السعر وهتنزل بسعر عالي زيه زي العربيات الكوري و الياباني للأسف دي حقيقة و داه سبب قلق الوكيل (الأمل) من استيراد الموديلات الحديثة غير تجربته الفاشله مع الكالينا الصغيرة ... ودي غلطة تسويقية بحته منه فهو قرر انه ما يجازفش ويفضل على الــ 2107 و شركة صينية بالمرة عشان ياخد شوية أرباح بزيادة BYD و مش في باله باقي عربيات BA3 lada للأسف ده الواقع...