الموضوع: ماتش مصر و البرازيل هيتذاع فين؟؟؟

المشاركة الأصلية كتبت بواسطة CryptonX

معتقدش نهائي ان العيب بكان في برادلي .. او حتى لو العيب فيه دي اول مباراة صعب نحكم عليه و اختبار تقييييييل جدا

على فكرة حسن شحاتة كان بيعك كتييييييييير ساعات كتيييييير بس اللعيبة بيبقى عندها روح وبتحاول تعمل حاجة حتى لو في مشكلة تكتيكية .. بس امبارح هما كانوا عبارة عن "اقماع" متحركة لتدريب شباب البرازيل مش اكتر.

يا كريم طبيعي جدا ان البرازيل تهزمنا وتلعب احسن مننا
لكن امبارح مافيش اي تمريرات بتكمل لمصر
زي ما يكونو فريق مركز شباب كفر الشلشلمون .... مش منتخب حامل لقب بطولة قارية
حتى الفرص بتاعتنا كلها هجمات فردية عنترية
انا شايف ان منتخبنا الاولمبي ومنتخب الشباب المفروض هما اللي يلعبوا باسم مصر مع وجود 3 كبار مثل احمد حسن وتريكة حسني وفتح الله كعناصر خبرة في الاول فقط لحين اكتسابهم الخبرات الكافية
لكن باقي الجماعة التعبانين دول ..... شكرا لما قدموه خلال ال10 سنوات الماضية وابقو طمنونا عليكو بالتليفون
شيكا ..... مزاجه مش ولابد ومش رايق ومش بيحب يلبس رقم 18 وبيتشائم من قطر و....حاجة تقرف
زيدان .... خارج الخدمة ونسي الكورة اساسا ومش عارف الاهلي عاوز يشتريه ليه .... ده فيه احسن منه ف العتبة
وائل جمعة ... كفاية اوي عليه اللي عمله في ال15 سنة اللي فاتت .. شكرا
احمد فتحي .... بيجري بس
حسام غالي ..... علامة استفهام كبيرة
عماد متعب .... كان بيلعب مباراة تانية وما افتكرش انه لمس الكورة
ابراهيم صلاح .... مشغول بيفكر ح يتخانق مع مين لما يرجع الزمالك
اللعب الجماعي ...... هه ..... قول تاني كدة
...
بصراحة فريق غير مشرف للكرة المصرية
وبرادلي اساسا لسة بيحاول يفهم لغز الانسان المصري الاعجوبة وبيستغرب ازاي شحاته كان بيتفاهم معاهم ..... دول ناس عجيبة .... تصور بياكلو من غير شوكة وسكينة ..... وتخيل ان محدش منهم عنده كلب ...... الناس دي عايشة ازاي