ياريت يا جماعة تريحوني وتقوليلى انا بصراحة اسمع عن البروتون انها عربية حلوة بس خايف من موضوع قطع الغيار وسعر اعادة البيع الكل يقولى خليك فى الهيونداى مع العلم انى كان معايا هيونداى اكسنت موديل 99 كانت معايا من الزيرو بس الشهادة لله عمرها مقلت اصلها معايا ابدا ..... انا معايا دلوقتى 95000 جنيه وعايز اركب اتوماتيك ياريت تريحونى ومتبخلوش عليا برايكم
الأكسنت المانيوال ب 96 و الأتوماتيك أول فئة 103 و بدون أى أبشونز و أما الى فيها أبشونز قريبة من البيرسونا ب 113
إنت مححتاج تعمل مقارنو كويسة بين العربيتين و تاخدلك لفة هنا و لفة فى منتدى الهيونداى عشان تقدر تحدد الى إنت عايزة بالظبط
لكن لو كان بيهمك سعر إعادة البيع فأنا أعتقد الأكسنت هاتبقى أفضل
اما بالنسبة للقطع الغيار فانا أعتقد مش هايبقى فية فرق
الحاجة الأخيرة الى مش موجوده فى الأكسنت و لا أى عربية كورى
هو ثبات البيرسونا الى مش ممكن تلاقية إلا فى عربية ألمانى أو فرنساوى
أنا من الناس اللي بتحترم هيونداي جدا (شركة محترمة قوي و بتعمل منتجات بجودة عالية )
و بروتون محترمة جدا
لو أنت مش معاك غير 95 ألف و عايز تركب عربية بثبات عالي و كماليات كتيرة ( البرسونا هي الأختيار )
لو مستعد تدفع أعلى و تأخد موتور أقوى ...... و ثبات أقل .......... و شكل حديث و موتور حديث و بثمن أغلى
أشتري الأكسنت .
والله يا جماعة انا محترم ارائكم جدا ... انا شوفت العربية الهيونداى rb الأتوماتيك وسوقتها كمان هيا عربية حلوة وناعمة بس الى لاحظتوا فيها انى طول مانا سائق العربية حاسس بكل حاجة فى الشارع ( مطب صغير - زلطة - نقرة ...... ) مش عارف حاست انى الاكسنت بتاعتى القديمة ( موديل 99 ) اطري منها
والحاجة الثانية ان فعلا فى فرق سعر البيرسونا الاتوماتيك ب 95000 جنيه و rb الاتوماتيك 104000 فرق السعر ده محيرنى شوية بمعنى اشترى بيرسونا ب 95000 واتمتع بالامكانيات الكتيرة الي فيها وثباتها و.....ولا اشترى rb وادفع 9000 زيادة فى مقابل انى حستفيد بسعر اعادة البيع لو حبيت ابيع بعد كدة
فعلا هتلاقى الاكسنت القديمة عفشتها انعم .. لان عفشة الاكسنت غاز عشان كدة ناشفة بس فى المقابل ميزتها حاجتين اولا ثبات اعلى على حساب النعومة و ثانيا خدمة شاقة يعنى تقريبا هتنسى حاجة اسمها تربيط عفشة او تحتاج تغير فيها حاجة و الكلام دة .. و على فكرة متفتكرش البروتون هتبقى افضل حالا فى النقطة دى .. الاتنين هتحس العفشة ناشفة و على وصفك هتحس بكل زلطة على الطريق .
لو مش هتبيع العربيه ..... بيرسونا وش :)
دى حاجة مش مضمونة خااااااااالص ....اقتباس:
المشاركة الأصلية كتبت بواسطة wael ahmed
أشترى عربية ليك وللسوق و أكيد حضرتك عارف أن الهيونداى واكلة السوق ....
