نفسى أعيش بعيد عن الزحمه و القرف و الناس و أنعزل عن الدنيا

من زمان من و أنا طفله أساسا نفسى معيش فى جو زحمه كدة خالص و قرفانه من كل الدنيا و الزحمه و الناس و البيوت العاليه و الكلام دة كله , ناس هتقول عليا حالا أهوه أننا مجنونه و عاملة زى نظام فيلم محمد صبحى لما كان بيسجل براءة أختراع بس والله دى الحقيقة أننا زهقت و مليت من الناس بالكامل بلا أستثناء و كدة كدة عندنا أرض جديدة بابا ناوى يعملها بيت لينا بس برضة وسط ناس :beatbrick:
لذلك أنا أقنعته فى البيت عندى بفكرة جميلة أوى يا رب يحطها بجد فى دماغه و متكونش مجرد ترييح زبون , أننا نجيب أرض تانيه على سبيل مصيف أدام البحر على طول فى مكان فااااااااااضى حتى لو فى صحرا زى طريق بورسعيد كدة و أنت داخل على الجمرك بس طبعا أنا من اسكندريه و نعمل هناك بيت تانى جراج تحت و دور فوق ونبقى بعيد عن الناس خالص أو بعيد عن البلد بحوالى نص ساعة كدة و على الأقل فتره الصيف كلها نكون فيها بس المشكلة أننا مش عارفة أية الأماكن إلى زى كدة و سعر المتر هيكون كام و الكلام دة كله فعايزة اتأكد من الأسعار عشان أقنعة برضة و يكون الموضوع أسهل , بس يا ترى مين بيفكر زيى كدة ؟

هو بصراحة حضرتك ليكي حق الواحد زهق من الزحمه و التلوث و قلت الادب و الصدع اللي الواحد عايش فيهم في البلد دي وانا صغير كان نفسي اسكن في بيت وسط الغابه مثلا وعلي بحيرة زي ما موجود في امريكا اما لما كبرت و واضايق اشد الرحال علي الساحل خصوصاا في الشتاء بتكون مهجورة فبهس اني لوحدي
عموما فكرة حلوه و ان شاء الله تنفذيها

اقتباس:

---

المشاركة الأصلية كتبت بواسطة maryano

هو بصراحة حضرتك ليكي حق الواحد زهق من الزحمه و التلوث و قلت الادب و الصدع اللي الواحد عايش فيهم في البلد دي وانا صغير كان نفسي اسكن في بيت وسط الغابه مثلا وعلي بحيرة زي ما موجود في امريكا اما لما كبرت و واضايق اشد الرحال علي الساحل خصوصاا في الشتاء بتكون مهجورة فبهس اني لوحدي
عموما فكرة حلوه و ان شاء الله تنفذيها

---

الحمد لله لقيت واحد بيدعم فكرتى أهوه و محدش قال عليا مجنونه
و إن شاء الله تفكير المصريين كله يبقى كدة والله لأننا بجد أتقرفنا من الزحمه و الدوشة و كل حاجة

دا انتي جيتي علي الجرح

نفس الكلام بتاعك دا نفسي اعمله بس فى مشكلة فى ان الواحد يقعد بعيد عن الناس والمشكلة دي هي اللي مانعه الواحد انه يعمل كدا

لو اخدنا قطعة ارض بعيد عن الناس وعملنا بيت محترم وعشنا فى هدوء وراحه وسكينة وفعلا مش حيبقي فيه لا صداع ولا وجع قلب ولا قلة ادب

بس خدي عندك السلبيات بقي

اولا حتعتبر الحته مقطوعة وممكن حرامية او شويه صيع يهجموا علي البيت واللي حيجرئهم ان البيت بعيد عن الناس .
ثانيا لو حد تعبان وجراله حاجة ومحتاج اسعاف بسرعة او مستشفي حتبقي العملية صعبة جدا
ثالثا لو عايز تشتري حاجة ضروري حتجبيها منين فى المكان الخالي دا
رابعا انقطاع الكهرباء والمياه عن المنطقة كل شويه بما انها مش منطقة حيه
وحاجات كتير تانية

