بفكر اجيب ميجان

**hishammb** · 12-11-2011 11:24 PM

السلام عليكم
بفكر اجيب ميجان ٢٠٠٥
ايه رايكو فيها و ايه العيوب و استهلاك البنزين عامل ايه
و قطع الغيار اسعارها معقول ولا لا

**egyptiandiver** · 12-11-2011 11:50 PM

لو عاوز تعرف عن قطع غيار مجان إدخل على رينو و شوف الدنيا فيها إيه؟ بنسبالي العربية وسيلة إنتقال أساساً، لكن الميجان عربية جميلة... و أنا بحب شكلها بجد بس إلي أعرفو عنها انها مش كل فني يعرف يذبطهة صح. و كمان مليانة sensors و دي تمنها غالي و كل مدة الحساسات دي تضرب و إدفع يا مدير كبير. أنا رأيي لو حضرتك تقدر تصرف عليها صح إتكل على الله. الدليل على كلامي إن الميجان تمنها بينزل بشدة فالمستعمل. لو عاوز حاجة اعتماديتها أكبر ممكن لانسر موديل حديث تكون إختيار أحسن. ربنا يعمل لحضرتك الصالح - أحمد سامي

**hishammb** · 13-11-2011 12:06 AM

لكن انا طبيعه شغلي كل يوم علي الصحراوي فا بحتاج عربيه يكون فيها شويه امكانيات و تكون مريحه في قاعدتها
انا كان معايا كليو قبل كده عربيه جميله و اقتصاديه جدا بس مش مريحه في السفر
البومه عربيه جميله
بس صعب تلاقي منها مستعمل حالته كويسه
ربنا يقدم اللي فيه الخير ان شاء الله

**kar!m** · 13-11-2011 12:12 AM

الميجان عربية تحفة .. بس الحالة ثم الحالة ثم الحالة .. و اوعى متكشفش فى التوكيل.

بس تكييفها أداؤه متوسط.

**Qmax** · 13-11-2011 01:50 AM

عجبتني الشاريد اشتريتها مفيش حد الا اما كرهني فيها والحمدلله لم أتأثر بكلام الناس اللي مش فاهمه او ليس لها سابق تجربه مع الديهاتسو عموما أو خصوصا الشاريد والعربيه اللهم لك الحمدوالشكر عمرها مازعلتني ابدا ولفت نظري جدا الكلام عن الرينو وده شدني للماركه دي وخصوصا الميجان
كنت كل مااسأل حد عن سياره اعتماديه يقولي كذا اقول ليه يقولي قطع غيارها رخيصه وتلاقيها في اي حته طيب انا هااعمل إيه بالرخيص مادام انا معايا عربيه مش بتحتاج قطع غيار كتير ولو احتاجت بتكون اعتماديه ومُعمره ؟
هل فعلا الميجان مظلومه ولا انا عشت تجربه مختلفه حسستني انها مظلومه بسبب ثقافة المستهلك او المستخدم ؟

**superplanner** · 13-11-2011 02:23 AM

صباح الخير صحبي
الميجان من العربيات اللي تعتبر تحفة فنية - العربية مصنفة كلاس a في وسائل الامان و السلامة و بيسموها في فرنسا و المانيا القلعة الخرسانية - العربية دي مظلومة بسبب التخاريف اللي احنا عملناها حواليها - و هي عربية ذات احترام و برستيج يقارب الbmw و المرسيدس e200
قطع الغيار متوفرة و باسعار تكاد تكون اقل من الكوري او الياباني
بالنسبة للحساسات نادر جدا ما تعاني من مشاكل فيها - معظم مشاكل العربية تتركز في الجيربوكس الخاص بالموديل 2005 و تم تلافيها في انتاج الربع الاخير من 2006 باستخدام الجيربوكس dpo + و اللي اتزودت بية كلا من البيجو ستروين و فولكس
النصيحة الغالية تلافي موديلات 2005 و ما تحت لانها في الحالة دي بتبقي ابخات
و علي فكرة بقي في ناس كتير بتشتغل فيها و انا شخصيا اعرف دكاترة ميجان في المعادي و الحرفيين

**shawkylotfy** · 13-11-2011 03:24 AM

متفكرش .... الميجان فيها عيبين 1. فيتسها الاوتوماتيك مش بيستحمل.. 2. تكيفها مع الحر الشديد زى قلتة ...

**abdo_2812** · 13-11-2011 03:33 AM

تفكيرك في محله :)

بس ابدأ من موديل 2006 ملحق 2007 (الشكل الجديد) فيها بعض قطع الغيار بس ذات اعتمادية أعلى، وأهم شيء الحاااااااااااااااالة ثم الحالة ثم الحالة وربنا يوفقك

لكن ماتصدقش أي حد يقولك نص كلمة أكتر من كده في عربية مش متهانة :)

**hishammb** · 13-11-2011 08:33 AM

المشاركة الأصلية كتبت بواسطة kareemz

الميجان عربية تحفة .. بس الحالة ثم الحالة ثم الحالة .. و اوعى متكشفش فى التوكيل.

بس تكييفها أداؤه متوسط.

انا معايا كورسا ذي حضرتك
بالنسبه للتكييف هو اقل من الكورسا ولا زيها

**hishammb** · 13-11-2011 08:36 AM

الف شكر للناس اللي علقت علي الموضوع
يعني افهم من كده اني اجيب من ٢٠٠٦ و انا طالع
بس التكييف لو زي الكليو يبقي مشكله
انا معايا كورسا و تكيفها تلاجه بمعني الكلمه و مش حقدر اركب حاجه اقل منه انا من النوع اللي بيشغل التكييف ليل و نهار