السلام عليكم..
بدور بقالي فترة على رينو ميجان مستعملة و مش لاقي حاجة نضيفة لغاية دلوقتي .. ياريت لو حد يعرف معارض محترمة بتشتغل في الرينو المستعمل و الميجان بوجه الخصوص يبعتلى نمرة المعرض.
جزاكم الله خيراً
محمد
عرض للطباعة
السلام عليكم..
بدور بقالي فترة على رينو ميجان مستعملة و مش لاقي حاجة نضيفة لغاية دلوقتي .. ياريت لو حد يعرف معارض محترمة بتشتغل في الرينو المستعمل و الميجان بوجه الخصوص يبعتلى نمرة المعرض.
جزاكم الله خيراً
محمد
ربنا يوفق حضرتك وتلاقي معرض كويس بإذن الله
طب الوكيل مش ممكن يكون عنده موديل قديم زي 2010 وبيبيعه بسعر مخفض ؟
متشكر لحضرتك عل الرد
بس أنا بدور على موديل 2006-- 2008 لأن دة اللي ينفع أجيبه بالميزانية اللي حاطتها
أنا هرد عليك بعد اذن الاستاذ هيما،
التوكيل بييع عربيات للعملاء اللى عايزين يبدللوا عربياتهم بحاجة جديدة، يعنى مثلا واحد معاه ميجان و عايز يبعهلهم و ياخد منهم فلونس جديدة، بيتمنه الميجان و يدفع الفرق
وفعلا التوكيل انضف حاجة ممكن تشترى منة بس للأسف نادرا لما تلاقى عنده لأن عملية الاستبدال بتبقى مع استلام الدفعات الجديدة يعنى كل فين و فين
بص أنا أنصحك انك ما تستعجلش، لأن أنا استعجات و جبت من الميكانيكيون العرب ولبست (وبالمناسبة ده مركز معتمد بس مش التوكيل)
رقم أحمد طعيمة: 0101675136
والله من رأي ابعد عن التوكيل مش بيعملوا حاجة لله في لله الا من رحم ربي
استنى شوية وانته هاتلاقي حاجة نضيفه لوحدك كده بس سيبها على الله بس مش تستعجل
شكرا ع المتابعه هدف الواحد في المنتدى انه يساعد اي حد زي ما في اوقات الواحد بيتزنق
انا صاحبي ما رحش استبدل و له حاجه هو اشترى رينو ميجان و ربنا الحمدلله كرمه و في كمان في المستعمل نظام قسط ممكن يتصل بيهم و تسال مش هتخسر حاجه وربنا يقدم الي فيه خير يارب و يرزقك بسياره رينو ان شاء الله تكون وشه حلوه عليك
تحياتي
لو حضرتك بتدور علي ميجان ممكن تتصل بيا علي 01007150037
انا ببيع مجنتى بسعر كويس هى بس عايزة فتيس لان الفتيس الى فيها فية مشكلة سعات فى الزحمة بيجيب الاول بهبدة .. على العموم انا بيبيع بسعر كويس 0166036201
جزاك الله خيراً أستاذ رجائي .. ربنا يكرمك
الأمر لله من قبل ومن بعد ... وربنا يرزق إن شاء الله بحاجة كويسة
جزاك الله خيراً ...
وشكراً على دعائك الجميل ..
تم الرد على الخاص .. جزاك الله خيراً يا أستاذ أحمد على الاهتمام
جزاك الله خيراً يا أستاذ شوقي ... بس أنا الحقيقة مش عايز أشتري عربية فيها مشاكل ... موفق في البيع إن شاء الله
جزاك الله خيراً... على كدة بقى أسعار البيع عندهم أعلى من سعر السوق ... طيب حضرتك ممكن تقولنا صاحبك اشترى العربية بكام و موديله و فئتها و الكيلومتر لما اشتراها؟
حكاية الضمان دي ممتازة طبعا... أنا ححاول أكلمهم بكرة الصبح و أشوف عندهم حاجة معروضة ولا لأ..
متشكر على المعلومات الهايلة دي يا أستاذ إبراهيم
مفيش اي حاجه ده واجب الواحد ويارب ان شاء يرزوقك بعربيه كويسه ان شاء الله
هو صاحبي اشترى ميجان كوبيه 2008 ةكانت ماشيه 30000 الف وحالته كانت حلوه جدا لاني سقتاه و كمان قالوا في الوكيل لو ليك ملاحظات العربيه ممكن نعالجهلك وكانت تقريبا 140 الف
بس انا فاكر انه قالي كان في ميجان و فلوانس مستعمل هو احسن حاجه حضرتك كلم احمد طعيمه و اعرف هل عندهم ميجان ولا ايه
تحياتي
ربنا يكرمك يا أستاذ رجائي ويكرم الجميع ... أنا مش مستعجل :)
أنا على العموم كلمت الأستاذ محمد من شوية وهو قاللي معندهمش دلوقتي ميجان بس جايله يوم الحد القادم ميجان 2008 مانيوال بس عاملة 90ألف كم وبيقول ممكن يديهاللي على 76 ألف...
الرقم حاسسه كتير والعربية ماشية كتير قوي على تلات سنين أربعة بالكتير ... الهاي لاين الأوتوماتيك 2008 بيتباع على 75-80 ألف وأقل أحيانا لما المالك بيزهق وميلاقيش حد يشتري ... ربنا يكون في عون الناس اللي تضررت من الاشاعات
المهم سألته على الضمان و التقسيط .. قاللي من بعد الثورة الكلام دة كله وقف ... كانوا بيعملوه بس خلاص مفيش دلوقتي تاني.
~ محمد
لا 76 ألف كتيييير جداً على 2008 مانيوال حتى لو الفئة التانية، بس 90 ألف كيلو ده مش كتير على 2008، المهم ان تكون فعلا حالتها كويسة ومش متبهدلة، ولو كدة العربية دى تمنها هيكون فى حدود 70 ألف ده لو فئة تانية أما لو فئة أولى أكيد التمن هيبقى أقل، ومن الأخر اصرف نظر عن العربية دى لأنك لو فاصلت مع التوكيل بيكلموا فى ألف جنية بالكتير، و استنى عليهم شوية، ان شاء الله يكون خيرها فى غيرها
دة هو كان قالي 78 في الأول وبعد كدة نزلهم ل76 على أساس أن كدة تبقى لقطة :) .... هههه
أنا قدامي كذا عربية كان المفروض حنزل أشوفهم بس شكلي كدة حستنى شوية عشان كله أوتوماتيك وأنا الصراحة مش بحب الأوتوماتيك ... المانيوال بيخليك تحس أنك بتتكلم مع العربية صحيح في مصر السواقة مقرفة والمانيوال متعب بس المانيوال بيخليك تحب عربيتك حتى لو كانت مطلعة عينك :)
الموديلات الجديدة نازلة أهو و السوق حيتملي مستعمل عشان اللي عايزين يبدلوا ... أنا حستنى شوية والأسعار حتنزل إن شاء الله و أجيب حاجة كويسة بسعر معقول..
جزاك الله خير يا أستاذ رجائي على الإهتمام والمساعدة
~ محمد