3 أسئلة فى السريع

**mazens** · 10-11-2011 02:41 PM

الاول كل سنه وانتوا طيبين جميعاً وربنا يعيده عليكم باليمن والبركات

عندى كام سؤال
1. لو جوان غطا التاكيهات بيسرب ده ممكن يأثر على أى حاجه تانيه غير ان الزيت ينقص يعنى مثلا ممكن يأثر على سحب العربية او يخلى الحريق نى وريحته صعبه او يخلى العربية تاكل بنزين ؟

2. لو الشكمان مكسور وبينفس ده يأثر على أى حاجه غير أنه يسخن العربية او يخلى صوتها عالى ؟

3. لو كهربه العربية موش مظبوطة تأثر على ايه وتحديداً لو الارضى ضعيف ؟

وجزاكم الله كل خير

**zalantaheee** · 10-11-2011 03:37 PM

1 / بيتهيألي لأ ملوش تأثير علي ولا حاجة من دول مباشرة ,, بس انت لو زيت عربيتك نقص ,, هايخلي العربية سحبها مش زي المظبوطة ,, و صوت الموتور مش مظبوط كمان في خشانة و سحبه مش اد كدا ,, كمان البوجيهات ممكن يوصلها زيت و دا بيأثر علي اداء العربية
2 / الشكمان حسب مكان الكسر فيه ,, سحب اقل نسبيا بس مش هاتحس بيه
3 / اعتقد ان الأرضي ضعيف حاجة و الكهرباء مش مظبوطة حاجة تانية ,, الأرضي ضعيف بيبقي فيه تسريب اصله في الأخرهي اللي بتضعف البطارية ,, كهرباء العربية تتمثل في ترتيلة او مع الكيك داون تسمع تسقيفة و تجميع بطئ
معلوماتي متواضعة ارجو ان رجالة الأوبل يفيدوك احسن مني :)

**SYD** · 10-11-2011 03:38 PM

المشاركة الأصلية كتبت بواسطة mazens

الاول كل سنه وانتوا طيبين جميعاً وربنا يعيده عليكم باليمن والبركات

عندى كام سؤال
1. لو جوان غطا التاكيهات بيسرب ده ممكن يأثر على أى حاجه تانيه غير ان الزيت ينقص يعنى مثلا ممكن يأثر على سحب العربية او يخلى الحريق نى وريحته صعبه او يخلى العربية تاكل بنزين ؟

جوان غطاء التاكيهات بيأثر علي الزيت فقط لا غير
ريحة الشكمان والأستهلاك دة يبقي بوجيهات

2. لو الشكمان مكسور وبينفس ده يأثر على أى حاجه غير أنه يسخن العربية او يخلى صوتها عالى ؟

الشكمان يسخن العربية ويقلل عزمها ويعلي طبعا صوتها ويخليه مختلف تماما

3. لو كهربه العربية موش مظبوطة تأثر على ايه وتحديداً لو الارضى ضعيف ؟

كهربا الموتور غير كهربا العربية
كهربا الموتور تأثر علي السحب واستهلاك البنزين
كهربا العربية لو الأرضي ضعيف تلاقي لمبة البطارية عاملة سرية وماتشحنش كويس

وجزاكم الله كل خير