طريقة تغيير مية الريداتير بنفسك جزء 2 السيارات القديمه بالصور
بسم الله
استكمالاٌ لموضوع تغيير مية الريداتير بنفسك جزء 1
http://www.nilemotors.net/Nile/147913-a.html
حبيت اعمل موضوع خاص بالعربيات القديمه لأن الطريقه مختلفه معاها
هنبدأ بسم الله
بالنسبه للعربيات القديمه واللى الميه بتاعتها مية حنفيه و كلها صدأ
هيبقى طريقة التعامل معها كالأتى
والعربيه بارده تماماٌ
هنفتح غطاء قربة الميه
ثم
هنفك طبة الريداتير السفلى او ( الجزره )
وده مكانها تحت المروحه الكبيره
http://i757.photobucket.com/albums/x...1005071305.jpg
وده شكلها
http://i757.photobucket.com/albums/x...1005071303.jpg
العربيه هتفرغ مية التبريد كلها على الأرض
هنفك حساس الحراره ده بعد خلع فيشته
وده مكانه
http://i757.photobucket.com/albums/x...0111101177.jpg
وهنضفه كله بسلك الومنيوم ناعم
وهيبقى شكله كده
http://i757.photobucket.com/albums/x...0111101174.jpg
هنركبه تانى ونوصل فيشته
ثم
هنفك الحساس ده كمان بعد ما نسحب الفيشه من رأسه
وده مكانه
http://i757.photobucket.com/albums/x...1004301219.jpg
وبرده ننضفه كله بسلك الومنيوم ناعم ونركبه تانى ونوصل فيشته تانى
هنقفل طبة الريداتير تانى
هنفك الخرطوم ده ونوصله بمكان تصرف فيه الميه ( بلاعه , برميل , على الأرض )
http://i757.photobucket.com/albums/x...1011172279.jpg
ثم
هنجيب خرطوم مية حنفيه ونفتح الميه جوه القربه
هندور العربيه ونزود بنزين ونبص على الميه اللى نازله فى الصرف لحد ما نلقاها نضفت وتحولت من اللون البنى الى اللون الشفاف
هنقفل الميه ونركب الخرطوم تانى فى القربه
لو كانت القربه وصلت للمرحله دى
http://i757.photobucket.com/albums/x...0111101178.jpg
يبقى نغيرها هى والغطاء بجداد افضل
http://i757.photobucket.com/albums/x...1005071301.jpg
القربه الأصلى ب 45 جنيه
الغطاء الألمانى ب 25 جنيه
بعد ما غيرنا القربه والغطاء نكمل تانى
هنفتح طبة الريداتير تانى ونزل الميه تانى كلها على الأرض
هنضغط هواء جوه القره من بلور او من مسدس هواء علشان ننزل كل الميه الموجوده جوه المكنه والريداتير
هنقفل طبة الريداتير تانى
هنفرغ نص جركن مية الريداتير الأسبانى ( الجركن ب 35 جنيه )
وده شكله
http://i757.photobucket.com/albums/x...1006101604.jpg
هنفضى كانز ابرو الأمريكى كله جوه القربه
وده شكله
http://i757.photobucket.com/albums/x...0111101171.jpg
هنزود بالجركن تانى لحد الميه ما توصل لحد لحام نصين القربه الوسطانى
هندور العربيه ونستنى شويه
هنزود بالجركن تانى لحد الميه ما توصل للعلامه تانى
هنقفل غطاء القربه وبالهنا والشفاء
بعد يومين هنفتح غطاء القربه والعربيه بارده ونبص على مستوى الميه فيها نقص ولا تمام
لأى استفسارات
https://www.facebook.com/esamghanayem
او
01006898520
اخيراٌ اتمنى ان لا تنسونى من دعائكم الصالح
ولكم منى خالص التحيه
اخوكم
عصام غنايم