الموضوع: احتياطات يجب توافرها معاك اثناء سفرك

المشاركة الأصلية كتبت بواسطة ahmed_fahmy

المشكله يا رجاله حتى لو معاك عربيه تانيه جوه العربيه لمى بتحصل مشكله فى الطريق دايماً مش هتعرف السبب انا فاكر كان عندى فيكترا بى بطلتها فى الزعفرانه وانا بحط بنزين وانسو بعد كده انها تدور ابدا عايز اقولكم انى فكات كل حاجه حتى طرمبة البنزين وجربتها بره مفيش فايده وفى الاخر بعد 5 ساعات اتصات بونش خرج من غارب وصل بعد ياعتين وشال العربيه للقاهره والكوميدى ان اول وا نزلت العربيه بفتح كونتكت دارت عادي جدا :) كنت عايز بجد اولع فيها وتانى يوم جيت ادورها ابداً ودتها مقار اعدو 6 ساعات وجابو ناس من بره التوكيل
وكل شويه يقولو حساس مش عارف مين وغالى قلتلهم اعملو اللى يعجبكم ومفيش فايده مش عايزه تدور وفى الاخر بالصدفه بعد ما افتو ان طرمبة البنزين ضعيفه ركبو واحده تانيه ومفيش فايده وطبعاً بعد ال6 ساعات دخلت جوه معاهم ووالله 5 مهندسين سابو كل العربيات وكل واحد فك حاجه وفى النهايه قلتلهم رجعو الطرمبه القديمه ما دام العيب مش من القديمه ولما كابو واد من العماله يفك الطرمبه فتح العلبه العلويه وقال ايه ده الفيشه سايحه ومحتاجه تتغير والله المهندسين كان نفسهم يكسرو العربيه ويموتو بعض من العيب الاهبل اللى عمرو ما يخطر على بال حد :) الموضوع فى النهايه توكل على الله لو قدرك تعطل هتعطل ومش هتعرف تعمل حاجه خلى معاك بس قطره ووصلة بطاريه والله المستعان

العيب ده كان عندى ولقيت الفيشه سايحه والعربيه طلعت عينى لغايه ما انا فكيت الغطاء لقيت الفيشه سايحه خالص رحت غيرتها والحمد لله العيب اختفى وانا اتعلمت من العيب ده رحت جبت فيشه استعمال من بتوع الدايو ومخليها عندى احتياطى