كل واحد يدخل يقول بيظبط زوايا فين ..؟؟

**Amr Axel** · 13-11-2011 03:08 PM

المشاركة الأصلية كتبت بواسطة karimfahmy99

لا تعب و لا حاجة انت تأمر يا معلم

المهم انا بتكلم عن الجنط ال 12 بتاع الماروتى عشان الناس بس تبقى توضح المكان اللى بتقول علية دا للجنط ال 12 و لا ال13

معلش مش واخد بالي حضرتك تقصد ايه ؟؟

**Amr Axel** · 13-11-2011 03:12 PM

المشاركة الأصلية كتبت بواسطة hamaza81

والله بيني وبينك
من كتر ما سمعت عن صعوبة الموضوع دا
منفض تماما
من ساعة ماجبت العربية ماظبطتش زوايا
وعندي حدفة خفيفة خالص لليمين ومكبر دماغي لاني خايف اروح اكحلها اعميها

فعلا هي ساعات مش بتعميها ديه ساعات بتضيع الدماغ كلها هههههههه
بس انا بتعامل مع الراجل ده بقالي سنين فعشان كده قولت اقولكم
و هو يعتبر جنبك يا استاذ محمد في الحي السابع ع صف مصر و السودان بعد مصر و السودان و فرن كريستال كانك رايح ع الشبراوي هتلاقيه ع يمينك
جازف و جرب و انا مش مسئول

و اللي اعرفه ان المفروض بنظبط زوايا كل حوالي 20-30 الف

**Amr Axel** · 13-11-2011 03:14 PM

المشاركة الأصلية كتبت بواسطة alking_2006

السلام عليكم

انا بظبط زوايا فى ورشة اسمها "مؤسسة الأمل" فى شبرا الخيمة
و العنوان: مساكن الظباط خلف المؤسسة العمالية شبرا الخيمة
و التليفون: 0244444333
و الترصيص الفردة ب 5 جنيه كومبيوتر
و ظبط الزوايا ب 25 جنيه
و الورشة دى من الاخر جامدة اخر حاجة و كمان بيعملوا كشف على العفشة علشان لو فيه اى حاجة فى العربية يقولولك عليها

تمام يا ريس

**Amr Axel** · 13-11-2011 03:46 PM

المشاركة الأصلية كتبت بواسطة micromoud

هو الظاهر ان كل الماروتى حدفتها يمين :d

و ضيف عليهم الألتو هههههههههه بس بعد التظبيط بتظبط

ع فكرة يا جماعة انا لاحظت حاجة بقي كمان ساعات الحدف بعد ما تظبط زوايا ملوش علاقة بظبط الزوايا لكن بكيون بسبب ان العجل بسبب سوء التخزين بيكون فيه عيب داخلي فالعربية تحدف بس حاجة بسيطة جدااا
لما تغير العجل الامامي باللي ورا هتلاقيه اختفي

**Amr Axel** · 14-11-2011 11:19 PM

المشاركة الأصلية كتبت بواسطة karimfahmy99

الكلام دا مش ف بلدنا و طرقنا الحلوة يا استاذ- كل 15000 كنت بلاقى اقل من ربع سم فرق ف الزوايا

خلاص بقي يا استاذ كريم مش لازم كل شوية تفكرنا بالهم اللي احنا فيه

**Amr Axel** · 14-11-2011 11:23 PM

المشاركة الأصلية كتبت بواسطة bmw323

على فكرة كلامك صح ياعمرو لأن نفس المشكلة كانت عندى بتاعت الحدفة اليمين دى ولما بدلت العجل أختفت زى عندك لما قولتلهم فى التوكيل قالولى أخر مرة بس الكلام دا من فترة عندك عجلة مرحلة وعاوزة زرجينة وطلعت ولا زرجينة ولا بتاع واى كلام بيتقال

اهلا اهلا بالناس اللي بتتفق و تخلع ههههههههههه
فعلا انا لاحظت الحوار ده
نعمل ايه بس حتي الكاوتش مش متهنيين عليه بيخزنوا الكاوتش في شقق عاملنيها مخزن و رامينها فوق بعض و خلاص و متعرضة لكل حاجة هوا مية شمس ضغط كل حاجة
اما التوكيل فمش هتكلم لأنك اكيد عارف اللي هقوله زي ما كله بيقول هههههههه

**mesaharaty** · 15-11-2011 01:11 PM

أنا كل ما أروح لبتاع زوايا يقول لى العربية عاوزة زرجينة ومش فاهم منه حاجة خالص وفعلا رحت لأكثر من واحد وكل واحد يفتى ويقول خلاص اتظبطت وأروح للى بعديه يقول عاوزة ظبط وفى الآخر كبرت دماغى من الحوار ده ومن كتر الفلوس بتاعت المصنعيات لأنه 99.9 % منه فتاوى فاكسة وماشى بيها كده والأمر لله .

-

-

-

الموضوع: كل واحد يدخل يقول بيظبط زوايا فين ..؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز احسن واحد بيظبط زوايا فى المنصوره

كل واحد يدخل يقول اسم من اسماء الله الحسنى...ولكم الاجر

مين أحسن واحد بيظبط زوايا فى مصر !!!!!

فى حد بجد بيظبط زوايا بضمير فين والنبى

الكلمات الدلالية لهذا الموضوع

المفضلات

المفضلات

ضوابط المشاركة