الموضوع: مالكي أوبل فيكترا 2000-20003 b2

السلام عليكم

انا بقالي ممكن حوالي سنة و نص في المنتدي ,, مشاركاتي قليلة و طرحي لمشاكلي اقل من الواقع اللي هي عليه ,,
أظن السبب ان معظم مالكي الفيكترا عندهم فيكترا A و فيكترا B1
و بالتالي بلاقي ان في حاجات مضمون و اداء مختلف
و السبب ان عندنا الموتور Ecotec 2000cc
حتة الماظ والله بس مش لاقي حظه وسط الوكيل السئ و الصنايعية اللي بعضهم بلا ضمير و البعض الأخر مش عاوز يقول معرفش
و النتيجة عربية ملعوب في اساسها
لا شغل ميكانيكا بما يرضي الله
ولا كهرباء مظبوطة
ولا حساسات متوظفة صح
بالأضافة للمشاكل المحفوظة اللي اتعودنا عليها اصلا
و حاجات بتتطلع مصارينها و انت مسلم للموقف و امرك لله

عاوزين نخلي الموضوع دا خاص بكل تفاصيل الموديل

Opel Vectra B2

و كعادة اعضاء منتدي اوبل في نايل موتورز اكتر الناس تعاونا و افادة للبعض بشهادة الكل
و عاوزين نتفق علي صنايعية يظبطوا العربية و صح الصح كمان
كهرباء و ميكانيكا و عفشة و شغل سمكره او بوهية
و عناوينهم و ارقامهم و ترتيبهم الأفضل و الأكثر امانة
عاوزين واحد محترم بتاع استيراد ناخد منه قطع غيار استيراد تبقي ع التجربة و عنده ضمير و نتعامل معاه بأسم طرف واحد مننا او بأسم المنتدي و يكرمنا في اسعار و شغل نظيف
بأختلاف المناطق المناسبة للكل ,, في اعتقادي لو متعقد من موضوع الصنايعية ,, و عرفت مكان واحد بس بعيد ,, هاضرب المشوار مادام عارف ان هارجع بعربيتي سليمة من عنده بإذن الله و واثق في شغله انه فاهم تفاصيل العربية
و لو في حد عنده قطع غيار زائدة او استعمال او ايا كان لفكرة التبادل و المنفعة المتبادلة

ياريت تكون الفكرة عجبتكم و ناويين تبدأوا في المشاركات لو الموضوع اتثبت من الأدارة يبقي ربنا يكرمكم لتعم الفائدة و ميتوهش وسط المواضيع
اخوكم م / محمد حاجي

بالظبط كدة, مش تقسيم ولا حاجة لكن نشوف كل صنايعى شاطر فى حاجة معينة
بجد اتمنى انها تكمل .