السلام عليكم
بفكر اجيب ميجان ٢٠٠٥
ايه رايكو فيها و ايه العيوب و استهلاك البنزين عامل ايه
و قطع الغيار اسعارها معقول ولا لا
عرض للطباعة
السلام عليكم
بفكر اجيب ميجان ٢٠٠٥
ايه رايكو فيها و ايه العيوب و استهلاك البنزين عامل ايه
و قطع الغيار اسعارها معقول ولا لا
لو عاوز تعرف عن قطع غيار مجان إدخل على رينو و شوف الدنيا فيها إيه؟ بنسبالي العربية وسيلة إنتقال أساساً، لكن الميجان عربية جميلة... و أنا بحب شكلها بجد بس إلي أعرفو عنها انها مش كل فني يعرف يذبطهة صح. و كمان مليانة sensors و دي تمنها غالي و كل مدة الحساسات دي تضرب و إدفع يا مدير كبير. أنا رأيي لو حضرتك تقدر تصرف عليها صح إتكل على الله. الدليل على كلامي إن الميجان تمنها بينزل بشدة فالمستعمل. لو عاوز حاجة اعتماديتها أكبر ممكن لانسر موديل حديث تكون إختيار أحسن. ربنا يعمل لحضرتك الصالح - أحمد سامي
لكن انا طبيعه شغلي كل يوم علي الصحراوي فا بحتاج عربيه يكون فيها شويه امكانيات و تكون مريحه في قاعدتها
انا كان معايا كليو قبل كده عربيه جميله و اقتصاديه جدا بس مش مريحه في السفر
البومه عربيه جميله
بس صعب تلاقي منها مستعمل حالته كويسه
ربنا يقدم اللي فيه الخير ان شاء الله
الميجان عربية تحفة .. بس الحالة ثم الحالة ثم الحالة .. و اوعى متكشفش فى التوكيل.
بس تكييفها أداؤه متوسط.
عجبتني الشاريد اشتريتها مفيش حد الا اما كرهني فيها والحمدلله لم أتأثر بكلام الناس اللي مش فاهمه او ليس لها سابق تجربه مع الديهاتسو عموما أو خصوصا الشاريد والعربيه اللهم لك الحمدوالشكر عمرها مازعلتني ابدا ولفت نظري جدا الكلام عن الرينو وده شدني للماركه دي وخصوصا الميجان
كنت كل مااسأل حد عن سياره اعتماديه يقولي كذا اقول ليه يقولي قطع غيارها رخيصه وتلاقيها في اي حته طيب انا هااعمل إيه بالرخيص مادام انا معايا عربيه مش بتحتاج قطع غيار كتير ولو احتاجت بتكون اعتماديه ومُعمره ؟
هل فعلا الميجان مظلومه ولا انا عشت تجربه مختلفه حسستني انها مظلومه بسبب ثقافة المستهلك او المستخدم ؟
صباح الخير صحبي
الميجان من العربيات اللي تعتبر تحفة فنية - العربية مصنفة كلاس a في وسائل الامان و السلامة و بيسموها في فرنسا و المانيا القلعة الخرسانية - العربية دي مظلومة بسبب التخاريف اللي احنا عملناها حواليها - و هي عربية ذات احترام و برستيج يقارب الbmw و المرسيدس e200
قطع الغيار متوفرة و باسعار تكاد تكون اقل من الكوري او الياباني
بالنسبة للحساسات نادر جدا ما تعاني من مشاكل فيها - معظم مشاكل العربية تتركز في الجيربوكس الخاص بالموديل 2005 و تم تلافيها في انتاج الربع الاخير من 2006 باستخدام الجيربوكس dpo + و اللي اتزودت بية كلا من البيجو ستروين و فولكس
النصيحة الغالية تلافي موديلات 2005 و ما تحت لانها في الحالة دي بتبقي ابخات
و علي فكرة بقي في ناس كتير بتشتغل فيها و انا شخصيا اعرف دكاترة ميجان في المعادي و الحرفيين
متفكرش .... الميجان فيها عيبين 1. فيتسها الاوتوماتيك مش بيستحمل.. 2. تكيفها مع الحر الشديد زى قلتة ...
