الموضوع: اخبار الفاميه و المرور ايه ؟

المشاركة الأصلية كتبت بواسطة elawany13

السلام عليكم ورحمة الله وبركاته
مع إحترامى لكل الآراء
وعليكم السلام ورحمة الله
لازم نحترم القانون حتى ولو معترضين عليه حتى ولو مش عاجبنا وعلى مزاجنا
وزى ما قولت القانون لازم يتطبق بصرامة وعلى الكل
الكبير قبل الصغير ويطبق على ضباط الشرطة والجيش والقضاه
قبل ما يطبقوه على باقى الناس

ومفيش مانع لو فيه حاجه فى القانون مش عاجبانا
نعترض عليها ونقول رأينا .... مش حاجة بقي لو القانون كله مش عاجبنا ومالوش لازمة اصلا
واغلبية الحوادث بتيجي من العربجية وسواقين الميكروباص والتريلات ..... اي حادثة ... اي حااااادثة وعلي الدايري بالذات لازم يكون طرف فيها ميكروباص او تريلا ..... والعربيات اللي نازلة 2012 دلوقتي كلها فامية .... اللانوس والفيرنا نازلين فاميه .... طيب البني ادمين اللي بره وبيعملوا اللي هما عايزين والقانون بيحاسبهم صح وبيلاخدوا غرامات صح مش عارفين انه غلط ...... عندهم كل حاجة ممكن تركبها (زينون زفامية وديفندرات ......... وعندهم الحوادث متجيش 1/100 من عندنا ... وحوادث مووووت حسبي الله ونعم الوكيل)
لولى الأمر ونحاول نغيرها بالطرق القانونية والتشريعية
ولكن بكرر لازم نحترم القانون سواء كان عاجبنا أو مش عاجبنا
وأطيعوا الله
وأطيعوا الرسول (صلي الله عليه وسلم)
وأولى الأمر منكم
(واللي كان بيخالف كان بيعاقب من قبل النبي عليه الصلاة والسلام او الصحابة رضي الله عنهم )
مش وسايط وياخدوا اتوات عيني عينك .... واللي نعهوش يمرمطوا اهله لغاية سابع جد ده ميبقاش عدل.

مش معقولة ياجماعة الخير
المبررات اللى بتقولها ديه
واحد عاوز الفامية علشان الخصوصية
مع إفتراض حسن النية

طيب بص للأدنى منك
بص للأخ اللى راكب موتوسيكل ومراته قاعده وراه وحاطط عيل ورا وعيل قدام فى عز البرد أو الحر
وفيه مطر نازل عليهم
ياترى ده قاعد فى خصوصية !!!!
الناس اللى واقفه على محطة الاتوبيس وبيتحشروا جواه
قاعدين فى خصوصية !!!
إسأل نفسك ياترى الناس ديه بتحلم بإيه فى الوقت ده
لازم يا اخوانى نحس بغيرنا
ونحمد ربنا على اللى احنا فيه
ربنا انعم عليك بسيارة محترمة
ليها ابواب وسقف وزجاج بتقفله عليك
وقاعد جوه بتتقلب فى نعمة ربنا عليك
وعندك تكييف أو حتى معندكش
ربنا رحمك من الزحمة ومن الحر ومن البرد
وعندك قدر كبير من الخصوصية
لعيلتك ولأولادك فى وسط الشارع
مش متوفر لغيرك اللى بيشاركوك نفس الشارع
والله نعمة الحمد لله ......... ومش هانعوز اكتر من كده ....... بس مش بعد ما طالع عنينا في الطريق الزحمة نتنفخ في المخالفات و ظلم الوسايط
ياجماعة إحمدوا ربنا
وأقنعوا بما فى ايديكم تكونوا أغنى الناس
متحسسونيش ان من غير الفامية مش هتقدروا تعيشوا
وهتموتوا من الحر ومن البرد
هوه فيه ايه !!!

تخوشنوا فإن النعم لا تدوم ( الفامية والزينون مش منظرة بس
الزينون علشان تشوف السهووول والتلاااال اللي بتتطلعلك مرة واحده في الطريق وانت ماشي
انا كنت ماشي مع واحد صاحبي وكنت ماشي قبليه ومولع النور ولبست نقرة العربية دبت فيها دبه ..... وهو ماشي ورايا قالي الزينون كاشفلي الطريق كله ماشاء الله )
والفاميه كذلك انا في الصيف ايدي كانت بتتلدع من الشمس بغض النظر عن التكييف بس ليه يعني .... ديه مش رفاهية .... محدش بيلبس جاكت في الشتا وتبقي رفاهية ولا حد بيلبس نضارة علشان يشوف وتبقي رفاهية)

