الموضوع: معلومات عن honda civic hatchback

اهلا وسهلا بيك وان شاء الله تكون عضو دائم معانا فى المنتدى كلة مش شرط القسم بس

بالنسبة للسيفيك الهاتشباك العربية دية جميلة جدا بس يعيبها

1- انها ماتنفعش عائلة لان العربية ضيقة من ورا

2- العربية فيها بعض من الاكسسورات الخارجية نادرة قليلا وبالاخص فى الخلف

3- بتنزل بمحركات 1500 سى سى اغلبها

4- تقيلة فى البيع لانها مش بتناسب اى مشترى

لكن اى حاجة بخلاف ذلك الشاسية والبودى فهية زى السيفيك السيدان

اة هية نفس مواتير السيدان بيركبلها مواتير 1500 , 1600 , b16a الخاص بال SiR وبيركبلها محركات الTYPE R 1800 B18C

سعرها لو نظيفة يتراوح من 40 الى 45 الف جنية لو محرك 1600 لو SiR هتبقى ب48 الف

وانت وحظك ممكن تلاقى واحدة اقل فى السعر حسب الحالة والتظبيط اللى فيها لان دية عربية عايزة شاب , هية شكلها ماشاء الله جامد جد وشبابى اوى اوى وتحفة فى التظبيط وسريعة جدا

المشاركة الأصلية كتبت بواسطة mimmohonda

انا كل الى اقدر اقوله ان العربيه دى وهميه فوق الوصف ويبقى ربنا بيحبك لو وقعت فى ايدك واحده نضيفه او حاله شاذه ...انا العربيه الى معايا قالب بيها الدنيا هنا وكل يومين واحد يوقفنى وارجوووك بيع ....وعربيه عمليه جدا جدا جدا ...وهى مش ضيقه اوى يا سمسم العربيه من ورا عريضه لو تلاحظ ...انا بركب 2 ورا ....ومن الاخر كفايه ان اسمها الطلقه...بس انا مختلف معاك يا سمسم انته ظالمها بالسعر الى انته قولته ده ظالمها اوووووى ...والحمدلله محدش جه قالى السعر ده فى وشى لانى كنت ممكن ادوسه

والله ياباشا العربية دية جميلة اكيد انا ماقولتش حاجة وكيد اجمل عشان انت راكبها

بس العربية كانت قدامى كدة فعلا بالسعر دة 1500 سى سى فابريكة جوة ونظيفة جدا من برة وصالون وحالة محرم ممتازة وكان طالب فيها 45 الف نزلناها ل42 الف وعربية تانية فيها محرك sir كان طالب 50 الف نزلت الى 47 الف جنية

ياباشا العربية دية ممتازة جدا انا عارف ماقولتش فيها اى حاجة بس فعلا الكنبة الخلفية مش زى السيفيك السيدان واكيد طبيعى ان اى عربية 2 باب تكون ضيقة ومش شرط تكون ضيقة فى العرض لأ فى الطول مابين ظهر الكرسى ورجل الراكب الخلفى لان فعلا العربية دية عريضة جدا

وربنا يباركلك فيها يارب

والحمد لله انى ماقولتش السعر دة قدامك وانت سايق وياسلام لو انا بقى كنت ماشى قدامك

اكيد ماكونتش هتلاقى المشاركة دية