أخيراااااااً لقيت درجة الفامية اللى كنت بدور عليهااااا

**semsemrotana** · 15-11-2011 08:54 AM

السلام عليكم ورحمة الله وبركاته

أزيكم ياأحلى أعضاء فى أجمد منتدى سيارات دايماً يارب كلنا متجمعين وعلى نايل موتورز متوجدين ويارب السنة الجاية كلنا نحقق كلنا اللى بنتمناه وبنحلم بيه
مش عاوز اطول عليكم لان بصراحة انا لولا المنتدى هنا ولولا أجمل وأحلى أعضاء فيه مكونتش عرفت حاجات كتييييييييييييير كانت وقعة مننى فى عالم السيارات
المهم بقا أنا الحمدلله بعد لف فترة كبيررررررررة ونزول كذا مرة وادور على درجة فامية فاتحة شوية أوى الى حد ما اللى هييا l.l.black الحمدلله قدرت اوصل لرقم محل محمد أبراهيم فى التوفيقية وكلمتهم أمبارح ولقيتها عندهم وروحت ليهم وأنا راجع من الشغل ولاقيتها فعلاً موجودة وكان أخر 3 رولات فى المحل برة أخدتهم بصراحة وقولت من هايخسروا لان العربية بتاخد رول ونص تقريبا قولت أعمل حساب الزمن وأن شاء الله فى اقرب وقت هنزل اركبه بأمر الله
وفى حاجة يا جماعة كمان لاقيتها هناك بس بصراحة مقدرتش أقف واشوفها لان كنت مستعجل وجاى متاخر من الشغل موجودة عنده فى المحل فامية حرارى على كلام كل اللى واقفين هناك فى المحل سالتهم قالولى الرول تقريبا عامل 65 جينيه عرضه 50 سم فى طول 3 متر أنا حبيت أقولكم على الموضوع للى بيدور وعاوز يعرف مكان فيه فامية حرارى يروح ويسأل ويشوف ويمكن يطلع هو اللى كل الناس بتدور عليه
يارب أكون أفدتكم وأكون قدرت اوصل ليكم أو أقصر عليكم مشوار كبيييييييير من اللف والتدوير والبحث

**MohssenRashed** · 15-11-2011 09:17 AM

الف مبروك و عقبال التركيب ان شاء الله. بس متنساش تركب بالسوليفانه عشان الفاميه ميتخربش.

**wael ahmed** · 15-11-2011 09:34 AM

حضرتك جبت الرول بكام ؟ والدرجه دي اخف درجه علشان انا كنت مركب زيها بس رأيى ملهاش اى لازمه فى الشمس
والمشكله بقى ان الفاميه مع وقفت العربيه فى الشمس لونه بيفتح

انا عايز اركب درجه تكون اغمق درجه من اللى بتنزل فى الكيا كارينز ؟؟؟ حد عنده خلفيه اسمها ايه ؟
وياريت لو حد عنده خلفيه عن حد كويس بيركب استيكر وفاميه علشان عايز اعمل الكابوت اسود لامع وافيم العربيه؟؟؟
لان الاسعار عند ابراهيم استهبال بصراحه !!!!! كنت سألته على السقف بيعمله ب 250 جنيه !!!!!!!
وكنت مفيم عنده العربيه كلها 120 جنيه :) واحد صاحبى كان مفيم عنده ب 220 جنيه :)) بس فاميه ضد الخدش معرفش ده الحرارى بقى ولا لأ .... بس فعلا مكنش بيتخدش خالص :)
والف مبروك يا باشا وعقبال التركيب :)

**semsemrotana** · 15-11-2011 10:17 AM

[justify]

المشاركة الأصلية كتبت بواسطة mohssenrashed

الف مبروك و عقبال التركيب ان شاء الله. بس متنساش تركب بالسوليفانه عشان الفاميه ميتخربش.

الف شكرا على ردك وعلى نصيحتك وان شاء الله هاعمل كدا وانا بركبه

المشاركة الأصلية كتبت بواسطة wael ahmed

حضرتك جبت الرول بكام ؟ والدرجه دي اخف درجه علشان انا كنت مركب زيها بس رأيى ملهاش اى لازمه فى الشمس
والمشكله بقى ان الفاميه مع وقفت العربيه فى الشمس لونه بيفتح

انا عايز اركب درجه تكون اغمق درجه من اللى بتنزل فى الكيا كارينز ؟؟؟ حد عنده خلفيه اسمها ايه ؟
وياريت لو حد عنده خلفيه عن حد كويس بيركب استيكر وفاميه علشان عايز اعمل الكابوت اسود لامع وافيم العربيه؟؟؟
لان الاسعار عند ابراهيم استهبال بصراحه !!!!! كنت سألته على السقف بيعمله ب 250 جنيه !!!!!!!
وكنت مفيم عنده العربيه كلها 120 جنيه :) واحد صاحبى كان مفيم عنده ب 220 جنيه :)) بس فاميه ضد الخدش معرفش ده الحرارى بقى ولا لأ .... بس فعلا مكنش بيتخدش خالص :)
والف مبروك يا باشا وعقبال التركيب :)

اولا الف مليون شكر على رد حضرتك وكمان انا جبت الرول بـ 10 جينيه
ثانيا انا مش بدور على فامية علشان الفامية ويبقا لونه غامق انا بدور على درجة معينة فاتحة بدل ما شكل الازاز اقرع كدا وغبى وكمان متعمليش وجع دماغ مع قطاع الطرق ( اللجان والمرور )
وحضرتك انا جبت الرول التايوانى مش الصينى اللى حضرتك تقصده وافتح فى الشمس دا الصينى خد بالك وانتا بتشترى من كدا كويس
ثالثا لو حضرتك عاوز درجة أغمق شوية فى l.black دى فعلا اغمق شوية بس هتكون ظاهرة انك مركب فامية ودا بقا حسب انتا ومزاجك وفى كمان درجات تانى تحتها كتيييييير بس المهم ركز انه يكون تايوانى
رابعا ودا بقا الاهم اللى حضرتك تقصده دا تقريبا ابراهيم اللى فى شارع دمشق لاكن انا بتكلم على محل محمد ابراهيم دا فى التوفيقية منبع الجملة والاكسسورات والكمليات
خامسا لو حضرتك تحب تروح لحد تركب عنده فاميه واستيكرات فى محلات كتيييييييير وفى مناطق عادية وشعبية مش شرط تنزل دمشق او مدينة نصر الاهم من كل دا انه يكون صانيعى وفاهم شغله
ويارب أكون أفادتك وقدرت اوصلك المعلومة كويس[/justify]

**A.Saad** · 15-11-2011 10:45 AM

الحرارى اللى عنده
بنى ولا اسود واى درجة
وشكرا ليك

**semsemrotana** · 15-11-2011 10:56 AM

المشاركة الأصلية كتبت بواسطة a.saad

الحرارى اللى عنده
بنى ولا اسود واى درجة
وشكرا ليك

حضرتك والله انا مش لحقت اقف واشوف الوان ولا حتى اشوفه كويس انا يادوب لمحت علبة فامية مختلفة بقوله وايه دا ولا دا فامية حاجة تانية قالى لا دا فامية حرارى وبكذا ومقاساته كدا ممكن حضرتك تروح وتعرف منهم هما ناس محترمين جداااااااً

المشاركة الأصلية كتبت بواسطة ahmedaglan

الف مبروك ياباشا

الله يبارك فى حضرتك وشكرا على ردك