أنا زى حضرتك كنت مخنوق من الزحمة و مشاكل الزحمة و كنت ساكن فى العباسية و عزلت لمدينة الشروق و من ساعتها و انا مرتاح جدا بفضل الله

انا نفس الكلام يخت خاص وجزيرة وخصوصا لو فى ماليزيا زى جزيرة كاباس يبقى كدة تمام اوى ومش عاوز غير كدة من الاحلام الدايما فى خيالى وبتمنى تحقيقها

http://www.holidaycity.com/datai-res...wi/photo2a.jpg

عقبالى
كرهت الدنيا واللى فيها

اقتباس:

---

المشاركة الأصلية كتبت بواسطة alaasaid

أنا زى حضرتك كنت مخنوق من الزحمة و مشاكل الزحمة و كنت ساكن فى العباسية و عزلت لمدينة الشروق و من ساعتها و انا مرتاح جدا بفضل الله

---

فعلا هو دا الصح المدن الجديدة بس المحترم منها , يعني مينفعش حاجة شعبية

اقتباس:

---

المشاركة الأصلية كتبت بواسطة manola

الحمد لله لقيت واحد بيدعم فكرتى أهوه و محدش قال عليا مجنونه
و إن شاء الله تفكير المصريين كله يبقى كدة والله لأننا بجد أتقرفنا من الزحمه و الدوشة و كل حاجة

---

مجنونه ليه بس؟؟؟؟ دة عين العقل انا ساكن في مدينه نصر لو تعرفيهااا مش عايز اقولك كميته التلوث اللي فيها ممكن مشوار جمب البيت ميخدش ربع ساعة اعد فيه ساعتان من غير مبالغه
هو المصريين ابتدو فعلا يعزلو للمدن الجديدة زي التجمع الخامس او 6 اكتوبر بس هي كلها 10 سنين بكتير و تبقي اللعن من مدينه نصرررر

انا بقي بحب المدن وبكره الريف بس اوقات واوقات وجايز عشان طول عمري عايش في الفلاحين وحتي بيتنا وعيلتنا كلها لوحدها يعني بينا وبين البلد نفسها حوالي 250 متر وبيتنا في وسط ارضنا في قلب الغيط
الميزه ان مفيش حد بيوجع دماغك واي حاجه تحصل من الجيران مش بيحصل حاجه لان الجيران هما اعمامك والمنظر تحفه ومخدتش بالي منه غير من قريب لما كنت بجيب حاجه من البلكونه ببص كده المنظر كان فظيع - خضره علي مد البصر ونخيل وحاجات حلوه وقدام البيت شجر موز وعنب انا اللي زرعه

العيوب بقي :
جهل فظيييييييييييييييييييييع
مفيش اي نوع من انواع الخدمات
شوية مطر تلاقي الطريق كله طين وحوسه ومتعرفيش تروحي اي حته
انعزال تام واقل حاجه تحبي تشتريها تدبي مشوار نص ولا ساعه عشان تجيبيها حتي لو كان اكل

دلوقتي انا بقعد اسبوع او اتنين في الاسكندريه او القاهره وخميس وجمعه اقضيهم في شقتي اللي في البلد بس مش بحس بيهم قوي لاني كده كده ببقي بشتغل

ده منظر بيتنا:
https://fbcdn-photos-a.akamaihd.net/..._7090912_a.jpg
https://fbcdn-photos-a.akamaihd.net/..._2429043_a.jpg
https://fbcdn-photos-a.akamaihd.net/...1_611415_a.jpg
https://fbcdn-photos-a.akamaihd.net/..._6740972_a.jpg

اقتباس:

