مطلوب مساعدة مهندس / طارق زويل

**malihelal** · 14-11-2011 11:58 PM

الاستاذ طارق زويل
السلام عليكم ورحمة اللة وبركاتة
انا عندى لانسر اوتوماتيك موديل 2007 وعايز اعمل صيانة ال 80 الف فى مصرية
يوم الاربعاء 16-11
واسكن فى مدينة نصر
حاولت اكلم فرع جسر السويس و ماردوش على كلمت فرع قليوب قالولى شرف فى اى يوم الساعة 8 صباحا بدن حجز
اولا عاوز اعرف هل هذا الكلام صحيح ولا لازم حجز مسبق
ثانيا هل هذا يسرى ايضا على فرع جسر السويس
ثالثا اذا كان ممكن اروح جسر السويس هل يمكن الحصول على استيكر المنتدى من هناك
برجاء الاهتمام و سرعة الرد لانى اجازة يوم الاربعاء وصعب اخد اجازة ثانية
وجزاك اللة كل خير
م / محمد على

**مصراوي جدا** · 15-11-2011 09:12 AM

اهلا وسهلا بيك يا باشمهندس محمد

هو فعلا فرع قليوب بدون حجز انما يفضل الحضور بدري (من 8-10 ص) خاصة لو الصيانة تقيلة زي صيانة التمانين ألف

اما فرع جسر السويس ما زال بالحجز

تم تغيير نظم الخصومات في الفترة الحالية وجاري تعديلها وعمل كارت خصم للعملاء الدائمين (يعني استيكر المنتدى مش هيفيد في فرع جسر السويس ) انما لو حضرتك شرفتني المركز الرئيسي في قليوب هيكون فيه خصم باذن الله

تليفونات جسر السويس شغالة بس ربما صادفت محدش رد لأي سبب

**ma7oo** · 15-11-2011 11:31 PM

باشمهندس طارق حمدلله على سلامتك....كنت عاوز اسال حضرتك انا معايا شارك 2009 وعملت صيانة الالف فى قليوب هل اجى اعمل صيانة ال10000 فى قليوب عشان انا سمعت انلازم دفتر الصيانة يتختم من التوكيل الاصلى ؟؟؟ وهل قطع الغيار لسه اصلية لانى سمعت كلام كتير على الموضوع ده ؟؟؟

**مصراوي جدا** · 16-11-2011 11:42 AM

المشاركة الأصلية كتبت بواسطة lancar

مهندس / طارق

حمدلله علي سلامتك والحقيقة كنا مفتقدينك طول الفترة الماضية لعلك بخير وبصحة جيدة

استاذنك هل يوجد زيت فتيس السي في تي الاصلي الياباني في توكيل مصرية وهل هو متوفر في اي وقت او لا .. وشاكر افضال حضرتك وبارك الله فيك .........

الله يسلمك والف شكر لك
زيت فتيس cvt ميتسوبيشي الأصلي موجود في المركز الرئيسي في قليوب وسعر اللتر 55 جنيه وبنجيبه باذن الله بشكل دوري نظرا لأهميته

المشاركة الأصلية كتبت بواسطة ma7oo

باشمهندس طارق حمدلله على سلامتك....كنت عاوز اسال حضرتك انا معايا شارك 2009 وعملت صيانة الالف فى قليوب هل اجى اعمل صيانة ال10000 فى قليوب عشان انا سمعت انلازم دفتر الصيانة يتختم من التوكيل الاصلى ؟؟؟ وهل قطع الغيار لسه اصلية لانى سمعت كلام كتير على الموضوع ده ؟؟؟

الله يسلمك
العربيات اللي في الضمان موديلات 2010 وما قبلها ممكن تعمل الضمان عندنا في مصرية او في دايموند موتورز لأن ما زالت علاقتنا مع اليابان مستمرة في الضمان ومطالبات الضمان للعربيات المباعة عن طريقنا موديلات 2010 وما قبلها
وبالتالي لحضرتك الخيار تعمل صيانة العشرة آلاف عندنا في مصرية او عند التوكيل الجديد دايموند موتورز لأنهم بالتأكيد بيقبلوها

اما عن قطع الغيار عندنا في مصرية فهي فقط اصلية وده مبدأ هام عندنا وبنجيبها من بعض دول الخليج والحمد لله الأسعار منافسة