ماهي اكثر السيارات أمانا؟

**samehyasien** · 16-11-2011 04:17 PM

مع ازدياد الشكاوى من عامل الامان فى السيراتو و كثرة حوادثها اصبحت فى حيرة و عايز اعرف ما هى اكثر السيارات امانا فى نفس الفئة السعرية للسيراتو؟ انا هنا فى السعودية معى شيفرولية تريل بليزر 4*4 و هي ثابتة جدا على الطريق و كنت ناوى اجيب سيراتو فى مصر بس لو انتوا شايفين ان فى عربية تانى امان اكتر ياريت الناس تفيدنى و شكرا.

**romioramy** · 16-11-2011 05:46 PM

الضامن هو الله و كل بيتجاب يا معلم ليه 3 زمايل في الشركة و تسرقة عربيتهم من تحت البيت واحدة مازدا م3 - سيراتو 2010 - هوندا سيفيك 2009 و كله بيروح و ربنا يستر و حاول تحط عناصر الأمان جوه عربيتك و إدعي ربنا فهو خير الحافظين و ربنا يستر علينا في الأيام ده .

ده مش وش كئابة بس والله ده حصل زي ماقلت لحضرتك .

**Typerr** · 17-11-2011 10:20 AM

الفولفو رقم واحد
وراخض عربيه امنه هي الرينو 12 ايبرباج في الميجان انا روحت التوكيا هناك بشوف عربيات مقلوبه ومعجونه واصحابها زي الفل

**Land_Cruiser** · 18-11-2011 12:47 PM

ممكن برده. حضرتك تفكر فى حاجه عاليه عن الارض بس سعرها هيكون اعلى شويه زى الرينو داستر اللى فى منها ٤ x ٤ و تصفيح كامل من تحت و اعتقد ب ١٣٥ الف او ممكن الكيا سول برده سعرها اقل من كده حاجه بسيطه و فىيها كل الكماليات واخده معاملات أمان عاليه بره .

**Hosam_Optrawy** · 18-11-2011 05:11 PM

المشاركة الأصلية كتبت بواسطة typerr

الفولفو رقم واحد
وراخض عربيه امنه هي الرينو 12 ايبرباج في الميجان انا روحت التوكيا هناك بشوف عربيات مقلوبه ومعجونه واصحابها زي الفل

موضوع الفولفو أأمن سياره فى العالم معلومه قديمه وبنكررها من سنين على اساس ان بقية الشركات واقفه مكانهم مبيتطوروش

الفولفو فعلا عربيات أمنه وكل عربياتها بتاخد خمس نجوم من سنة 2003

والرينو برضه معظم عربياتها ماعدا كام موديل كدا

لكن فى عربيات تانيه اتفوقت وكورى كمان زى الكروز مثلا

وفى طبعا يابانى والمانى اكيد كذا عربيه معديين الفولفو والرينو فى الامان