---

المشاركة الأصلية كتبت بواسطة manola

من زمان من و أنا طفله أساسا نفسى معيش فى جو زحمه كدة خالص و قرفانه من كل الدنيا و الزحمه و الناس و البيوت العاليه و الكلام دة كله , ناس هتقول عليا حالا أهوه أننا مجنونه و عاملة زى نظام فيلم محمد صبحى لما كان بيسجل براءة أختراع بس والله دى الحقيقة أننا زهقت و مليت من الناس بالكامل بلا أستثناء و كدة كدة عندنا أرض جديدة بابا ناوى يعملها بيت لينا بس برضة وسط ناس :beatbrick:
لذلك أنا أقنعته فى البيت عندى بفكرة جميلة أوى يا رب يحطها بجد فى دماغه و متكونش مجرد ترييح زبون , أننا نجيب أرض تانيه على سبيل مصيف أدام البحر على طول فى مكان فااااااااااضى حتى لو فى صحرا زى طريق بورسعيد كدة و أنت داخل على الجمرك بس طبعا أنا من اسكندريه و نعمل هناك بيت تانى جراج تحت و دور فوق ونبقى بعيد عن الناس خالص أو بعيد عن البلد بحوالى نص ساعة كدة و على الأقل فتره الصيف كلها نكون فيها بس المشكلة أننا مش عارفة أية الأماكن إلى زى كدة و سعر المتر هيكون كام و الكلام دة كله فعايزة اتأكد من الأسعار عشان أقنعة برضة و يكون الموضوع أسهل , بس يا ترى مين بيفكر زيى كدة ؟

---

حضرتك بتقولى كده و انتى من الاسكندريه امال اهل القاهره يعملو اييييييييييييييه


بلاش مواجع الله يخليكى

اقتباس:

---

المشاركة الأصلية كتبت بواسطة abofarah

حضرتك بتقولى كده و انتى من الاسكندريه امال اهل القاهره يعملو اييييييييييييييه


بلاش مواجع الله يخليكى

---

ماهما دول اللي زحمولنا البلد وخلونا عاوزين نطفش ههههههههههه
بس بجد اسكندريه بقالها سنتين كده زحمه صيف شتا
بقت مقرفه اوي معرفش ليه

زمان كنت عاوز اخد جزيره واعمل عليها مدينه شنوريا العظمي
بس الفلوس مكفتش وقفت معايا علي 5 جنيه
وكنت ناوي اقعد فيها لوحدي انا وشويه ناس بس

انا بافكر فى نفس الكلام و متهيالى خلال عشر سنين كل الناس فى اسكندرية هتبيع شققها و تشترى ارض فى برج العرب و تبنى فلل

اسعار الشقق فى اسكندرية بقت وهمية يعنى بنصف تمن الشقة ممكن الواحد يشترى حتة ارض ( المتر 1000 جنيه + 1000 تمن متر البناء ) الموضوع مش هيتكلف 2000 للمتر ( متوسط سعر متر الشقة فى اسكنرية 4000 جنيه و بيعدى 10000 جنيه مستريح فى المناطق المميزة)

الطريق من برج العرب لوسط البلد ارحم من ميامى او لوران مثلا لوسط البلد ( يعنى لو حد شغله فى وسط البلد و ساكن فى برج العرب هتبقى معقولة)

بس كده وحتت الارض اللى انتى عاوزاها انا ادللك عليها
انا ساكن كده وعايش طول عمرى كده بينى وبين العين السخنة ربع ساعه
وبينى وبين البلد ربع ساعه
وبابا بردو خد حتت ارض ممكن اشوف البحر وانا واقف على الارض فما بالك لما تتبنى
وشوية هوا
ياسيييييييييييييدى تنضف الصدر وكفاية المنظر
ومش مصيف دى فلل للسكن
وبالليل الواحد يسيب زحمة البلد ويروح ينام فى هدوووووووووووووء

اقتباس:

---

المشاركة الأصلية كتبت بواسطة shaddadfalcon1

انا بقي بحب المدن وبكره الريف بس اوقات واوقات وجايز عشان طول عمري عايش في الفلاحين وحتي بيتنا وعيلتنا كلها لوحدها يعني بينا وبين البلد نفسها حوالي 250 متر وبيتنا في وسط ارضنا في قلب الغيط
الميزه ان مفيش حد بيوجع دماغك واي حاجه تحصل من الجيران مش بيحصل حاجه لان الجيران هما اعمامك والمنظر تحفه ومخدتش بالي منه غير من قريب لما كنت بجيب حاجه من البلكونه ببص كده المنظر كان فظيع - خضره علي مد البصر ونخيل وحاجات حلوه وقدام البيت شجر موز وعنب انا اللي زرعه

العيوب بقي :
جهل فظيييييييييييييييييييييع
مفيش اي نوع من انواع الخدمات
شوية مطر تلاقي الطريق كله طين وحوسه ومتعرفيش تروحي اي حته
انعزال تام واقل حاجه تحبي تشتريها تدبي مشوار نص ولا ساعه عشان تجيبيها حتي لو كان اكل

دلوقتي انا بقعد اسبوع او اتنين في الاسكندريه او القاهره وخميس وجمعه اقضيهم في شقتي اللي في البلد بس مش بحس بيهم قوي لاني كده كده ببقي بشتغل

ده منظر بيتنا:
https://fbcdn-photos-a.akamaihd.net/..._7090912_a.jpg
https://fbcdn-photos-a.akamaihd.net/..._2429043_a.jpg
https://fbcdn-photos-a.akamaihd.net/...1_611415_a.jpg
https://fbcdn-photos-a.akamaihd.net/..._6740972_a.jpg

---

يا راجل ايه المنظر الجميل دا , دي منظر الخضرا تريح الاعصاب ,ياريت الواحد عنده بيت زي دي

بس عندك حق فى السلبيات , لو بيت زي دي من غير السلبيات اللي ذكرتها يبقي جنه

دايما لما باتخنق
اسرح مع نفسي اقول
نفسي اروح مكان في بحر .. لوحدي
مفيهوش حد خالص ولا تليفون ولا موبايل ولا اي وسائل اتصال
اقعد بس ادامي المية

دة حلم عام يا جماعة
بس هوا فين المكان الهادي دة اللي مفيهوش ناس؟
فين المكان بتاع العين السخنة والقاهرة والبحر والكلام دة كله

m000dy
انت عاوز البنت تكمل تعليمها ولا تاخدها انت تكمل تربيتها وتعليمها
والف مبروك عليك:satelite:

عايزين الحق الافضل لكل دا كله

هو كومباوند فيلات بس ويكون كامل الخدمات وامن وحراسة وكامل الخدمات
يبقي مدينة زي الرحاب كدا بس فيلات بس , حيبقي جنه بجد

اقتباس:

---

m000dy
انت عاوز البنت تكمل تعليمها ولا تاخدها انت تكمل تربيتها وتعليمها
والف مبروك عليك:satelite:

---

اااااااااااااه
دانتى عاوزه توفرى بقى ههههههههههههههه
وكمان داخلى على طمع
بس لو ركزتى هاتلاقينى بقول الارض ما اتبنتش يعنى ممكن احوطها بسبردء من بتاع الجيش اللى على الحدود ده وكده زى الفل لحد ما ربنا يفرجها هههههههههههههه
بس للاسف نأبك ها يطلع على شونة
الارض بتاعت بابا وانا كل يوم ادب معاه خناقة عايز يبنيها ويديهالى وانا ابداااااااااااااااا
هاأجر بره وابدأ حياتى زى اى شاب
لست انا هذا الرجل اللى ابوه يجوزه
ان ماكنتش هاتعب فيها يبقى متوقعة اعرف قيمتها واحافظلك عليها ازااااااااااااااى ؟

اقتباس:

---

عايزين الحق الافضل لكل دا كله

هو كومباوند فيلات بس ويكون كامل الخدمات وامن وحراسة وكامل الخدمات
يبقي مدينة زي الرحاب كدا بس فيلات بس , حيبقي جنه بجد

---

سلفنى 2 مليون جنيه تمن الفيلا هناك وانا معاك ياريس :)
عارف لو فتشت هاتلاقى حتت اراضى فى مواقع جميلة جدا وبرخص التراب بس كل واحد فينا بردو عاوز الاقرب والاسهل
يعنى لو قولتلك تعالى فى فى السويس حتت ارض على الشط عدل يعنى المية لو عليت توصل باب البيت هاتيجى تشتريها وتبنيها وتعيش فيها كمان
ولا هاتقول دى بعيده عن شغلى وماليش حد هناك ؟

اقتباس:

---

المشاركة الأصلية كتبت بواسطة m000dy

سلفنى 2 مليون جنيه تمن الفيلا هناك وانا معاك ياريس :)
عارف لو فتشت هاتلاقى حتت اراضى فى مواقع جميلة جدا وبرخص التراب بس كل واحد فينا بردو عاوز الاقرب والاسهل
يعنى لو قولتلك تعالى فى فى السويس حتت ارض على الشط عدل يعنى المية لو عليت توصل باب البيت هاتيجى تشتريها وتبنيها وتعيش فيها كمان
ولا هاتقول دى بعيده عن شغلى وماليش حد هناك ؟

---

معاك ان في حتت ارض رخيصة جدا بس فى الصحرا

تعرفوا المشكلة فى ايه مش فى المكان , المشكلة فى الجيران , يعني لو انت ساكن وسط اسكندرية ولا القاهرة والناس كويسه ومفيش زحمه والهوا نضيف , لو حتي سكنت فى اوضه فوق السطوح حتبقي مبسوط ومرتاح

اقتباس:

---

المشاركة الأصلية كتبت بواسطة m000dy

اااااااااااااه
دانتى عاوزه توفرى بقى ههههههههههههههه
وكمان داخلى على طمع
بس لو ركزتى هاتلاقينى بقول الارض ما اتبنتش يعنى ممكن احوطها بسبردء من بتاع الجيش اللى على الحدود ده وكده زى الفل لحد ما ربنا يفرجها هههههههههههههه
بس للاسف نأبك ها يطلع على شونة
الارض بتاعت بابا وانا كل يوم ادب معاه خناقة عايز يبنيها ويديهالى وانا ابداااااااااااااااا
هاأجر بره وابدأ حياتى زى اى شاب
لست انا هذا الرجل اللى ابوه يجوزه
ان ماكنتش هاتعب فيها يبقى متوقعة اعرف قيمتها واحافظلك عليها ازااااااااااااااى ؟

---

ربنا يسعدك ويكتر من امثالك ويبقى كل الشباب كدة مكافح
لأن اللي بييجي بالساهل بيروح بالساهل
فعلا محدش بيعرف قيمة الشئ الا اذا تعب فيه صح مية في المية

اللي جرب يطلع الصحرا.... و اللي هي أنت و الرمل و السما.... بـــــــــــــس
هيحس أن أي حاجة تاني تعتبر عمار و زحمة....

عينك تمتد الى ما لا نهاية.... السحاب لو مطر في مكان تاني هتشوف بمنتهى الصفاء و الوضوح شكل المطر و هو نازل.....

باختصار... أكنك رحت كوكب تاني...

مرة كنت بشرب كان 7 أب... و سمعت صوت البحر من بعيد....
بعدين لاحظت أني كل ما بشرب بسمع صوت البحر....

في النهاية اكتشفت أن ده صوت ال7 و هي نازلة في المريء....و من كتر الهدوء اللي حواليا سامعه بوضوح !!!!