تمام الهيونداى واكله السوق بس دى ثقافه شعب بيحب يقلد بعضه ولما حد بيقولوه حاجه بيصدقهااقتباس:
المشاركة الأصلية كتبت بواسطة Ghosts
يعنى اى حد يقولك الهوندا قطع غيارها غاليه :)) كله يصدق ... مع انها مش غاليه خالص فيها حاجات معينه غاليه بس اعتماديه جداا
تانى حاجه البيرسونا فيها اوبشن مش موجوده فى الهيونداى اللى بنفس السعر 95000
انا معرفش فئات الهيونداى ايه بصراحه :) ,,,, بس البيرسونا فيها كل حاجه من مثبت سرعه وفرامل abs , ebd وثبات رهيب بجد وشكل شيك
اعاده البيع دى بتفرق من واحد لواحد بس دى حاجه بتاعت ربنا لو اتزنقت او حاجه لكن طول ما العربيه مريحانى ابيعها ليه وساعاتها ربنا بيسهلها
انا بصراحه بعد تجربه لاول عربيه كورى عمرى ما هفكر اركب كورى لو هركب يابانى موديل 90
وفى الاخر دى وجهه نظرى التى ليس لها اى قيمه
تقبل مرورى :)
بيرسونا طبعا
أنا معاك تماما وهو دى الي محيرنى انا مقتنع اني لو جبت البيرسونا حلاقى فيها كل الامكانيات الي حتبقى موجودة فى عربيات فئات من 120 الف وطالع بس الهيونداى هيا نفس الامكانيات الي موجودة فى اقل عربية هيونداى بس هيا بتفرق الشكل بس وموضوع اعادة البيع ده حسيبوا بقا على الله بس هو الي عاوز اعرفه انا ممكن الاقي قطع غيار البيرسونا 2012 فين فى الاسكندرية ياريت تقولوى على مكان معين ربنا يكرمكماقتباس:
المشاركة الأصلية كتبت بواسطة wael ahmed
بص يا باشا ان شاء ميحصلش حاجه فى العربيه وطالما العربيه زيرو انت هتعمل الصيانات الدوريه
ونصيحه منى لروح لمركز عصام صفا هتلاقيه موجود فى قسم بروتون .... ومتروحش التوكيل خالص
وعلى فكره هوه مركز معتمد زيه زى التوكيل .. بس بصراحه الراجل ده محترم جداا انا واحد صاحبى اتعامل معاه فى حاجه بسيطه ( تركيب اوكرة باب ) شيكلوا على العربيه كلها وظبطهاله ومرضاش ياخد منه حاجه
بصراحه ربنا يكرمك ويجازيه خير كفايه المعامله والله انا كنت كارهه البروتون بسبب توكيلها بس الراجل ده خلانى افكر اشترى بروتون .... ومش مشكله مشوار كل 10 الاف كيلو للقاهره
وبرضه حضرتك صلى صلاة استخاره
وربنا يكرمك وينولك ما ترضاه
طب ممكن نعرف من حضرتك عيوب العربية الكورى اللى عانيت منها ؟اقتباس:
المشاركة الأصلية كتبت بواسطة wael ahmed
توكل على الله وهات البروتون .
البرسونا عربيه ماشاء الله جميله وامكانبات. وفوق كل ده ثبات ممتاز
ربنا يوفقك للخير
أنا تقريبا خلاص اقتنعت لانى دخلت على منتدي هيونداى rb ولقيت الناس بتشتكي من الفرامل بتاعتها وبرضه مفيهاش امكانيات كتيرة زى البيرسونا بس برضه محدش قالي اسعار قطع غيارها ايه والاقيها فين فى الاسكندرية
اقتباس:
المشاركة الأصلية كتبت بواسطة yossif80
خد يا باشا ليستة الأسعار
http://egyspy.com/forum/images/images/744310persona.jpg
اولا : احساس انك تكون راكب عربيه ثابته متحسش بيها وهيه بتجرى عكس الكورى تماما وجربت النترا 2009 وكيا 2011 مش عايز اقولك ببقى عايز انزل من العربيه وبالذات لو على طريق صحراوى زى الغردقه مثلا وفيه حبه هوا ( بتبقى مراجيح )اقتباس:
المشاركة الأصلية كتبت بواسطة ghosts
ثانيا : انا كنت راكب كريستاله ومعايا هوندا دلوقتى العربيتين دول اعتمادين جدااا يعنى اللانسر كانت مع والدى وبعدين خدتها واتباعت من سنه
مش عارف هتصدقنى ولا لأ ... العربيه دى مفتحتش بقها غير بعد 200 الف كيلو يعنى من الزيرو لحد 200 الف فى 10 سنين متعملش فيها صيانه غير زيوت وفلاتر وسيور... وكانت ماشيه مفيهاش اى حاجه ....انا نفسى مكنتش عارف ازاى بس والله دى اللى حصل وعلى 200 الف اتغير فيها كام قاعدة موتور وجوز مساعدين وحبه حاجات هايفه فى العفشه ... وكانت بتسافر على فكره وطرق زراعيه وكل اللى تتخيله بجد العربيه دى بحترمها جداا ... ربنا يباركله فيها بقى اللى اشترها ...
