يوم رهيب
دخلت الجراج لقيت البطاريه نايمه صحتها بالسلامه بوصله
لقيت الفرده اليمين نيمه نص نص شكل العربيه كانت ليه مفاقتش نفختها و كلو تمام بابص على البنزين لقيت المبه منوره نروح نجط بنزين 3 محطات البنزين ليه مجاش روحت التعاون لقيت 90 حطيط ب 20 جنيه و اتكلت على الله العربيه بتكركر و بتبرجل صباح النحس المهم المهم اتظبطط وحداها و كملت ماشى لحد كده و اليوم ماشى
و انا ماشى طالع الدائرى من عبود و و جتلى العطسه اقمت عطست فاغمضت ثانيه لقتنى لبست فى مكروباص تويوتا
زيرو زيرو تقريبا لسه جاى من المصنع الكلام ده جنب الموقف نزلت اشوف حصل ايه لقيت الاكصدام عندى داخل لجوه ووش الفانوس مكسور و هو اكصامو داخل جوه كده و اتشرخ المهم نزل هلل شويه و انا هللت شويه و اديتو 30 جنيه و عليه مارلبورو و سبتو و مشيت
خلصت المشاوار و راجع فا ماشى على الدائرى واحد بى لانسر بومه بيجرى راح كاسرلى المرايه الشمال و جرى و هو بيكسرلى المرايه عربيته عومت بشكل مرعب لمها بالعافيه
انا جريت شويه و بعد معجيت كامين باسوس
و عايز انزل نازله اسكندريه الزراعى المهم فى مينى باص عايز اخد الغرزه من قدامو بينو و بين الرصيف العارف الطريق ده هيفهمنى المهم بخود الغرزه و الحته دى فيها 6 صفوف كات ايز بالطول و انا بخود الغرزه فوقهم العربيه اتزحلقت و كان فلم رعب لحد ملمتها مش عارف ده حاصل ازاى
وانا مروح داخل الجراج المبه نورت تانى بتاعت البنزين المشوار اتكلف ب 20 جنيه بانزين
السوال بقا ليه العربيه اتزحلقت على الكات ايز
لما اعطس المره الجايه اعمل ايه علشان ملبسش
هى ليه الناس بقت وحشه و معندهاش صبر و بيككسرولى المرايه و يجرو
ليه اليوم كان نحس كده
سوال اخير هو الموظفين فى المصالح الحكوميه بيشتغلو من 9 لى 9 و روبع بس ولا ايه فى تعقيد رهيب و يقولى الدمغه مبلوله هو فيه كده منتو البيعنها مبلوله
اجرى ياد يا محمد جرى الوحوش فى الاخر مش هتخلص الورق بارضو
ارجو الاجابه على الاسئله معا طابع بوسطه مش مبلول