السلام عليكم و رحمة الله و بركاته
للاسف بعد فترة قليلة من حل المشكلة الاولى بتاعت الميجان انها مش بتدور بعد لف و دوران و تغيير موتور طرمبة البنزين و برمجة و تعديل فيشة الطرمبة و طلعت المشكلة فى الاخر فى حساس السرعة و تم تغييره و المشكلة اتحلت بنجاح الحمد لله
طلعت مشكلة جديدة فى الميجان
بعد ما عملت صيانة الـ 100 الف النهاردة .. الميجان مرضتش تكمل فرحتى بيها و ظهرت المشكلة
بعد تغيير البوجيهات و فلتر البنزين و الهواء و حساس الكامة و انا مروح و على مدخل الشارع بتاعى العربية بدأت تنتش و الغيارات مش مظبوطة و تقيلة جدا و العربية بجيب دواسة البنزين على الاخر و الار بى ام بيعلى ببطء جدا .. و العربية طبعا كتبت على الشاشة check injection و لمبة الـ service نورت ..
يا ترى حد قابلته المشكلة ديه قبل كده و هل قدر يحلها
العربية ميجان 2006 مانيوال
المفضلات