بقالي 4 ايام بحاول اجدد رخصة العربية وللاسف مش عارف
النهاردة بس واخيرا جبت شهادة المخالفات بعد ماوقفت في الطابور الطويل العريض من الساعة 9 الصبح لحد تقريبا الساعة 2 والحمد لله رب العالمين ملقتش اي مخالفة عليا
والغريب بقى ان كل مااروح الاقي زحمة رهيبة بجد حوالي 2000 شخص مستنين المخالفات او الكومبيوتر عطلان او النهاردة كان الموظفين بيشتغلو الناس وقالو ان كابل الكهربة اتسرق ههههههههههههههههههههههههه ه مش عارف ازاي يتسرق من مرور السلام والكهربة فضلت قاطعة حوالي ساعتين بحالهم (مش فاهم ازاي مفيش مولد كهربة) وطبعا في ناس كتير يأست ان النور يجي تاني .. انا قولت استنى جايز يبقى حظي حلو والحمد لله الكهربة جات وجبت المخالفات وبكرة ان شاء الله هروح اكمل يمكن اقدر اخودها بكرة