الموضوع: مشكلة فى الباور " ونة "

السلام عليكم
يوجد عندى مشكلة ظهرت منذ يومين وهو عند السلانسية بعد مشوار اسمع صوت ونة او احتكاك زى صوت ماتور المياة بس بيروح لما اضغط بنزين وبعد فترة يظهر مرة اخرى .
هذا الصوت مش عالى لكنى بسمعة لما اقفل الزجاج ففتحت الكبوت سمعت الصوت من ناحية طلمبة الباور .
هو عندى مشكلة بس مش عارف اذا كانت هذة السبب ام لا
كنت وانا مسافر الاطار الامامى انفجر والحمد لله كلنا طلعنا سلام وركبت الاستبن العادى انا مجنط بجنوط 16 /205 والعربية اساسا 14/185 ومن ساعتها مغيرتش الكاوتش للظروف المادية لانى لازم اجيب كاوتش جديد للاربع فرد وتقريبا حجيب 185/14 .
ولكن اصبح فى اهتزاز"رعشة خفيفة" فى الطارة خفيف ولما بكون فى المطبات باسمع صوت رخم من الطارة والعربية اثناء التحميل بالعائلة احس انها عايمة مش عارف كل هذا يدل على عيب فى طلمبة الباور ولا اية مع العلم ان الدركسيون كويس خفيف وانا لسة مزود زيت باور شيل على القديم ومش عارف كان احسن افضى وازواد لاكن الصنايعى قال زود فقط وعندى باقى العلبة .
وكنت بسمع تزييق لما اجى احرك الدركسيون جهة اليمين خفيف واصوت خفيف ايضا فمش عارف اسكترا كمان ولا اية من كثرة ما بقرا فى المنتدى مش عارف احدد العيب فين بالضبط .
والمشكلة ان الاولاد بوديهم الصبح المدرسة واروح شغلى فمش عارف اروح لمين يكشف عليها ميكانيكى ولا عفشجى وخايف حد يشتغلنى .
العربية لانسر 1300 اتوماتيك . موديل 2007
معلش الكلام كثير وشكرا ليكم

السلام عليكم
اية ياجماعة انا مستنى حد يرد