حاجة غريبة مشعارف هي أية

**medohai510** · 20-05-2008 03:06 PM

السلام عليكم،،،
منذ شهر تقريباً كل ما بدور العربية في الصباح الباكر (المحرك بارد) بعد الأدارة مباشرة بسمع صوت زنة في المارش كما لو أني لسه دايس علي مفتاح التشغيل مع العلم من أني بكون شلت أيدي من علي المفتاح.
أنا خايف أروح التوكيل لان العملية ضايعة ماديا ًاليومين دول ومش عايز حد يمد أيدة في العربية يبوظ حاجة.
فهل حد يعرف الصوت دة أية وعادي ولا لأ؟
(كليو 1200 سي سي-موديل 2002)

**عمرو عمارة** · 20-05-2008 03:39 PM

السلام عليكم

عادي يا باشا لا تقلق انا الزنة دي معاية من شهر عشرة الي فات والمارش مابيعملش كدة غير لما يكون بارد ( جزء من الثانية ) ولما بنزل من شغلي والعربية مانقوحة في الشمس حوالى 8 ساعات مابيعملش الزنة دي

عمرو عمارة

**medohai510** · 21-05-2008 09:58 AM

بالظبط هو جزء من الثانية، ولما تكون ساخنة مبتزنش خالص، بس هل كل الكليو كدة وإلا إحنا عربياتنا فقط كدة.
ألف شكر

**Ahmed Selim** · 21-05-2008 08:15 PM

أنا الصراحة مش عارف العيب من أيه بس ممكن تروح التوكيل يكشفوا عليها وتعرف العيب من أيه وتكلفته كام عشان تبقى عامل حسابك عليه فى المستقبل

وعلى فكرة أنت ممكن كمان تكلم 16202 وتقولهم يحولوك على حد من الصيانة عشان عندك مشكلة وتقوله أيه اللى بيحصل معاك 60 % من الأعراض ممكن يقولك على الحل من غير كشف
عشان تطمن بس

**عمرو عمارة** · 22-05-2008 03:24 PM

المشاركة الأصلية كتبت بواسطة momo10000

اعتقد وان شاء الله يطلع اعتقادي غلط ...... دة الديفيزور .... لو ان الصوت اما بتدور العربية الصبح يعني اما تبقي باردة تماما ...إن شاء الله يطلع غير كدة

السلام عليكم

يا باشا الـCamshaft Defazer موجود في الميجان بس مش في الكليو والصوت دة خاص بالمارش ( عايز يتنضف او يتغير أحسن )

عمرو عمارة

**limo** · 24-05-2008 02:57 AM

انا عندى الزنه ده برضو
بس صوتها بسيط اوى
يعنى لو فى مكان هادئ ممكن اسمها
لانى دائما بسمعها وانا فى الجراج فقط والجراج تحت الارض بتالى مكان مقفول ومش دوشه

**momo10000** · 25-05-2008 10:27 AM

خطا غير مقصود .... كنت فاكر العربية ميجان

**medohai510** · 25-05-2008 12:59 PM

واضح من كدة أنه عيب في المارش بقة وأنا لاحظت أن الصوت بيعلي كل فترة فمن الممكن أنه يكون فعلاًَ المارش عليز نظافة أو تغيير ( يعتمد علي كهربائي كويس) أنا هسئل الميكانيكي أيمن ممكن يفدني وهبقي أقول لكم علي طول علي المستجدات وأشكركم علي الأهتمام،،،