تفكيرك في محله :)
بس ابدأ من موديل 2006 ملحق 2007 (الشكل الجديد) فيها بعض قطع الغيار بس ذات اعتمادية أعلى، وأهم شيء الحاااااااااااااااالة ثم الحالة ثم الحالة وربنا يوفقك
لكن ماتصدقش أي حد يقولك نص كلمة أكتر من كده في عربية مش متهانة :)
الف شكر للناس اللي علقت علي الموضوع
يعني افهم من كده اني اجيب من ٢٠٠٦ و انا طالع
بس التكييف لو زي الكليو يبقي مشكله
انا معايا كورسا و تكيفها تلاجه بمعني الكلمه و مش حقدر اركب حاجه اقل منه انا من النوع اللي بيشغل التكييف ليل و نهار
علي فكرة
تكيف الرينو ميجان قوي جدا و من اسباب شعور الناس بان التكييف ضعيف كاوتش الباب
لو قديم او مضغوط او فية قطع بيسرب الحرارة من العربية فبتحس انة مش كفؤ
معلومة ان نظام التبريد الخاص بالرينو و نوع فريد من دورات التكييف و ذو اعتماية و كفاءة
بالنسبة لموضوع الملحق 2007
ملحق 2007 هو الشكل القديم بس الاختلاف في الماتور و الفتيس نظرا للتعديلات اللي اتعملت لتلافي عيوب موديلات 2005 و ممكن تعرفة من الكود اللي علي زجاج العربية الامام - بالنسبة للشكل الجديد دا انتاج 2007 النص التاني من السنة - لو لاقيت الشكل الجديد 2006 يبقي دا متعدل
علي فكرة انت ممكن تعدل شكل العربية و كمان تابلوة العربية (تغيير للاضائة البيضاء) في المعادي او الحرفيين
طيب ممكن صور للشكل القديم و الشكل الجديد
علشان انا كده اتلغبطت
أنا انصحك تبعد عنها
مجربها ومطلعا روحي
ودي اللي معي لحد الان
ظ„ظ„ط¨ظٹط¹ ط±ظٹظ†ظˆ ظ…ظٹط¬ط§ظ† 2008 " طھط.ط¯ظٹط« " | ط.ط±ط§ط¬ ط§ظ„ط³ظٹط§ط±ط§طھ
اول ما اشتريت العربيه طلعت عينى وهى موديل 2005 ولكن الان بعد ما عرفت عنها كل حاجه والناس اللى بتصلحها اقتنعت بيها جدا وبفكر اجيب موديل احدث لما ربنا يسهلها وعيبها الوحيد التكييف مع التوفيق
وانا كمان ان شاء الله ناوى اشترى ميجان انتاج شهر 11 موديل 2006 بس انا لسة مش شوفت العربية ومتفق معاه ع يوم الجمعة الجاية ان شاء الله وهى الفئة اللى قبل البانوراما ع طول وماشية 90 الف كيلو عايز اعرف العربية كده الاوبشن بتاعها ايه وكمان عايز اعرف لون العدادات ابيض ولا برتقالى وهل الفتيس جديد dpo ولا فتيسها قديم هى معروضة عليا ب 65 الف اشتريها ولا ايه النظام وعايز اعرف اوديها فين للكشف عنها والعربية موجودة ف الاسكندرية ارجوكم مفيش حد يبخل عليا بالمعلومات منتظر ردكم
الى الاخوة الاسكندرانية وانا زيكم اسكندرانى
بالنسبة للعربية بامانة شديدة يكفى انك تركب سيارة وتحس بالامان وخصوصا على الطرق السريعة وانا بمشى على المحور على سرعة 170كم وفية امان .. التكييف معقول احنا فى اسكندرية مش فى القاهرة .. استعمال البنزين 8.2فى100فى الطوالى .. 9.4داخل البلد ... قطع الغيار معقولة لانة يوجد بدائل كثيرة اصلى اسبانى المانى تركى صينى ..رفاهية وكماليات كثيرة يكفى لما تشيل الكارت الدائرة الكهربائية تفصل بالكامل لو نسيت انوار العربية الكاسيت كلة بيفصل ..خاصية عدم سماع الاصوات الخارجية .. وراي ومهم جدا حتى لاتندم وتقولوا ياليتنا ما اشترينا الرينو خلى بالك علشان متغلطشى زى ماانا غلطت بس ماكنتش اعرف حاجة عن الميجان ... اولا... العربية تكون بتتعامل مع التوكيل لها تاريخ عندهم اهم من السعر ولوغالية افضل من التى تتعامل خارجة
ثانيا.. الكشف عنها فى التوكيل فى سموحة خلى المهندس شريف وقلوة معرفة عبدالله مدير البنك الوطنى
ثالثا.. الميكانيكية فى اسكندرية وكانوا بالتوكيل فية حمدى بيرو واحمد موسى (دكتور ) ومفيش مشاكل ولكن حسب معلوماتى للاتوماتك يفضل موديل عالى لمشاكل 2005 .. قارن المبلغ المدفوع فى موديل 2007 بمايعادلهااوكتافيا نفس الموديل فرق يقل 25الف( غير ثبات نعومة )لو قطع الغيار غالية بس متوصلشى للفرق دة ونحن فى انتظار استفسارتكم ..
