توفيت خالتى فى حج هذا العام

**kar!m** · 15-11-2011 07:19 PM

انا لله و انا اليه راجعون .. توفيت خالتى فى موسم الحج هذا العام

هى توفيت من 3 أيام .. بس احنا لسه عارفين امبارح .. بقالها 3 أيام مبتتصلش .. و بنسأل الناس اللى معاها فى الفوج و بيقولوا مبتباتش فى الفندق.

ابن خالتى فضل يدور عليها فى المستشفيات فى مكة .. لحد ما لقاها متوفاة فى مستشفى .. و اتصل بينا و قال لنا.

سبحان الله زوجها كان حاسس .. كانت بتتصل كذا مرة فى اليوم .. و لما الاتصالات انقطعت منها .. حس ان حصل لها حاجة كبيرة .. مع ان الناس كلها كانت بتطمنة و تقولة يمكن تايهه ولا حاجة.

كانت دايما تدعى انها تموت و هى بتحج و السنة اللى فاتت كانت مقدمة فى الحج بس مجاش ليها .. فقالت يبقى لسه فى عمرى بقية.

وكانت دايما تدعى انها تموت من غير ما تمرض عشان متتعبش حد معاها قبل موتها.

و قبل ما تسافر السنه دى وصت اخواتها انها لو توفيت تدفن هناك.

و الحمد لله صلوا عليها الفجر فى الحرم النهاردة .. بس المفاجأة و الفراق صعب على أسرتها جدا.

والحمد لله كانت خلصت مناسك الحج .. اللى ودوها المستشفى قالوا انها توفيت بعد ما طافت طواف الافاضه .. و كانت داخل الحرم منتظرة صلاة الفجر.

ربنا يرحمها و يرزقنا جميعا حسن الخاتمة.