صوت المطبات وتأثرها عالعربية عالى جدا

**ahmedebian77** · 13-11-2011 08:18 PM

احس بالمطبات وخاصه عين القط اللى فى الطريق وبسمع صوتها فى العربيه من تحت زى ما يكون فى حاجة حديد سايبة بتخبط فى بعضها (العجل او الاكصدام او القنطرة بيتهز مش عارف بالضبط) يا ترى هو ده من ايه انا جربت طرق قلى عليها المهندس احمد بش مش جايبة نتيجة افيدوتى يا ملاك الشيرى A15 شكرا

**elpasha1** · 13-11-2011 09:32 PM

ربط العفشة وغالبا هتحتاج كاوتش ميزان يعنى الحسبة كلها 30 او 40 جنية وتلاقى العربية زى الفل
وابقى ادعيلى

**elpasha1** · 13-11-2011 09:33 PM

ربط العفشة وغالبا هتحتاج كاوتش ميزان يعنى الحسبة كلها 30 او 40 جنية وتلاقى العربية زى الفل
وابقى ادعيلى

**ahmed2801** · 14-11-2011 11:14 AM

السلام عليكم/
ازيك يا أستاذ/أحمد بقالنا زمان ما سمعناش صوتك
هى المشكلة لسة ما تحلتش ؟؟؟- على العموم غير جلب المقصات بتاعة ماتسوبيشى لانسر عند عفشجى نضيف وخراط نضيف وربط على العفشة ولو ما تعرفش حد تعالى عندى ف عين شمس عفشجى جدع نتفق على ميعاد ونروح مع بعض

**ahmed2801** · 14-11-2011 11:34 PM

المشاركة الأصلية كتبت بواسطة ahmedebian77

السلام عليكم ازيك يا باشمهندس والله انا آسف على التأخير فى الرد وكل ستة وانت طيب دلوقتى الاستاذ الباشا بيقول اركب كاوتش ميزان وحضرتك بتقوللى جلب مقصات يا ترى اعمل ايه
و شكرا

هو العفشجى ح يبص على العفشة كلها لو محتاجة كاوتش بس ح يركبة ولو محتاجة اى حاجة تانية ح يعملها انا كنت بقول رايى الشخصى لكن الرأى الفنى له الاولوية وده اللى ح يحدده العفشجى ولا انت شايف اية

**Chery_fulwin** · 19-11-2011 03:08 PM

انا كان عندي تخبيط جامد من قدام بالمطبات وحتى بحفر الصغيرة غيرت مساعدين القدام بمساعدين مايلي الماني بتاع جولف 3 وريحت دماغي

**ahmed2801** · 22-11-2011 11:25 PM

المشاركة الأصلية كتبت بواسطة tarek_sayed

السادة الأفاضل شكرا لكم جميعا علي التعليقات المفيدة لكن مشكلة صديقنا الأخ احمد صاحب الموضوع هي مش العفشة تحديدا لأنة بيحس بالتخبيط في المطبات الصغيرة وتحديدا عين القطط دة يعني انة مش جلب مقصات دة ممكن يكون فية خلل معين في مجموعة الطنابير او تيل الفرامل مش ممسوك بالمسامير او السوست بتاعتة كويس وعلي العموم دة اجتهاد مني لأن العفشة بالذات لازم تتسمع صوتها وتتجرب....شكرا

اسمح لى يا استاذ/طارق اختلف معاك - مشكلة الاخ احمد فى العفشة لان العفشة (التعليق) وهو العلاقة بين الشاسيه والعجل واى خبط فى العجل او الشمعدانات ح يسمع من العفشة سواء جلب او كاوتش مقطوع اوطنابير مفكوكه او اى حاجة سايبة او محلوله او اى شيئ من هذا القبيل ولازم يتكشف على عفشة العربية من الامام بالكامل ومن عفشجى صنايعى كويس وعنده ضمير
وتقبل تحياتى