الموضوع: طلب غريب 128 ابارث

لبن العصفور زى محضرتك قولت كده بالظبط

انا عندى جنوط بتاع 128 ابارث بتاع الفابريكه ممكن تاخده وتجمع عليه عربيه ههههههه

بهزر معاك ربنا يوفقك فى واحده بس على فكره 80 % من اللى راكبين ابارث ميعرفوش انها ابارث ولا يعرفو يعنى ايه اصلا

فحاول تدور فى موديلات 76 و 77 وروح شوفها وشوف الشاسيه واكيد انت عارف الفرق بين العاديه والابارث

المشاركة الأصلية كتبت بواسطة mazagngi2010

هو ايه الفرق ياجماعه من باب العلم بالشىء؟

+350

دى النسخه الرياضيه من ال 128 من شركه ابارث المشهوره

يعنى زى ما فيه لانسر عادى ولانسر اسبورت كده مثلا :)
وفيه ناس بتقول عليها المانى وناس بتقول لا دى ايطالى

دى بقى كان الموتور بتاعها 1300 مش 1100 وازيد 5 او 10 حصان من الموتور العادى وتجميعه وسحبه رائع عن الموتور العادى
وبالنسبه للتابلوه كان يعتبر جديد بالنسبه لل 128 بس بعد كده نزل فى باقى العربيات اللى هو التابلوه البلاستيك المشهور
وكان فيها عداد rpm على التابلوه (طبعا حاجه سابقه عصرها فى هذا الوقت )
والصالون كله جلد مش عادى ولونه اسود والكراسى عليها خطين جلد احمر او اصفر حسب لون العربيه لانها كانت لونين فقط احمر واصفر
والكبوت من بره عليه خطين بالاسود
وجنوط اسبور المونيوم (طبعا بالنسبه لوقتها حاجه جميله جداااااا)
وطاره اسبور المونيوم وعليها علامه الابارث
وفيه منها بفوانيس شبوره شبه بتاعه الشاهين كده

ودى صور ليها

فيه كمان اختلافات صغيره فى الميكانيكا او العفشه مش حيعرفها الا اللى راكب العربيه دى
زى مثلا الاسبراتير كان مصنع لهذه السياره مخصوص وبعد كده فى التمانينات شركه لادا اخدت نفس تصميم الاسبراتير وبقى اسمه اسبراتير لادا

يعنى اللى معاه العربيه دى وعلى ابوه بدون تعديلات يركبلها ابلاتين وكوندنسر بتوع لادا

وكذلك بعض الاختلافات البسيطه فى العفشه زى البيضات بتاعه الطرف اللى فى الاسكاترا دى فيها رجلاش وده مش موجود الا فى المرسيدس والعربيات الالمانى ويتشابه معها ال 124 لانى لما باظت عندى دوخت عليها جدااااااا وملقتش زيها غير عند تاجر استيراد ومكانش عاوز يبيعهالى لانها تقريبا نادره لولا اللى شغال عند العفشجى هو اللى لقطها واخدها من عنده لانه عارفها
وانا مرضيتش اعدلها واخليها زى ال 128 العاديه بدون رجلاش لانه اكيد الخواجه عملها كده لهدف معين فى دماغه

المشاركة الأصلية كتبت بواسطة karim_monir

شكرا ميسو
يا ريت تجمع الفروقات دي في موضوع منفصل في قسم فيات وتنزلها مخصوص بالصور الجميلة دي
لاني شخصيا استفدت منها والموضوع هنا هايموت في البيع والشراء
ويستاهل يتثبت في فيات

حاضر يا كبير ده يشرفنى طبعا ان المشاركه عجبتك وانا عندى معلومات وصور كمان ممكن احطها ان شاء الله

حعمل موضوع منفصل فى فيات افضل فعلا وان شاء الله يعجبك

المشاركة الأصلية كتبت بواسطة kayson

عارف ان لبن العصفور انا طالب 128 ابارث تكون داوخل فابريقة و تكون بحالة ممتازة و ميكونش عليها اى تعديلات جديدة يعنى فابريقة عارف انه طلب غريب لكن انا غاويها جدا ياريت حد يدلنى عليها مع خالص الشكر.

وانا متشعبط معاك ولو لقيت العصفور وحلبتة ابقي اديني شوب لبن
نفس طلبك بس انا عاوز 127 top الماني 77 او 78او 79 او 80
بس الدواخل بحالة الفابريقة وصالون جيد