أحسن مكان لشراء مازدا 3 زيرو

**Mahmode** · 15-11-2011 09:36 PM

طيب محمود هو السيفيك بيزك بكام ؟
واضح من كلامك انك حابب السيفيك

لو مش فارق معاك هاى لاين جيب سيفيك بيزك زيرو او فانتازيا بيزك زيرو

نصيحة الزيرو زيرو مهما كان

الا لو انت هتشترى عربية حد انت عارفه ولظروف عايز يبيعها
انا مش بقلقك من المستعمل بس انا بخاف الصراحة
خصزصا المبلغ كبير مش صغير

السيفيك بيزك زيرو بـ 158 والفانتازيا مش متأكد بس أغلى. بس أنا عاوز هاي لاين الصراحة عشان أنا مش باغير العربية إللى كل 5+ سنين فا عاوز عربية مبقاش محتاج أبص برة معاها :). فا حابتدي أشوف فانتازيا مستعمل هاي لاين. يعني حاشوف واحدة كمان شوية ماشية 24ألف.

**himaz** · 16-11-2011 03:08 AM

المشاركة الأصلية كتبت بواسطة mahmode

السيفيك بيزك زيرو بـ 158 والفانتازيا مش متأكد بس أغلى. بس أنا عاوز هاي لاين الصراحة عشان أنا مش باغير العربية إللى كل 5+ سنين فا عاوز عربية مبقاش محتاج أبص برة معاها :). فا حابتدي أشوف فانتازيا مستعمل هاي لاين. يعني حاشوف واحدة كمان شوية ماشية 24ألف.

هههههههه حلوة مابصش برة حلو قوى التعبير ده
زى الجواز بالظبط اللى لحد دلوقتى ملقتشى بنت الحلال اللى ما ابصش برة هههه

فى الحالة ده
بص يا باشا انا رايى توكل على الله وجيب مازدا للاسباب التالية:
زيرو مبدايا نفسيا ليها طعم تانى خالص غير انك جبت مستعمل

من مصدر تمام ضمان انها مفيهاش اى مشكلةاو خبطة او اى حوار وده عادى ممكن يحصل لو حتى العربية مكملتشى 5000 سواء يكون صاحبها بهدلها او غصب عنه حصل حوار وكروته وبيبييع عادى
المازدا عربية يابانى 100% مش اى كلام
انك هتجيبها بسرعة وباللون الخارجى والداخلى الللى انت عايزه من غير تعب دماغ
شكلها مش هقولك اشيك بس هيا اجدد و اكتر شبابية

الحل التانى مميزاته
الفانتازيا عربية تمام قوى بس مش سهل تلاقيها بسرعة لو انت مش مستعجل وخصوصا انك عايزها هاى لاين
هتجيب اى لون والسلام
لو فيها اى عيب صغير هتضر تقبل بيه وخلاص
ميزة بس ان سعرها هينزل عن سعرها زيرو شوية

وفى الاخر جرب دى و جرب دى واسال هنا واسال هناك
وقارن بين كماليات دى و دى
وحجمهم
وكل حاجة
واسال فى القسمين عن مميزات والعيوب

وربنا يوفقك للاختيار السليم
ان شاء الله