لعلمك....اللاند كروزر القديمة دي... مفيش زيها هي و الباترول القديمة .... عربيات تعمل اي حاجة في الدنيا ممكن تتخيلها....
أنا شفت حاجات موديل سبعينات و مالهاش حل....
بعكس الجديد.... اللي عشان يخففوا وزنه خلوا حاجات كتيرة جدا تتعمل من خامة خفيفة....
جايلك يا صحراااااااا
بس لو مبيت ح نبيت فين يا مينا ..... انا عمري ما بيت في صحاري قبل كدة
نظام خيام يعني ولا فيه اماكن زي كامب كدة
عموما انا ان شاء الله راشق ....
أحلى و أجمل شيء فعلا... أن الواحد ينام في sleeping bag و يتغطى بالبطاطين الكافية... و يكون منه للسما....
شعور خرافي لا يوصف....
بإذن الله هنعمل مقابلة كلنا قبلها بيومين أو تلاته لشرح كافة الظروف....
و بجد أسعدتني بحضورك معانا يا حاج أحمد...
أنا لسة متقابل امبارح مع الأستاذ (عصام) - SAiF3S و هو شخص محترم جدا جدا و اتفقنا على شوية أساسيات في ترتيب العربيات و الجي بي اس و الكومبريسورات الخ.....
و ان شاء الله نتقابل كلنا... و أحسن حاجة أن الرحلة ديه هتكون فرصة لمعرفة ناس جديدة بإذن الله..... :)
انا جاى بس مش معيا جيب ممكن اجى معاكو
ممكن اقتراح
الاستاذ مينا يحسب تكليف الرحله من بنزين للعربيات و اكل و شرب و كل المعدات و يقسمهم على العدد و يعملها بتكيتات و يكون هو المنظم الرئيسى و يصرف علينا و نتعبو معنا و نستمتع احنا بالرحله و نشغلو هو بالاكل
لا بجد والله هيكون كدا جميل
ونا اول واحد معات ب 2 تكيت
أ/ مينا شكرا على شعورك , بس ان جيت للحق انا بسمع ناس كتير بتشكر فيك و فى أخلاقك و زوقك ,وده فعلا اللى انا شفته فيك وكمان انسان متفتح وفاهم و مصرى بجد وكان لى شرف مقابلتك
ان شاء الله تكون رحله جميله و جامده جدا وفعلا نتعرف على كل الناس الحلوه
ياريت تضيف على شروط كل شخص يجى بالعربيه بتاعته سجاده او كليم 2X3 ليه وولناس اللى معاه فى العربيه
لو العدد كبير متهىء لى البيات هيكون صعب الا لو كل واحد جاب sleeping bag ,وبطانيه
ومتهىء لى نفتح نفس الناس بيوم من اوله بدون بيات , او حسب رأى الاغلبيه
تقبل تحياتى
السلام عليكم
ايه التفاصيل يا شباب ؟؟ انا نفسى اطلع الطلعة دى من زمان ..... اهم حاجة ... الطلعة حتبقى امتى و فين ؟؟!!!؟؟؟
أشكرك لذوقك و الشرف ليا في مقابلتك و معرفتك يا أستاذ عصام :)
متفق معاك على موضوع يوم و نرجع في آخره عشان أول مرة بس....
و الطلعة اللي جاية يكون كله عمل حسابه في الsleeping bags و نخليها مبيت بإذن الله
تنورنا يابو حميد.... الطلعة هتكون في وادي الريان بالفيوم....
بس علشان نحسب التكلفة و نجيب الأكل هنحتاج نعرف كام واحد طالع مؤكد بنسبة 100%
لأن كل شخص بيتعمل حسابه في الأكل (و أكيد بنعمل حسابنا بالزيادة و النقصان بس لازم معرفة العدد برضو)
أقترح عمل مقابلة ساعة... و اللي هييجي يؤكد حضوره في المقابلة ديه عشان نتفق فيها على كل حاجة....
ايه رأيكم تكون المقابلة يوم جمعة (بعد الصلاة مثلا) و الرحلة تكون يوم السبت من الصبح بدري...؟
السليبج باج دي منين يا مينا وسعرها كام وانواعها ايه ؟؟
انا اول مرة اتعامل معاها
وليها مقاسات ؟؟؟
انا موافق على مقابلة يوم الجمعة , ارجو التأكيد على كدة من بقية الاعضاء و معرفة مكان المقابلة . و موافق على الطلوع يوم السبت
ان شاء الله .....انا حغير زيت الموتور -
اشيك على زيوت الكوارين و الفتيس
اشحم الكرادين و العفشة
حشترى طقم سيور و طقم فيوزات
لو فيه حاجة تانى فى دماغك يا باشا يا ريت تقولنا عليها