استفسار - مونديو

**joha_sha** · 10-11-2011 01:33 PM

1- العربيه بتاكل زيت بشكل رهيب وفجأه متلاقيش فيها زيت ولون العادم مش ابيض ومفيش تسريب زيت وبالمناسبه كبس الموتور 85 %

2- في صوت راك راك رااك راك اول ماتشتغل العربيه وبيروح بعد شويه

3- العربيه لما بتسخن بيبقي في رعشه ف طلعتها لكن لو كبست بنزين جامد ف الطلعه بتروح الرعشه

4- سحب العربيه ضعف بالذات لما بتظهر الرعشه

تفتكرو ايه سبب الحاجات دي وياتري سببها ايه هل نفس الحاجه ولا مالهمش علاقه ببعض وكل حاجه ليها سبب مختلف ؟؟؟

وشكراااا

**aYaBooY** · 10-11-2011 03:10 PM

طيب فيه صحينة في في طبة الزيت او زيت عايم على وش مياه القربة او ريحة وحشة قوى من الشكمان؟؟

**joha_sha** · 10-11-2011 04:19 PM

اكتشااف : في زيت بيطلع من الشكمان لما تكبس بنزين وشكلها كده شنبر الزيت بقي هوه السبب والرجرجه اللي ف الطلعه دي من الصبابات وبتنقط زيت ع الاسطوانه تخليها تفوت ساعات وتظبط ساعات وتعمل الرجرجه دي وبما ان المكنه بتاعتي مالهاش طقم شنابر علي ماسمع يعني يبقي انا حغير نص تحتاني

مستني اسمع كلامكو بقي ونصايحكو
وايه رايكو ف الكلام اللي بقولو ده

**aYaBooY** · 10-11-2011 04:56 PM

ازاي فيه زيت بينزل من الشكمان و مفيش دخانة بيضة كانها عربية رش مبيد
لو وصلت لمرحلة ان الزيت بيطلع من الشكمان يبقي لازم العادم بيكون لونة ابيض او رمادي شوية
اولا اتاكد انه مفيش مشكلة في جوان الوش و اتاكد ان الوش نفسة مظبوط و ده عند فك الوش بيسكب عليه بنزين و تشوف محكوم ولا لا
و بعدين ازي يكون الزيت وصل للشكمان من خلال الشنبر و البوجيهات مش معرقة زيت
بعد ازنك دور العربية لحد ما تسخن و افتح طبة الزيت و شوف فيه دخنة ولا لا

**joha_sha** · 10-11-2011 05:12 PM

مفيش دخنه بيضا او رمادي بتطلع من الشكمان بس لما تكبس بنزين وتحط صباعك ف الشكمان تلاقي زيت

الوش مش مظبوط لما تفكة وتحطة علي بلاطة تلاقيه مش لامسها من كل النواحي بس حتي لو الجوان تحته بيسرب مش يفضيها كل 3 اسابيع
انا كل 3 اسابيع لازم ازود الزيت كيلو ونص مثلا

**aYaBooY** · 10-11-2011 10:47 PM

لا طبعا الوش عليه عامل كبير هنا
انت كدة بتتكلم عن وش موتور عاوز قشط و بالتالي الحوان مش مظبوط عليه يبقي طبيعي انك تلاقي الموتور معفرت

**MohamedSotohy** · 11-11-2011 02:19 AM

المشاركة الأصلية كتبت بواسطة ayabooy

لا طبعا الوش عليه عامل كبير هنا
انت كدة بتتكلم عن وش موتور عاوز قشط و بالتالي الحوان مش مظبوط عليه يبقي طبيعي انك تلاقي الموتور معفرت

كلام جو فيه احتماليه الصح كبيره
لان انا عندي كنت مره بفك البوجيهات علشان اشيك عليهم وانظفهم ولقيت واحد معرق زيت من الخارج موش من عند الالكترود رحت جايب جوان وش التكيهات من التوكيل وغيرته بنفسي
وظبط زي الفل
علي فكره قبلها كنت بشم رائحه حريق زيت وده طلع فعلا من تسريب الجوان

**joha_sha** · 11-11-2011 04:12 AM

بس الجوان جايب من زاويه واحده بس مش حيوقع 2 كيلو ف 3 اسابيع
طب والزيت اللي بيجي من الشكمان ده يبقي ايه ؟؟؟ والشكمان كده تحس انه من جوه مفحم دي بواقي بنزين غير محترق ولا زيت ولا ايه ؟؟؟؟
والرعشه اللي ف الطلعه دي والسحب اللي بيقل ويظبط كل شويه ؟؟؟؟

**aYaBooY** · 11-11-2011 11:30 AM

يا جماعة جوان غطاء التكيهات لو بيسرب بيفضي زيت العربية في فترة قليلة
ثانيا لو الشكمان بيجيب زيت ( لو فرضنا انه زيت مش مياه ) هايبقي فيه مع الزيت دخان ( علشان الشكمان جزء سخن جدا و لازم يحرق الزيت ) و صوت الرك راك ده ممكن يكون صوت الكستبان علشان طبعا مش بيكون شبعان زيت و العربية لسة دايرة
عندكم في المونديو او المواتير الزيتيك عموما فيه طريقة علشان تربط جوان غطاء التكيهات شبه طريقة ربط وش العربية
انصحك تظبط وش موتورك و هاتلاقي العربية زي الفل

**joha_sha** · 11-11-2011 12:40 PM

اشتري وش استيراد ولا في حد بيعرف يظبط الوش الحالي و ف الحالتين هيبقي السعر كام وانهي الاحسن
وبالنسبه للرعشه اللي ف الطلعه تفتكر هيبقي ايه حلها ؟

الموضوع: استفسار - مونديو

LinkBack

أدوات الموضوع

عرض

-

-

-

-

-

المواضيع المتشابهه

استفسار بخصوص استهلاك البنزين - فورد مونديو

مونديو 98

مونديو

استفسار بخصوص فورد مونديو ٢٠١٠

مونديو 1600 .... ولا مونديو 2000 cc ؟؟

الكلمات الدلالية لهذا الموضوع

المفضلات

المفضلات

ضوابط المشاركة