المشاركة الأصلية كتبت بواسطة ashraf_ibrahim
برده امبارح كان يوم مش تمام معايا بس الحمد لله
نزلت من هنا روحت الجراج لقيت العربية مكفية لقدام
ببص لقيت العجلة اليمين قدام على الارض
عمري ما غيرتلها عجل او نزلت الاستبن على الارض
بقيت عايز اولع في المسمار اللي نيمها دا عشان مكونتش عايز انزل الاستبن بتاعي على الارض اساسا
المهم لابس وبتاع وبدلة وبتاع قمت قالع ومشمر بقا ومدخل الكرافتة جوا القميص :d
ومطلع الاستبن والكوريك وقمت نازل مظبط الكوريك وغيرت العجلة وشيلت المخرومة راميها في شنطة العربية ومشيت
اروح على شغلي الاقي اللي انا رايحله مسافر مش موجود
قلت يمكن صدفة مش مشكلة
اطلع على شبرا قلت اخد كورنيش بدل مادخل شارع شبرا عشان يكون سالك
الاقي وقفة احتجاجية عند الخلفاوي عشان فلسطين وتآزرا وتعاونا معاهم
قلت هو يوم باين من اوله مكانش المفروض اخرج
المهم اتأخرت برده على معادي هناك بس اللي كنت رايحله اتأخر هو كمان فالدنيا مشيت
بعد ما خلصت قلت اعمل العجلة بقا عشان ارجع الاستبن مكانه تاني
الاقي مسمار محترم فيها وكمان البيه داخل في الجنب فقام عامل بلونة جنبه !
بقيت في قمة غضبي اساسا بس مقداميش حل تاني
قلي مش هعرف اعملهالك غير خابور !
قلتله اعملها اللي تعمله مبقتش فارقة هي العجلة بتودع خلاص
قمت مرجع الاستبن مكانه وقمت منزل الهانم مكانها تاني وانتهى اليوم على كدة :d