محتار بين البيرسونا 2012 والأكسنت rb ايه الأحسن ؟؟؟

**Ghosts** · 18-11-2011 05:03 PM

المشاركة الأصلية كتبت بواسطة wael ahmed

اولا : احساس انك تكون راكب عربيه ثابته متحسش بيها وهيه بتجرى عكس الكورى تماما وجربت النترا 2009 وكيا 2011 مش عايز اقولك ببقى عايز انزل من العربيه وبالذات لو على طريق صحراوى زى الغردقه مثلا وفيه حبه هوا ( بتبقى مراجيح )

ثانيا : انا كنت راكب كريستاله ومعايا هوندا دلوقتى العربيتين دول اعتمادين جدااا يعنى اللانسر كانت مع والدى وبعدين خدتها واتباعت من سنه
مش عارف هتصدقنى ولا لأ ... العربيه دى مفتحتش بقها غير بعد 200 الف كيلو يعنى من الزيرو لحد 200 الف فى 10 سنين متعملش فيها صيانه غير زيوت وفلاتر وسيور... وكانت ماشيه مفيهاش اى حاجه ....انا نفسى مكنتش عارف ازاى بس والله دى اللى حصل وعلى 200 الف اتغير فيها كام قاعدة موتور وجوز مساعدين وحبه حاجات هايفه فى العفشه ... وكانت بتسافر على فكره وطرق زراعيه وكل اللى تتخيله بجد العربيه دى بحترمها جداا ... ربنا يباركله فيها بقى اللى اشترها ...

ثالثا: فرق الخامات : طبعا هوه مش وحش قوى ...بس انا عايزك تبص على تابلوه سيفيك 92 كده وشوف الفرق بينه وبين اى عربيه كورى .

كل ده مقابل ايه سعر قطع غيار اعلى شويه !!!!مع انى معتقدش ان العربيات الكورى دلوقتى قطع غيارها رخيصه ..بدليل انى سألت على سقف سيراتو بفتحه ب 15000 جنيه ده استيراد ... انا معرفش اسعار اليابانى استيراد ايه بس بالنسبه للهوندا مع انى مش عايز اقارنها علشان موديل قديم جداا 15000 دول ازود عليهم 5000 كمان واجيب كروسليه كامل :))

واعتقد دلوقتى اسعار العربيات الكورى قريبه جداا من اليابانى وانا مع مبدأ اركب عربيه يابانى فاضيه ولا اركب عربيه كورى فول اوبشن علشان الاوبشن دى مش حاجه اساسيه ما عدا وسائل الامان زى الايرباج والفرامل والكلام ده .....

وانا مع حضرتك ان العربيه فى الاول او الاخر وسيلة انتقال مش هندخل بيها سباق او كده ..... بس بصراحه انا متعقد من العربيات الكورى عامة وربنا يبارك لكل واحد فى عربيته ويكفينا جميعا شر الحوادث

وفى النهايه صدعتك بس حبيت ارد على سؤال حضرتك :)

تحياتى

أستااااااااذ ورئيس قسم ....
طب معلش لو أنت مكانى تشترى ال rb ولا الجين 2 ؟؟؟؟