ثالثا: فرق الخامات : طبعا هوه مش وحش قوى ...بس انا عايزك تبص على تابلوه سيفيك 92 كده وشوف الفرق بينه وبين اى عربيه كورى .
كل ده مقابل ايه سعر قطع غيار اعلى شويه !!!!مع انى معتقدش ان العربيات الكورى دلوقتى قطع غيارها رخيصه ..بدليل انى سألت على سقف سيراتو بفتحه ب 15000 جنيه ده استيراد ... انا معرفش اسعار اليابانى استيراد ايه بس بالنسبه للهوندا مع انى مش عايز اقارنها علشان موديل قديم جداا 15000 دول ازود عليهم 5000 كمان واجيب كروسليه كامل :))
واعتقد دلوقتى اسعار العربيات الكورى قريبه جداا من اليابانى وانا مع مبدأ اركب عربيه يابانى فاضيه ولا اركب عربيه كورى فول اوبشن علشان الاوبشن دى مش حاجه اساسيه ما عدا وسائل الامان زى الايرباج والفرامل والكلام ده .....
وانا مع حضرتك ان العربيه فى الاول او الاخر وسيلة انتقال مش هندخل بيها سباق او كده ..... بس بصراحه انا متعقد من العربيات الكورى عامة وربنا يبارك لكل واحد فى عربيته ويكفينا جميعا شر الحوادث
وفى النهايه صدعتك بس حبيت ارد على سؤال حضرتك :)
تحياتى
أستااااااااذ ورئيس قسم ....اقتباس:
المشاركة الأصلية كتبت بواسطة wael ahmed
طب معلش لو أنت مكانى تشترى ال rb ولا الجين 2 ؟؟؟؟
متشكر يا جماعه والله بجد بس هو فى سؤال واحد الاقى قطع الغيار دى فين بره التوكيل فى الاسكندرية .. وبالنسبة للفلاتر وكده حلاقيها بسهولة
اكبد جين 2 .... بص حضرتك لو صديق ليك معاه جين جرب تسوقها وانزل منها اركب اكسنت ( على فكره انا مركبتشrb )اقتباس:
المشاركة الأصلية كتبت بواسطة Ghosts
وبالتوفيق يا باشا
في ناس كتير بتفضل تركب عربية ناعمة في السحب وموتورها ملوش صوت وكمان عفشة نعمة جدا
وفي ناس بتفضل تركب عربية مش نعمة في السحب والعفشة متبقاش نعمة اوي علشان متبقاش مرجيح ومية ومش ماسكة نفسها .. انا من الناس دي
محبش العربية يبقى ملهاش صوت موتور وانا بحرق لازم ابص على الار بي ام علشان انقل بل بالعكس انا يبقى عندي سنس الغيار واعرف الغيار جاب اخره ولا لسة من صوت الموتور
شوف انت هترتاح لاي عربية فيهم سواء الاكسنت (باور ستيرنج كهربة عامل زي الملبن) وبين البيرسونا ( ناشفة شوية والبور تقيل بس مش تقيل اوي زي اللادا يعني)
مع العلم ان قطع الغيار بما ان الاكسنت جديدة هتبقى في نفس سعر البيرسونا وهترخص مع الوقت
ملحوظة :
سعر تيل الفرامل في التوكيل للبروتون (التيل النضيف يعني) ب 800 جنيه بوش الالماني
اما ال 190 وال160 ده المصري المعفن
طبعا في حلول كتير للتيل ده وفيه ناس كتير بتستعمل تيل فيات بيترا سواء البوش او المايلي وكله بيشكر فيه
حضرتك عربيتك معاك من سنة 99 شكلك كده مش بتاع إعادة بيع :) فكر فى العربية النهاردة و سيبك من إعادة البيع
وربنا يوفقك إن شاء الله
أنا فعلا مش بحب اغير طالما انا مستريح وبصراحة كده العربية الي معايا دلوقتى والحمد لله اكتر من تغير الزيت وشوية حاجات كهرباء كده انا معملتش فيها حاجه تانيه .. انا بحافظ على العربية . . بس هيا متقلش اصلها معايا