ده برضه راجع لسوء التخطيط يعني مافيش كباري او انفاق للمشاة فالناس بتسلم امرها و تعدي
بس فيه طبعا ناس بتاخد الموضوع كرامة و عاوز كل العربيات تقف له تشريفه و سيادته معدي
عرض للطباعة
ده برضه راجع لسوء التخطيط يعني مافيش كباري او انفاق للمشاة فالناس بتسلم امرها و تعدي
بس فيه طبعا ناس بتاخد الموضوع كرامة و عاوز كل العربيات تقف له تشريفه و سيادته معدي
للعلم موضوع تعمل مجنون على الطريق دة حل ممتاز جدا... اى واحد بيتحنجل او رخم او كدة بيوسع غصب عن عينة... اصل كل الامراض ليها دوى الا العته... ملوش علاج... و المثل بيقول لا تخلى العبيط يدوسك و لا تدوس العبيط... اصل كدة كدة انت خسران
مميزات الطريقة دى انك بترمى حمل الحرص و الحظر على الغير و بتجبر اللى حواليك انهم ينتبهوا ليك كويس اوى و يوسعولك اتقاء لشرك او اضعف الايمان يمشوا زى البنى ادمين اللى خلقهم ربنا و يفوقوا من الغيبوبة اللى هما فيها
عيوبها انك لازم انت شخصيا تبقى منبه اوى لان فيه نوعين من السواقين اللى مش حيستجيبوا للموضوع دة... اللى يكون معتوة اكتر منك و ده حيحاول يتغلب عليك بانة يعمل حاجة اهبل من اللى انت بتعملها و ممكن يخلص الموضوع بمصيبة... النوع التانى الغشيم.. و دة ممكن يكون رد فعلة عكس رد فعل الناس كلها و يعمل حركة متخلفة عكس المنطق و البديهة و برضة حينتهى الموضوع بمصيبة
طيب ايه الحل؟؟؟؟
الحل انك تمشى عدل و زى الناس و متلجائش للموضوع دة الا فى الضرورة القصوى... كدة بتقلل الخطورة عليك للحد الادنى و فى نفس الوقت متجلكش نقطة نت اللى حواليك على الطريق
امبارح للاسف عملت حتة من دول فى واحد بتاع فزبا كان بتحنجل على يمينى و كان حيطير المراية و بعد ما حشر نفسة قدامى مكنش عايز يمشى... و انا كنت مخنوق من اللف على الدكاترة و مش لاقى حتة اركن و منمتش الضهر و مش واكل كويس... من الاخر بخانق دبان وشى
المهم سبت مسافة بينى و بين الزبون و بعدين كبست اولانى و صوت الفلتر العظيم سمع الشارع كلة و وراها على طول فرامل قوية طلعت صوت الكاوتش مع النور العالى... الراجل حس انه حيتسفلت فا مسك يمينة و هدى و شاورلى اعدى و كان فاضل يركن خالص و ينزل من على الفزبا... اللى اختشوا ماتوا
كنت زمان و انا صغير اما حد يطلع من يو ترن و انا بقلبلة نور و يستغبى و يكمل برضة بالرغم انى قلبتلة كنور كنت برفع الهاند بريد فا كان بسمع صوت فرامل مهول ورا منه و بيمسك جنب على طول... و احد بتاع نص نقل عملتها فيه طلع فوق الرصيف عشان يوسع.... طيب لزمتها ايه تلاقيح الجدتت من الاول ما انا مديك نور انى ماسك طريقى؟؟؟... و اللى يجننك ان ورايا 2 كيلو فاضى... يعنى لو استنى 5 ثوانى اعدى و نزل زق العربية فى وسط الشارع محدش حيخبط فيه.... هى فهلوة و خلاص و لا هى شطارة و لا ايه؟؟؟؟
دا غير المشاه اللى يستنى اول ما الاشارة تفتح يقوم مخطى قدام بوز عربيتك...طيب مهى الاشارة قافلة عشان سيادتك تعدى... ولا هى التعدية مبتحلاش الا وسط العربيات و هى ماشية؟؟؟؟
الاحلى من دة كلة لما تدى كلاكس واحد ماشى فى وسط الشارع على رجلية يقوم لافف باصص وراه الاول... يعنى انت ماشى فى وسط الاسفلت ووراك صوت كلاكس بتاع عربية حيكون وراك ايه؟؟؟ مكوك فضاء؟؟؟... اعتقد فيه ناس بتعتبر المشى على الرصيف نوع من انواع الضعف و الاستكانة و حاجة وحشة... ولازم كل واحد يعبر عن شخصيتة و يبرز مدى شجاعتة و قوتة بالمشى على الاسفلت و مزاحمة السيارات... بس للاسف الناس دى مش فاهمة ان لو عربية خبطتة هو اللى حيتعور... و فيه ناس تانية بتعرف كدة the hard way زى ما بيقولوا
ربنا يسلم طريقكم جميعا بس انا عايز اسالكم سؤال محشور فى زورى...
لما بتركنوا عربياتكم بتمشوا على الرصيف؟
بتعدوا من اماكن عبور المشاه؟ او على الاقل و الاشارة قافلة؟ او اضعف الايمان بتعدوا بعيدا عن العربيات مش بتاخدوا غرز من وسطها؟
لما بتمشوا مع اصحابكم بتمشوا 4 بعرض الشارع؟
لما بتعدوا بتبصوا على العربيات ولا بالبركة؟
MMamdouh
يا سلااااااااااااااام عليك و الله سؤال في الجون .. ده جرح قديم جدا عندي
ليه لو ناس كتير خارجة (صحاب-عيلة-زملاء شغل) بيمشوا بالعرض !؟؟؟؟؟
و الله قبل كدة في وسط البلد .. عيلة 7 افراد ماشيين بعرض الشارع و علي اقل من مهلهم !!! و مضايقين اوي اما بقولهم
فا انا برجح موضوع ان المصريين مبيعرفوش يسوقوا فا ده لأنهم في المقام الأول مبيعرفوش يمشوا علي رجليهم اصلا !!
كام مرة تبقي ماشي و تلاقي واحد جه في المنفذ الوحيد للتعدية و راح واقف !؟
يعني ساعات مثلا تبقي عربية راكنة و سايبة حتة صغيرة تكفي شخص واحد يعدي منها .. تلاقي واحد وهو بيعدي لسبب ما راح واقف !
مرة كنت راكب المترو .. فا حطيت التذكرة في المكنة و بعدي لقيت الراجل اللي قدامي وقف فجأة بعد ما كنت دخلت انا خلاص و ماسك الموبايل و بيتكلم ( يخرب بيتك و الله واحشني يا فتحي .. نفسي اشوفك يا ابن الفقرية !)
و انا اتحشرت في المكنة ! وقف ادامها تماما !!!
هو بالظبط اللي يعمل كدة يعيش ..
:):)