شوفوا الألبوم ده....

https://www.facebook.com/media/set/?...0975615&type=1

ربنا يوعدنا بسكن بالمواصفات دي , انا اتفرجت على فيلم tree of life نفسي اعيش في حي زي الي الفيلم ده متصور فيه , بس الاماكن الي زي دي في مصر الفيلا متقلش فيها عن 5 مليون ,, احنا نشترك مع بعض في ارض كبيييرة في مكان كويس عالبحر كده و كل واحد يبني فيلا و كده يبقى في جيران و عارفين بعض كمان :) اوعدنا يا رب

عارفين لو مثلا اتجمع 50 واحد ممكن و الله يعملوها مش خيال يعني , كله يبيع شقته و يجمعو مبلغ كبير و يعملو مدينه صغيره بمزاجهم و على قدهم كده d:

هتبقى مدينة جميله و الله مفيش اي مشاكل و نعمل فيها سينما في الشارع زي فيلم How 2 Lose Friends & Alienate People تكون في جنينه كده و نتفرج عالافلام كلنا D: و اكيد هيكون من ضمن المشاركين دكاترة و نعمل كل الحجات المهمه هناك عادي و مش هنحتاج ننزل وسط البلد اصلا

اقتباس:

---

المشاركة الأصلية كتبت بواسطة bmw3m007

هتبقى مدينة جميله و الله مفيش اي مشاكل و نعمل فيها سينما في الشارع زي فيلم how 2 lose friends & alienate people تكون في جنينه كده و نتفرج عالافلام كلنا d: و اكيد هيكون من ضمن المشاركين دكاترة و نعمل كل الحجات المهمه هناك عادي و مش هنحتاج ننزل وسط البلد اصلا

---

فكرة جميلة جدا , بس التنفيذ , الكلام حلو انما ساعة الجد الموضوع حيختلف مع اني فعلا نفسي فى حاجة زي كدا وخدوا بالكم حتبقي ارخص بكتير من برا

الحل في السفر لبرة للعمل والهجرة والعيشه

اقتباس:

---

المشاركة الأصلية كتبت بواسطة د.محمود صلاح

الحل في السفر لبرة للعمل والهجرة والعيشه

---

انا واحد من الناس حموت واسافر مش علشان فلوس واللهي , علشان العيشة بس والراحة النفسية

ان تخالط الناس وتصبر علي اذاهم خير لك من ان تبتعد عنهم

من يجى 4 سنوات كده والدتى قالت عايزن نعود فى حته لوحدنا روحنا المنصوريه 3 شهور بالعدد و رجعنا تانى
المصرين اصلن بيموتو فى الزحمه بس بيحبو يجربو الخلا

اقتباس:

---

المشاركة الأصلية كتبت بواسطة bmw3m007

هتبقى مدينة جميله و الله مفيش اي مشاكل و نعمل فيها سينما في الشارع زي فيلم How 2 Lose Friends & Alienate People تكون في جنينه كده و نتفرج عالافلام كلنا D: و اكيد هيكون من ضمن المشاركين دكاترة و نعمل كل الحجات المهمه هناك عادي و مش هنحتاج ننزل وسط البلد اصلا

---

يا سلااام تبقي حلوة احنا بجيب من الاخر و نشتري جزيرة صغيرة بس تكون زي اللي في مسلسل lost تبقي حلوة
زي فيه واحد معرفة ساكن في 6 اكتوبر و هو و مراتو شغالين في اكتوبر بينزلو القاهرة في الاعياد و المناسبات بس:ma:

اقتباس:

---

المشاركة الأصلية كتبت بواسطة alaasaid

أنا زى حضرتك كنت مخنوق من الزحمة و مشاكل الزحمة و كنت ساكن فى العباسية و عزلت لمدينة الشروق و من ساعتها و انا مرتاح جدا بفضل الله

---

بذمتك مرتاح :36_1_8[1]: انا كل مطالبي فلحياة هناك الاقي حد بيبيع آيس كريم

اقتباس:

---

المشاركة الأصلية كتبت بواسطة minicooper20

من يجى 4 سنوات كده والدتى قالت عايزن نعود فى حته لوحدنا روحنا المنصوريه 3 شهور بالعدد و رجعنا تانى
المصرين اصلن بيموتو فى الزحمه بس بيحبو يجربو الخلا

---

المنصورية لوحدكم؟؟؟ هيا من 4 سنين كانت فاضية؟؟؟؟؟؟؟ انا عمري مشفتها فاضية

اقتباس:

---

المشاركة الأصلية كتبت بواسطة maryano

يا سلااام تبقي حلوة احنا بجيب من الاخر و نشتري جزيرة صغيرة بس تكون زي اللي في مسلسل lost تبقي حلوة
زي فيه واحد معرفة ساكن في 6 اكتوبر و هو و مراتو شغالين في اكتوبر بينزلو القاهرة في الاعياد و المناسبات بس:ma:

---

هههههههههههههههههههههه اضحك الله سنك والله

.................................................. .

انا كمان كنت بفكر فى أقرب قرية من المدينة اسكن فيها ويكون عندى بيت ريفى صغير بجنينة مليانه زهور وورد و رياحين و خلية نحل

وازرع فيها شجرة لكل نوع من الفاكهة والخضار وأعمل عشة فراخ وبرج حمام وبحيرة بط و جاموسة اشرب لبنها

وفرن بلدى و ممكن اربى كام معزة واعمل اكتفاء ذاتى مع نفسى والسما حواليا مفتوحة واسرح مع النجوم والقمر بالليل

وبعدين بصحى من احلامى على دوشة الجيران زى دلوقت كدا هههههههههه :ma:

ساعات بعيش فلمود دا فلشروق لما اشوف قدامي صحرا وفوقي السما وفجأة اطلع ملمود علي صوت الكلاب..


وساعات لما بكون فلفيوم وبسرح فلزرع كدا يسلام يسلااااااااام...بحس اني مرتاحة وفجأة افوق علي اي صوت لشخص فيومي بظبط نفس ريأكشن حزلئوم لما نزل بلطيم وكان فاكرها اليونان

بالمناسبة دى ومادام كل واحد سرح بخياله
واللى قالت اربى حمام وفراخ
واللى قالت اربى جاموسة واشرب لبنها
واللى قالت اعيش فى الغيط
احب احلم انا كمان ان انا صاحب العزبة اللى انتو عايشين فيها دى
وكل يوم انزل بالحصان وادور فيكو الضرب بالكرباج
ايييييييييييييييييييييييي يييييييييه فى حاجه ؟
حلمى وانا حر فيه :)
بهزر اوعو حد يزعل والنبى

مين اللي قال الدنيا دي وسية..فيها عبيد مناكيد وفيها السيد..تيرارارا

انا مش عايز اكتر من ده جزر المالديف
http://farm4.static.flickr.com/3138/...a2434b43be.jpg

http://up.qatarw.com/get-3-2009-fqzrgwo6.jpg

http://3.bp.blogspot.com/-mqe8Et4ez0...25D9%25817.jpg

http://www.ibda3world.com/wp-..........4_912867_n.jpg

http://2.bp.blogspot.com/-LJKA0kK-_1...s+resorts..jpg

اقتباس:

---

المشاركة الأصلية كتبت بواسطة icehearted girl

المنصورية لوحدكم؟؟؟ هيا من 4 سنين كانت فاضية؟؟؟؟؟؟؟ انا عمري مشفتها فاضية

---

اه والله كانت كولها فلل و مفيش حد ساكن فى الفلل دى خالص كان هو
هى دلوقتى الناس راحت سكنت ولا ايه؟

اقتباس:

---

المشاركة الأصلية كتبت بواسطة moshaks

انا مش عايز اكتر من ده جزر [/img]

---

ياريت تشوفلى مكان هناك
اجمل منظر ممكن تشوفه فى حياتك
الجزر عموما لانك فى وسط المياه من كل جهه وبتنسي اى حاجة ممكن تشغل بالك