ربنا يخليك يااستاذ عبدالله بس انا مش عايز اروح للراجل اللى هشترى منه قبل مااعرف معلومات عن العربية كافية عشان اعرف اتكلم معاه فيما يخص العربية يعنى اكون عارف الاوبشن بتاعها وهل هى تعتبر شكل قديم ولا حديث والفتيس كمان و كنت عايز اعرف فين التوكيل ف سموحة ف انه حتة بالضبط فيها وفين اماكن حمدى بيرو واحمد موسى
حسب معلوماتى الاوبشن كاملة ماعدا فتحة سقف وممكن تعرف اكتر من المنتدى فى كل ماتريد معرفت عن الميجان ومن الاعضاء لان عربيتى مانيوال 2008كاملة ماعدا جنوظ اسبور وضم المرايات .. التوكيل فى سموحة وانت رايح عند شركة لورد على المحمودية بعد ماتعدى الكوبرى وانت رايح على جامعة فاروس بعد فندق مبارك تعدى الكوبرى امامك التوكيل .. حمدى بيرو فى المنطقة الصناعية قبل الموقف الجديد على قمتها شركة bmw احمد موسى شارع 45 بحرى تالت شارع يمين نازل من البحر .سعر 65كويس لو العربية بتتعامل مع الضمان غير كدة 60لان هاى لاين ب65..وتكشف فى التوكيل علشان لوفيها حاجة ايرباج مثلا ينزل10الاف من تمنها ومش حتعرف لان اللمبة ببتشال بالكمبيوتر واللعب فى العدادت كتير وصاحبها بيشتغل اية ليكون تاجر او شاب مفترى ... الكشف فى التوكيل كل يوم ماعدا السبت الى الساعة 5مساء وبلاش يوم سبت الشغل اى كلام
زي ما الأخوة قالوا .. حاول تبعد عن 2005 و شوف ملحق 2007 أو 2007 أحسن إن شاء الله..
بس لازم تكشف عليها يا في التوكيل أو في مركز صيانة رينو أمين
توكيل سموحه ده لازق في شركه لورد
علي الترعه
خلي حديقه الحيوان علي يمينك و امشي علي طول في اتجاه الترعه و اسقل هناك ميت واحد حديلك بس يوم الجمعه ما اعتقدش انهم شغالين
اولا بالتوفيق -- اول ماتشوف العربية بص علي الازاز الامامي من الناحية الشمال تحت قرب المساحات هتلاقي
استيكر علية بار كود و سيريال نمبر دا vsn او تاريخ صيانة العربية و ساعتها ممكن تروح اي مركز خدمة معتمد تعمل تشك علية هيطلعلك كل الداتا بتاعت العربية و تاريخ الصيانات و اخر صيانة عملتها العربية و منها تقدر تعرف مدي الالتزام بالصيانة
و الله يا اخي
انت لو كنت في السويس -- كنت اديتك عربيتي -- هاي لاين كاملة بمحدد و مثبت السرعة و الفرش الجلد و البانوراما -- و كمان هي انتاج 10/2006 و ملحق ترخيص 2007:nosmile:
علي فكرة كل انتاج النص التاني من 2006 هو الماتور الجديد و الفتيس dpo+
أنا ها رد عليك بعد اذن الإستاذ عبد الله
أولاً، التوكيل فى سموحة ورا مصنع لورد فى وش كبرى التجنيد لو انت جاى من ناحية نادى سموحة أو لو حتخش من ادام مطار النزهة، عدى السكة الحديد و خش يمين، يعنى تخلى ترعة المحمودية على شمالك و خش أول يمين تانى هتلاقى مصنع لورد على شمالك ووراه بوابة التوكيل
ثانياً، الميجان باختصار فيها شكلين قديم وجديد:
الشكل القديم، شبكة العربية من قدام بتبقى الريش عدلة موازية للأرض و الفاوس اللى ورا اشاراتة فى داخل شكلها دائرى أم الشكل الجديد فريش الشبكة مائل و الفانوس ورا اشاراتة عدلة
أما الفئات، فهة 3 فئات:
الفئة الأولى، ودى فيها كل حاجة ماعدا الإضفات اللى فى الفئات التالية
الفئة التانية، ودى بيزيد فيها الجنوط اسبور ومريات ضم و4 وحدات رفع و تكييف تاتش و مثبت سرعة بس الكلام ده فى 2008، أما الموديلات الأقدم مش هتلاقى بعض الحجات دى فى جميع فئتها، يعنى مثلاً 2006 مفيهاش التكييف التاتش
الفئة التالتة و دى الهاى لاين، ودى بيزيد عليها، عن الفئة التانية، فتحت السقف البانوراما
نصيحتى ليك أول متخش على التوكيل و انت معاك صاحب العربية خلي التوكيل يديك بيانات الصيانة و مواعيدها قبل متدفع مليم للكشف، و زى ما الإخوة نصحوك لو لقيت العربية مش عملة صيانات ابعد عن العربية دى و متستعجلش، دور براحتك، الميجان عربية محترمة جداً بس عايزة اللى يحترمها
بس يا أستاذ رجائي أنا شفت عربيات ميجان 2006 فيها تكييف تتش ... غالباً بتبقى الملحق ولا دة ممكن يكون تعديل على اللي نزلت بيه؟
شوف حضرتك الاعلان دة
http://www.fabreka.com/usedCars/Used...362561&CatID=1
.
التكييف التاتش موجود في كل فئات الميجان علي فكرة ماعدا الفئة الاولي من اول 2005 - ثانيا : مثبت و محدد السرعة و البانوراما موجود في العربيات الهاي لاين من اول انتاج 10/2006 - انا شخصيا عربيتي هاي لاين كاملة بالمحدد و المثبت و فتحة السقف و الفرش الجلد الاصلي فرولكس و الجنوط 16 انش الشكل الجديد - و هي اصلي و دي كانت دفعة محدودة التوزيع في 2006-اول 2007
و العربية علي فكرة لا تختلف عن 2008 في اي شيء ماعدا الاضاء البيضاء و الشبكة و الاكصدام الامامي- هو نفس الماتور و الفتيس DPO+ -:wink14:
اننى سعيد برد الاستاذ رجائى وهو اكثر منى معرفة بالانواع وكمالياتها .. وانا اؤيدة فى الرائ بان تكون العربية بتعمل صيانتها فى التوكيل.. معلومة جديدة للتاكد من عدم تغيير البربريز يوجد علية ارقام وحروف فى جهة الشمال اسفل المساحات وتحتهم 0006 او0007 اى سنة الصنع بمعنى 006 موديل 2007 والرقم دة موجود على جميع النوافذ من اسفل.. ةالله الموفق
متبعدش قوي كده في الموديل ، 2005 بعيد وكانت لسه الميجان مشاكلها كتيرة .. خليك بعد 2007 .. من 2008 وانت طالع
اسمع كلامي ابعد عنها
انا كل اللي اعرفهم عندهم ميجان بيعيطو
اللهم قد بلغت
ممكن اعرف اية مشاكل العربية مع حضرتك
لاني معايا العربية 2006 راكبها 14 شهر و معنديش فيها مشكلة نحمد الله الا كانت علبة البيئة و عملتها
- مع العلم اني بغير العربيات بشكل سريع و معايا برضوا اوكتافيا a4 2005 وحاسس ان الميجان ادائها ممتاز و الامان تستحق علية 5 نجوم
الف شكر للاساتذة اللى كتبولى وفعلا لو حصلي نصيب واشتريت العربية هيكون راجع لفضلهم ولتعاونهم