الموضوع: افيدونى بخصوص المراتب

المشاركة الأصلية كتبت بواسطة haima

شكرا يا رجال المنتدى ( حلوة دى )
النهاردة اشتريت المرتبة - اشتريت نوع اسمه هابيتات( ريتش) عبارة عن طبقة سوست و حولها عدة طبقات من الاسفنج المضغوط و الاسفنج العادى وطبقة من القطن من كل وجه وكل سوسته مغلفة باسفنج للعزل عن باقى السست ولها وجهان واحد قطن للصيف و الآخر للشتاء و سمكها 25 سم
المهم انها مريحة جدا للظهر ( ناشفة ) ونمت عليها العصر كويس ( بقالى 4 ايام مش عارف انام كويس من ظهرى و المرتبة القديمة
ثمنها 1475 ج واشتريتها من يانسن سموحة
واى معلومات اخرى انا بالخدمة

هى كام فى كام ؟ هى المراتب دى بتهبط ولا بتفضل ذى ما هيا؟
هابيتات دى تعتبر الاغلى ولا الارخص مقارنه بالباقى ؟
وفى الاخر اشمعنى اشتريت واستقريت على دى ؟

المشاركة الأصلية كتبت بواسطة magdi mina

شوفوا الافتكاسة دى ... جت معاى بالصدفة .. من 3 سنين .. بس طلعت هايلة !!! 1_ نجد المرتبة القديمة بس تكون خفيفة وارتفاعها 15 سم ( المرتبة القطن ) 2_ اشترى مرتبة اسفنج عادية متوسطة الكثافة ارتفاعها 15 سم وبنفس مقاس المرتبة القطن 3_ ضع الاسفنج تحت والقطن الصحية فوقها .. وعيش حياتك سوبر صالون .. وببلاش . جربها .. وادعى لى .. وانت بتتقلب على احلى مرتبة .

جامدة الافتكاسة دى يا مجدى ... شكلى فعلا هاعمل الموضوع ده واقولك الاخبار