الموضوع: طلب نصيحة للشراء

اية راى حضرتك فى الجيب شيروكى موديلات من 98 الى 2001

المشاركة الأصلية كتبت بواسطة almagico

اية راى حضرتك فى الجيب شيروكى موديلات من 98 الى 2001

أشكرك على الرد
طبعاً شيروكي لا غبار عليها و البعض ايضاً نصحني بالتويونا لاند كروزر بس مش قادر اخد القرار فعلاً محتار بين الشيروكي او جراند شيروكي او لاند كروزر

هاقولك
اولا لاند كروزر افضلهم واسهلهم صيانة بس قطع غيار رخمة وبالمبلغ ده هتجيب موديل قديم قوى وحالة مش كويسة يعنى موديلات الثمانينات مثلا

جراند شيروكى افخم واقوى بس قطع غيار سعرها زفت ومش موجودة بكثرة وبرضوا هتجيب موديل قديم 96 مثلا

الشيروكى اعتمادية قطع غيار متوفرة وارخصهم وبتتباع بسهولة وانا ارشحها ليك

واضيف ليك اختيارن كمان

شوف جراند فيتارا محترمة وتكون 2000 سى سى عربية روعة وخصوصا اقتصادية فى البنزين

او عربية امريكى متسقط ليها موتور ديزل ودى مينا زميلنا هنا خبرته فى الموضوع ده كبيرة واحسن منى هو يفيدك لو ده اوبشن معاك

هات نبفا - هههههههههه- والله لو تجيب نيفا - بسعر معقول - يعنى 25 او اقل او اكتر شويه وخليها لايام الزيارات دى

بس تانى يوم حتاخده اجازه- ههههههه

بجد عربيه مدرعه ولا تقولى شروكى ولا غيره - زلطه على الطريق

السلام عليكم
أنصح حضرتك وعن تجربة بركوب عائلة الدفع الرباعي من تويوتا، أفضل دفع رباعي بالتأكيد (المهم الحالة)، ثاني اختيار عند حضرتك تركب باجيرو أواخر التسعينات والمبلغ اللي مع حضرتك يجيب حاجة تمام. بالنسبة لقطع غيار التويوتا متوافرة عند كام واحد والأسعار معقولة لأنك بتركبها وتنساها، يعيني مثلا أخويا معاه تويوتا سوبر سيرف أو بيقولو عليها (four runner or super surf) ودي عربية بصراحة فوق الممتازة ومش منتشرة بس قطع غيارها وصيانتها متوافرة سواء في المعادي أو منيل شيحة أو الشرقية... كل حاجة موجودة، هي موديل 96 أوتوماتيك جميع جميع الكماليات بالمثبت وتكييف أمامي وخلفي، ونادرا مانشغل الغرز لقوتها 3000سي سي ديزل، وطبعا أي دفع رباعي يفضل يكون ديزل لأمور كثير. اشتراها من سنة بحوالي 90 ألف. أنصح حضرتك تركب من عائلة تويوتا أو باجيرو وهتريحك في الطريق العادي وفي الصحراء. وبالتوفيق

جزاكم الله كل خير على مساعدتكم
كده ممكن نقول ان قدامي الخيارات التالية:
سوزوكي فيتارا 2000 (للعلم كملت سنة بالعافية)
او شيروكي و طبعا 6 سلندر
او امريكي بموتور ديزل ( مش فاهم ياريت لو توضيح اكتر)
او باجيرو
او لاند كروزر قديم

بالنسبة الى النيفا هي حلوة بس بتجيب انزلاق غضروفي

ياريت لو امكن اعرف مميزات و عيوب كل عربية من دول

انا هقول اللى اعرفة عن الجيب شيروكى
اولا السعر اللى حضرتك بتقول علية يجيب حاجة موديل 2000 او 2001 محترمة
ثانيا حضرتك بتقول طرق غير ممهدة ومدقات والغرز مش بنسبة عالية انا شايف ان الشيروكى مناسبة
اللاند كروزر عربية فى منتهى الروعة والباجيرو تحفة بس انا شايف انها مش محتاجة دة كلة والدليل على كدة ان من كلام حضرتك ان حضرتك دخلت المناطق دية بعربيات سيدان لانوس ونوبيرا وصنى دية وجهة نظرى المتواضعة واللة اعلم
ثالثا الجراند شيروكى زى مالاستاذ الفاضل قال لحضرتك اقوى وافخم بس نقطة اسعار قطع الغيار معرفش بصراحة وانتشارها فانا اعرف ان قطع غيار الجيب عامة فى شارع شامبليون والحرفيين ولكن هتجيبها موديل قديم
رابعا الجراند سوزوكى عربية جميلة جدا لكن حضرتك بتقول كملت سنة بالعافية
اما بقى اللى انا اعرفة عن الشيروكى وعن تجربة كالاتى
مميزات
بالنسبة للموتور ال6 سلندر اللى حضرتك عايزة
موتور جبار 4000 سى سى 181 حصان عزم عالى 305 نيوتن بالنسبة للشكل حضرتك طبعا اكيد شفتها عربية ليها كاريزما
الشيروكى عامة عمرها متقول لأ على حاجة ابدا بس فى المقابل ايدك فى العربية بمعنى متستناش لما المشكلة تكبر
قطع الغيار الاصلية معمرة جدا جدا اسمها موبار
قطع الغيار ارخص من ال4 سلندر ومتوفرة ومش غالية زى مالناس فاكرة وانزل حضرتك شارع شامبليون او الحرفيين واسال عن قطع الغيار
العيوب
موتور 6 سلندر اكيد بتاكل بنزين عن ال4 سلندر
16.8 لتر لكل 100 كم جوة البلد
12.4 لتر لكل 100 كم عالطريق السريع
مع العلم ان التانك 76 لتر
العفشة ناشفة شوية وذلك لانها مصممة للطرق الوعرة الغير ممهدة
الكنبة الخلفية ضيقة شوية
واخيرا العربية دية بجد حمالة قسية
انا معايا واحدة موديل 1992 4 سلندر
بقالى سنين مبربطش عفشة وتقريبا انا مربطش عفشة من ساعة مجبتها للعلم العربية معايا بقالها 11 سنة
وبعمل بها كل حاجة
وحصل معايا موقف
العربية زى مقولت من ساعة مجبتها مجتش ناحية العفشة مفيش غير انى غيرت مساعدين قبل كدة والكلام دة
من اربع سنين
علبة دركسيون العربية مربوطة بثلاث مسامير عندى مسمار اتكسر وواحد مش مربوط كويس يعتبر مفكوك
يعنى مربوطة بمسمار واحد وانا مكنتش اعرف قعدت معايا كدة حوالى اربع شهور الغيط متكسر مسمار كمان بقى فية كدة مسمار واحد ماسك العلبة قعدت معايا كدة اسبوع ماشى بمسمار واحد الغيط متفك المسمار الاخير يعنى اصبح موجود فى العلبة ولكن مش مربوط انا واحد من الناس قلت علبة الدركسيون انتهت بس لقيت العفشجى قالى علبة الدركسيون عايزة تتربط بس
شوف بردة راى باقى الاعضاء
اسف عالاطالة
والله اعلى واعلم فيما قلت

