لا حول ولا قوة الا بالله
ربنا يصبره و يصبرك يا احمد
لا حول ولا قوة الا بالله
ربنا يصبره و يصبرك يا احمد
لا حول ولا قوة إلا بالله
ربنا يصبره ويصبرك يا A7MED_PHARMA لأنه أكيد موقف صعب وخصوصاً الجو والوقت والخضة ميخليش الواحد يعرف ياخد قرار - وكمان قرار إنك تروح وارهم دا من غير أسلحة صعب أوي.
أمانة عليك لو عرفت حاجة عنهم قول لنا - وربنا يستر .
وبالنسبة لـ mastr_n - هو طبعاً حبيب العادلي كان أنسب واحد لأنه هو من أمر بتهريب المسجونين أثناء الثورة ، وبلطجي زيهم وكان مروضهم وهو كبييير البلطجية المسجونين دلوقتي - ربنا لا يفك حبسه زي ما ظلم الناس ورجال الشرطة كمان وهدم أمن وأمان البلاد .
ده اللى كان على طريق ميت غمر ولا لأ
بالنسبه لحبيب العادلى
ايوه انا موافق انه يرجع تانى وزير الداخليه ويعمل كل اللى هو عايزه
وامن الدوله يرجع والشرطه تمارس قمعها
اقسم بالله انا موافق على كل ده
ثورة 25 يناير اصبحت افشل ثوره فى التاريخ
لازم اقول كده اعمل ايه عندى اهل واخوات بنات
وجيران وناس طيبين مالهومش حد غير ربنا
هايعملو ايه فى كل اللى بيحصل من ساعة ما الثوره حصلت
كل يوم مصايب وكوارث والسبب فى ده كله وزارة الداخليه فقط مش حد تانى
طيب ايه الحل
اهلا بحبيب العادلى وورثته كمان وزراء داخليه لمصر
واقولك كمان اهلا بحسنى مبارك رئيسا لمصر
واقول كمان اهلا بالحزب الوطنى الديموقراطى حاكما لمصر
احنا بنموت فى اليوم 100 مره من الخوف على مالنا واعراضنا
واللة العظيم بقيت اخاف اخلى مراتى واولادى يركبو حتى تاكسى بقيت اوصلهم بنفسى
بقيت اخاف اساقر بليل مع اسرتى مع انى بكرة سفر النهار كرة العمى
مش عارف هوة الواحد لازم يشترى سلاح ؟؟؟؟؟؟؟؟ ولو اشتريت انا ماقدرش اموت حد
هل كل الشعب اصبح بلطجية
انا مرة كنت مسافر انا ووالدتى وبعدين سواق نقل تقيل نزلى بسنجة هوة والتباع بتاعة لمجرد انى شوحتلة علشان مشغل السرينة بتاعتة وستر ربنا انا الطريق فتح وجريت منة مش لانى جبان ولكن لان امى معاياة................................
انا عارف ان العادلى كلب وربنا ينتقم منة بس العيب مش فية واللة العيب فينا احنا
للاسف الثورة من اسوء الثورات فى التاريخ
اليابان تعرضت لكوارث طبيعية وقت الثورة بتاعتنا شوفوا هما فين واحنا فين دلوقتى
احنا اعتصامات واضرابات وقطع سكك حديد
احنا اسقطنا النظام الحضارى والانسانى مش اسقطنا نظام حسنى مبارك
اسف على الاطالة بس بفضض مع اخوانى هنا فى المنتدى
احمد عامل ايه ياعم الحج
بجد حكايه مخيفه جدا ربنا يككون في عون الراجل ده بجد ربنا يسترها عليينا
اصلا يا احمد الطريق بتاعك في العادي زمان قبل الثوره لما كنت بجيلك الصيدليه كان طريق ضااااااااااااايع
الواحد عمره ما يمشي عليه اصلا
واليومين دولانا سامع ان طريق الزقازيق ميت غمر التقليب عليه زي الروززززززز ربنا يستر انا معنتش بمشي عليه بقالي فتره من كتر اللي بسمعه المشكله اني كنت قاعد مع ظابط بيولي احنا عارفين البلطجيه اللي على الطريق ده بالاسم طيب ياعم متجبوهم يقولك منقدرش عليهم شوفت المصيبه بيقولك نزلنا بقوه بمسدسات وهو البلطجي معه أأألي هنعمله ايه يعني ومستخبي في الزراعات مش هنعرف ننزله مش فاهم ايه الاستهبال ده بجد
بس بجد الراجل ده ربنا يكون في عونه لو كان مات كان هيبقى ارحم له ربنا يرد له بنته يارب سليمه
وانت خلى بالك ياعم احمد
شريف bmya جالي الصيدلية أكتر من مرة
ويقدر يوصفلكم الطريق ده عامل إزاي .. حتى في الأيام العادية
===========
الحادثة دي فعلا حصلت على طريق متفرع من طريق ميت غمر - الزقازيق
والحادثة تم إثباتها في الزقازيق(الشرقية) .. لكن إتحولت تبع ميت غمر(الدقهلية)
===========
أنا ليا تعليق على موضوع إن العادلي هو إلي كان ينفع
البلطجة مسخ صنيعة العادلي نفسه
وده معروف وموثق في أكتر من حادثة..يعني بلطجة الإنتخابات ..والبلطجة على المعارضين ودعاة الحرية ...إلخ
يعني
البلطجي كلب .. فجأة صحي من النوم مالقاش سيده
فعاث في الأرض فسادا
وده مش معناه إن سيده هو الأقدر على منعه .. أو إنه صاحب فضل علينا في منعه عننا
سيده(العادلي) خلق المسخ..وكان حابسه عننا .. علشان كل شوية يقول ..أنا حاميكم منهم أهه
=================
وعذرا على إسلوبي المطول في سرد القصة
مكنش ينفع أوصفها بأسلوب سرد الحقائق .. وإلا كانت هتبقا (واحد إتسرق منه عربيته ع الطريق بالليل , وخطفوا بنته) بسسس وكانت هتبقا زي أي خبر عادي .. ماهي الحوادث دي بتحصل بشكل روتيني
كان لازم أحاول(نوعا ما) إني أخليكم تعيشوا التجربة إلي أنا مريت بيها . وإلي مر بيها الراجل المكلوم في بنته