تسلم ايدك يا استاذ عصام
تسلم ايدك يا استاذ عصام
اقتباس:
وهناك طريقة اخري بس محتاجة خبرة عالية لخطورتها وهي تدوير المحرك والعصفورة مفكوكه ومراقبة امبير الحرارة بدقة لحين فتح الثرموستات وطرد المياه مع مراعات عدم ارتفاع الحرارة عن الشرطة الي في نصف امبير الحرارة وغلق المحرك فوراً بعد عملية التفريغ وبردوا لن يتم التفريغ الكامل ولكن يتبقي حوالي لتر من مياه التبريد بالبلوك بتاع الموتور
ممكن اللى معندوش خبره كافيه يطير الموتور فى حركه زى دى
لأن حساس الحراره بيحس بحرارة الميه اللى فى الدوره
طيب لو مفيش ميه حيحس بأيه ؟
لذلك لما المؤشر بيرتفع بيكون الموتور روح من بدرى
ومثله حساس الزيت فعن تجربه لمبة الزيت مبتنورش الا لما يوصل الزيت فى المكنه الى 1 كيلو
الف شكر على المجهود الواضح وممكن تقولنا ما هى وظيفة الخراطيم الثلاثة المتصلة بالقربة وكيفية اخذ الهواء من دورة التبريد ؟
طيب يا عصام به لو تسمح ناخد هواء الدورة ازاي من غير ما نرمي المياه الخضراء على الارض؟ والف شكر على موضوعكتك الجميلة وربنا يبارك لك ويكرمك
طريقة اخذ الهواء من الدائرة
1 - فك غطاء القربة
2 -دور المحرك
3- ضيف مياه حتي علامة max
4 - انتظر حتي يسخن المحرك
5 - اكمل مانقص من مياه عن علامة max
6 - انتظر حتي استقرارا المياه عند علامة max
7 - اقفل غطاء القربة وبطل المحرك
8- مبروك اخذت الهواء من الدورة
تصدق بالله انا بدعيلك اوقات و انا ماشي بالعربية اول ما ابص علي اي حاجة اتعلمتها منك
ربنا يباركلك
تسلم ايدك يا محترم وجزاك الله خيراا
عندس سؤال لو تسمح في مكانيكي قالي ان المياة الخضراء بتاكل طلمبة المية هل الكلام ده سليم ؟؟ وانت حضرتك تنصح باى نوع من المياة واية راى حضرتك في مياة محطات وطنية 30 جنية الجركن
ربنا يبارك لك ويجزيك خير بما تنفع به الناس
انا عربيتى بيجو 504 موديل 77
انا لسه عامل عمره من اسبوع وحطيت مياه حنفيه ياترى اغير لمياه اسبانى ازاى لان الريداتير عندى مفهوش طبه من تحت
والريداتير متغير من حوالى 8 شهور والموتور كان مليان صدا كتير جدا ونضفناه مع العمره كويس قوى فالحل ايه وهل لازم ازود المياه الاسبانى بالعلبه الامريكى ابرو
ولا غلط على الموتور لانه فى فتره تلين انا عملت حتى الان 250 كيلو
ربنا يبارك فيك شكرا على المجهود والصور والشرح الرائع البسيط وانا ناوى انشاء الله يوم الجمعه اغير ميه الردياتير وربنا يستر