المشاركة الأصلية كتبت بواسطة almagico

انا هقول اللى اعرفة عن الجيب شيروكى
اولا السعر اللى حضرتك بتقول علية يجيب حاجة موديل 2000 او 2001 محترمة
ثانيا حضرتك بتقول طرق غير ممهدة ومدقات والغرز مش بنسبة عالية انا شايف ان الشيروكى مناسبة
اللاند كروزر عربية فى منتهى الروعة والباجيرو تحفة بس انا شايف انها مش محتاجة دة كلة والدليل على كدة ان من كلام حضرتك ان حضرتك دخلت المناطق دية بعربيات سيدان لانوس ونوبيرا وصنى دية وجهة نظرى المتواضعة والله اعلم
ثالثا الجراند شيروكى زى مالاستاذ الفاضل قال لحضرتك اقوى وافخم بس نقطة اسعار قطع الغيار معرفش بصراحة وانتشارها فانا اعرف ان قطع غيار الجيب عامة فى شارع شامبليون والحرفيين ولكن هتجيبها موديل قديم
رابعا الجراند سوزوكى عربية جميلة جدا لكن حضرتك بتقول كملت سنة بالعافية
اما بقى اللى انا اعرفة عن الشيروكى وعن تجربة كالاتى
مميزات
بالنسبة للموتور ال6 سلندر اللى حضرتك عايزة
موتور جبار 4000 سى سى 181 حصان عزم عالى 305 نيوتن بالنسبة للشكل حضرتك طبعا اكيد شفتها عربية ليها كاريزما
الشيروكى عامة عمرها متقول لأ على حاجة ابدا بس فى المقابل ايدك فى العربية بمعنى متستناش لما المشكلة تكبر
قطع الغيار الاصلية معمرة جدا جدا اسمها موبار
قطع الغيار ارخص من ال4 سلندر ومتوفرة ومش غالية زى مالناس فاكرة وانزل حضرتك شارع شامبليون او الحرفيين واسال عن قطع الغيار
العيوب
موتور 6 سلندر اكيد بتاكل بنزين عن ال4 سلندر
16.8 لتر لكل 100 كم جوة البلد
12.4 لتر لكل 100 كم عالطريق السريع
مع العلم ان التانك 76 لتر
العفشة ناشفة شوية وذلك لانها مصممة للطرق الوعرة الغير ممهدة
الكنبة الخلفية ضيقة شوية
واخيرا العربية دية بجد حمالة قسية
انا معايا واحدة موديل 1992 4 سلندر
بقالى سنين مبربطش عفشة وتقريبا انا مربطش عفشة من ساعة مجبتها للعلم العربية معايا بقالها 11 سنة
وبعمل بها كل حاجة
وحصل معايا موقف
العربية زى مقولت من ساعة مجبتها مجتش ناحية العفشة مفيش غير انى غيرت مساعدين قبل كدة والكلام دة
من اربع سنين
علبة دركسيون العربية مربوطة بثلاث مسامير عندى مسمار اتكسر وواحد مش مربوط كويس يعتبر مفكوك
يعنى مربوطة بمسمار واحد وانا مكنتش اعرف قعدت معايا كدة حوالى اربع شهور الغيط متكسر مسمار كمان بقى فية كدة مسمار واحد ماسك العلبة قعدت معايا كدة اسبوع ماشى بمسمار واحد الغيط متفك المسمار الاخير يعنى اصبح موجود فى العلبة ولكن مش مربوط انا واحد من الناس قلت علبة الدركسيون انتهت بس لقيت العفشجى قالى علبة الدركسيون عايزة تتربط بس
شوف بردة راى باقى الاعضاء
اسف عالاطالة
والله اعلى واعلم فيما قلت

الله يكرمك على الرد و يجعله في ميزان حسناتك.
انت اقنعتني بالشيروكي خاصة حسب ما عرفت انها صنعت للطرق الجبلية الصخرية اكتر منها للرمال علشان كده العفشة جامدة و ده ينفع في الطرق بتعتنا بس اراء بعض الناس تقول لاندكروزر (من خارج المنتدى)