اقتباس المشاركة الأصلية كتبت بواسطة sonasteel مشاهدة المشاركة
و حوار ممتع .... جزاك الله خيرا
اهو الواحد بيغيراللي جواه يمكن يكون الخير من هنا :))
اقعد بالعافية :))
اقتباس المشاركة الأصلية كتبت بواسطة ser3a مشاهدة المشاركة
كلامك ابدا مايزعلش
و علي راسي كمان
و يارب مصر تتعد كله بالقانون
اقتباس المشاركة الأصلية كتبت بواسطة ahmedaglan مشاهدة المشاركة
لا يصح الا الصحيح و اي حد قادر ان يمشي سليم ويثبت الفامية علي الرخصة يبقي زى الفل
اقتباس المشاركة الأصلية كتبت بواسطة rompo10 مشاهدة المشاركة
ياباشا كلامك زي الفل ومفيش فيه اي غلطه وموضوع المساواه في القانون دي هاتتظبط بعد الرئيس الجديد ما يتولي الحكم ان شاء الله بس هو متاخر شويه عشان واقف في لجنه كان مفيم واللي عاوز يركب فاميه يركب في باب السائق واللي جانبه ولما يدخل علي لجنه نزلهم عادي
السلام عليكم ورحمة اللهوبركاته
أحبائى فى الله
أنا اللى بشكركم على إحترامكم ... وعلى روح الود فى النقاش الهادئ الجميل
بدون نرفزة أو عصبية وبشكركم على الإختلاف الراقى المهذب لأخوه فى قمة الأخلاق
أنا مش مختلف معاكم .... ومتفق معاكم فى جوانب كتيره
فعلا القانون فيه عوار شديد ونقائص كثيره لإنه من وضع البشر
فعلاً سواقين النقل والميكروباص والتوكتوك والموتوسيكل وبعض الملاكى وماشابه هم سبب معظم البلاوى على الطرق
بسبب الجهل والتخلف وتناول المخدرات وغيرها من المهازل

كل شيئ فى الوجود له إيجابياته وله سلبياته
الخمر أم الكبائر لها منافع للناس ولكن أثمها اكبر من نفعها
رمز الشر فى العالمين إبليس عليه لعنة الله أحيانا قليلة جدا بيرشدك اللى الحق والصواب
يبقى اكيد الزينون والفامية ليهم ايجابياتهم
ومش مختلف معاكم خالص فى النقطة ديه
نقطة الخلاف هيه انا شايف ان الإيجابيات اكثر من السلبيات
بس خد بالك مش اى حاجه مفيده فى اوروبا والخليج
تكون مفيده لنا فى مصر
كل بلد ليها ظروفها
علشان انت تشوف كويس
أنا أتعمى !!!!!
 إحنا بصفة عامة كمصريين بنسيئ استخدام كل حاجه
بالطريقة اللى احنا بنتعامل بيها مع الزينون بدون عدسات والفامية سوبر دارك
شايف ان احنا نطالب بعد استقرار البلد طبعا
بتقنين أوضاع الفامية والزينون
الفامية يكون بدرجه فاتحه لا تعوق الرؤية
أو استخدام الفاميه الحرارى واعتقد ان مفهوش مشكلة خالص
غير انه مكلف جدا
ومش شيك زى الفاميه السوبر دارك

والزينون لازم يكون بمواصفات معينه وبعدسات علشان المهازل اللى بنشوفها فى الشوارع بعيال بتلعب بزينون ويعموا الناس ويتسببوا فى حوادث

وحتى نحصل على هذه الإقتراحات وموافقه الجهات المعنية
يجب علينا احترام القانون رغم ان فيه عوار شديد ومش عاجبنا
ومهما عملنا فى قوانين وعدلناها
ستجد أنا فيه ناس مش عاجبهم هذا القانون !!!!
حتى القرآن المنزل من عند الله عز وجل
فيه بشر كفار وملحدين مختلفين عليه
ومش عاجبهم والعياذ بالله

 ويجب على أولى الأمر تنفيذ القانون بصرامه وبعدل وبدون تحيز أو رشاوى أو محسوبيات

ويجب ان نبدأ الإصلاح بأنفسنا
كل واحد يبص لنفسه أولا ويصلحها وبعدين دور على الضابط المفيم أو الواد الروش المسنود اللى مركب زينون

اللهم ولى من يصلح
اللهم أرنا الحق حقاً وأرزقنا إتباعه
وأرنا الباطل باطلاً وأرزقنا إجتنابه
وجزاكم الله خيراً