يارب كلامى ميكونش زعل حد
ويكون خفيف عليكم
وفى النهاية كل واحد حر ما لم يضر
تحياتى للجميع

و حوار ممتع .... جزاك الله خيرا
اهو الواحد بيغيراللي جواه يمكن يكون الخير من هنا :))
اقعد بالعافية :))

المشاركة الأصلية كتبت بواسطة sonasteel

و حوار ممتع .... جزاك الله خيرا
اهو الواحد بيغيراللي جواه يمكن يكون الخير من هنا :))
اقعد بالعافية :))

المشاركة الأصلية كتبت بواسطة ser3a

كلامك ابدا مايزعلش
و علي راسي كمان
و يارب مصر تتعد كله بالقانون

المشاركة الأصلية كتبت بواسطة ahmedaglan

لا يصح الا الصحيح و اي حد قادر ان يمشي سليم ويثبت الفامية علي الرخصة يبقي زى الفل

المشاركة الأصلية كتبت بواسطة rompo10

ياباشا كلامك زي الفل ومفيش فيه اي غلطه وموضوع المساواه في القانون دي هاتتظبط بعد الرئيس الجديد ما يتولي الحكم ان شاء الله بس هو متاخر شويه عشان واقف في لجنه كان مفيم واللي عاوز يركب فاميه يركب في باب السائق واللي جانبه ولما يدخل علي لجنه نزلهم عادي

السلام عليكم ورحمة اللهوبركاته
أحبائى فى الله
أنا اللى بشكركم على إحترامكم ... وعلى روح الود فى النقاش الهادئ الجميل
بدون نرفزة أو عصبية وبشكركم على الإختلاف الراقى المهذب لأخوه فى قمة الأخلاق
أنا مش مختلف معاكم .... ومتفق معاكم فى جوانب كتيره
فعلا القانون فيه عوار شديد ونقائص كثيره لإنه من وضع البشر
فعلاً سواقين النقل والميكروباص والتوكتوك والموتوسيكل وبعض الملاكى وماشابه هم سبب معظم البلاوى على الطرق
بسبب الجهل والتخلف وتناول المخدرات وغيرها من المهازل

كل شيئ فى الوجود له إيجابياته وله سلبياته
الخمر أم الكبائر لها منافع للناس ولكن أثمها اكبر من نفعها
رمز الشر فى العالمين إبليس عليه لعنة الله أحيانا قليلة جدا بيرشدك اللى الحق والصواب
يبقى اكيد الزينون والفامية ليهم ايجابياتهم
ومش مختلف معاكم خالص فى النقطة ديه
نقطة الخلاف هيه انا شايف ان الإيجابيات اكثر من السلبيات
بس خد بالك مش اى حاجه مفيده فى اوروبا والخليج
تكون مفيده لنا فى مصر
كل بلد ليها ظروفها
علشان انت تشوف كويس
أنا أتعمى !!!!!
إحنا بصفة عامة كمصريين بنسيئ استخدام كل حاجه
بالطريقة اللى احنا بنتعامل بيها مع الزينون بدون عدسات والفامية سوبر دارك
شايف ان احنا نطالب بعد استقرار البلد طبعا
بتقنين أوضاع الفامية والزينون
الفامية يكون بدرجه فاتحه لا تعوق الرؤية
أو استخدام الفاميه الحرارى واعتقد ان مفهوش مشكلة خالص
غير انه مكلف جدا
ومش شيك زى الفاميه السوبر دارك

والزينون لازم يكون بمواصفات معينه وبعدسات علشان المهازل اللى بنشوفها فى الشوارع بعيال بتلعب بزينون ويعموا الناس ويتسببوا فى حوادث

وحتى نحصل على هذه الإقتراحات وموافقه الجهات المعنية
يجب علينا احترام القانون رغم ان فيه عوار شديد ومش عاجبنا
ومهما عملنا فى قوانين وعدلناها
ستجد أنا فيه ناس مش عاجبهم هذا القانون !!!!
حتى القرآن المنزل من عند الله عز وجل
فيه بشر كفار وملحدين مختلفين عليه
ومش عاجبهم والعياذ بالله

ويجب على أولى الأمر تنفيذ القانون بصرامه وبعدل وبدون تحيز أو رشاوى أو محسوبيات

ويجب ان نبدأ الإصلاح بأنفسنا
كل واحد يبص لنفسه أولا ويصلحها وبعدين دور على الضابط المفيم أو الواد الروش المسنود اللى مركب زينون

اللهم ولى من يصلح
اللهم أرنا الحق حقاً وأرزقنا إتباعه
وأرنا الباطل باطلاً وأرزقنا إجتنابه
وجزاكم الله خيراً