ضهرى وجعنى من المرتبة القديمة ( تاكى ) عاوز اشترى مرتبة جديدة , تنصحونى بايه - مرتبه بسست ولا الصحية اللى هى اسفنج مضغوط وايه الانواع الاخرى وفين الاقيهم فى الاسكندرية و بكام
الحقونى قبل مايجيلى دسك تانى
عرض للطباعة
ضهرى وجعنى من المرتبة القديمة ( تاكى ) عاوز اشترى مرتبة جديدة , تنصحونى بايه - مرتبه بسست ولا الصحية اللى هى اسفنج مضغوط وايه الانواع الاخرى وفين الاقيهم فى الاسكندرية و بكام
الحقونى قبل مايجيلى دسك تانى
انا بعاني من مشاكل في ضهري
وكل دكاترة العلاج الطبيعي نصحوني ابعد عن المارتب السفنج دي والسوست والحاجات دي حتى لو طبية لانه بتبهدل الضهر ومش بتحتوية
المهم قاللي اهم حاجة مرتبة قطن وتنجدها كل 3 سنين مثلا
وتحط تحتها لوح ابلاكش او كرتون قوي زي بتاع التلاجات كدة
دي احسن نومة
صحيح وماتكونش غير مرتبة واحدة
2 لاء
المرتبه الاسفنج المضغوط بتاعت يانسن سمك 10 سم دي الدكاتره بيرشحوها للي عنده مشاكل في العمود الفقري وانا شخصيا جبت منها واحد لوالدتي لانها بعد العمليه كان لازم تستخدمها اكتر من 3 شهور (لازم مش اختياري)
المهم انا شخصيا ما عرفتش انام عليها لانها ناشفه جدا بس بيقول ده مهم للفقرات.
المرتبة القطن طبعا ممتازه بس للاسف مفيش منجدين دلوقتي خلاص ......... انا جربت الموضوع 3 سنين نجدت خلالها 3/ 4 مرات والنتيجه كل مره اسوء من اللي قبلها
عليك وعلى هابيتات أو ماستر بيد مرتبه قطن وسوست
غاليه شويه بس رائعه مريحه جدا وعمليه جدا
ولو عايز تدفع اكتر في مراتب فيها طبقة فوم طري قوي اسمها ميموري فوم ..... دي ممتازه ومريحه بطريقه بشعه وكمان صحية جدا بس المرتبه هتخش في 2500 /3000
الف سلامه يا حاج كريم انتا واستاذ هيما
طيب متهيالى كده ان اللى ضهرهم واجعهم فى المنتدى كتير
يبقى لازم نعمل ليهم قسم خاص
ونشوف منجد بلدى نتعامل معاه ويدينا خصم للى معاه استيكر نايل موتورز
انا بهزر معاكم لانى انا كمان ضهرى واجعنى ورقبتى
بس فى مشكلة بالنسبة للمنجد هنحط الاستيكر على العربية ولا المرتبة
طبعا انا هنا بأستعمل مراتب سليب هاى وهى اكثر من ممتازة 000 ويفضل اذا اشتريت من مصر تشترى يانسن من النوع الخليط اسفنج + قطن وهى مرتبة صحية وممتازة ، وطبعا لو كان هناك نوع سليب هاى افضل بكثير من يانسن
يعنى بتنصحوا بالاسفنج المضغوط ولا السست
وهل فيه حد فى سموحة مثلا ( بوفر بنزين )
اقتباس:
عليك وعلى هابيتات أو ماستر بيد مرتبه قطن وسوست
غاليه شويه بس رائعه مريحه جدا وعمليه جدا
+1000000000000
اشكركم جدا على تعاونكم
انا شوفت الماستر بد ممتازة لكن غالية جدا , الهابيتات معقولة ولسه بفاضل بين الانواع بتاعتها
انا بصفتي من قدامي المصابين بالانزلاق الغضروفي في الفقرات 4 و 5 من سنوات عديدة بطلت اعدها .....
لقيت ان المراتب القطن بتتشكل بشكل الجسم بعد فترة وجيزة فبيصبح جسمك وانت نايم مقوس.... وده غلط
الاصح المراتب السفنج المضغوط الطبيه لأنها بتظل مسطحة ومش بتاخد شكل الجسم ... انا باستعملها من حوالي 3 سنين زي الفل ولقيت فرق كبير لما بطلت انام علي القطن
الأول كنت انام علي القطن لو نمت اكتر من 5 ساعات اصحي ظهري مشنكل ولازم شوية حقن ... مسكنات علي مضادات التهاب علي فيتامين ب علي مية طرشي و الخ الخ .. .....
دلوقت الموضوع اتغير لما غيرت المرتبة بقي احسن كتييييير
هي كانت من تاكي 160 ×190 سم سعرها كان حوالي 680 جنية
وكل فترة باعكس وضع المرتبة واقلبها عشان برضه تعيش اكتر
انا فعلا كنت زيك ( بس من ييجى 30 سنه ) وغير ت القطن بتاكى وكانت ممتازة بس دلوقتى المرتبة التاكى خلصت - كتر خيرها - ولازم تطلع معاش زيى :wheelchair: وهريتها تقليب و عكس وضع بس والله حمالة اسية , المهم ايه البديل لها الآن
يعنى المراتب التاكى حلوة ولا اليانسن ولا ماستر بيد
انا عندى مرتبتين قطن فوق بعض فى النص المرتبة تحس انهاجبل عاليه اوى وعلى الاطراف نازل نتيجة النوم على الاطراف
طبعا الواحد ظهروا اتقطم مش كفاية القاعدة ادام الكمبيوتر بالعشر ساعات فى اليوم
ياترى حد عنده فكره عن اسعارهم ومين احسن
اريد حلا :)
الماستر بد حلوة بس غالية جدا , اليانسن كويسة وسعرها معقول , التاكى جربت الأنواع القديمة انما الآن معنديش فكرة
ده رايى اللى كونته الى الآن ومنتظر معاك باقى الآراء
شوفوا الافتكاسة دى ... جت معاى بالصدفة .. من 3 سنين .. بس طلعت هايلة !!! 1_ نجد المرتبة القديمة بس تكون خفيفة وارتفاعها 15 سم ( المرتبة القطن ) 2_ اشترى مرتبة اسفنج عادية متوسطة الكثافة ارتفاعها 15 سم وبنفس مقاس المرتبة القطن 3_ ضع الاسفنج تحت والقطن الصحية فوقها .. وعيش حياتك سوبر صالون .. وببلاش . جربها .. وادعى لى .. وانت بتتقلب على احلى مرتبة .:sleeping::sleeping::sleeping:
شكرا يا رجال المنتدى ( حلوة دى )
النهاردة اشتريت المرتبة - اشتريت نوع اسمه هابيتات( ريتش) عبارة عن طبقة سوست و حولها عدة طبقات من الاسفنج المضغوط و الاسفنج العادى وطبقة من القطن من كل وجه وكل سوسته مغلفة باسفنج للعزل عن باقى السست ولها وجهان واحد قطن للصيف و الآخر للشتاء و سمكها 25 سم
المهم انها مريحة جدا للظهر ( ناشفة ) ونمت عليها العصر كويس ( بقالى 4 ايام مش عارف انام كويس من ظهرى و المرتبة القديمة
ثمنها 1475 ج واشتريتها من يانسن سموحة
واى معلومات اخرى انا بالخدمة
هى كام فى كام ؟ هى المراتب دى بتهبط ولا بتفضل ذى ما هيا؟
هابيتات دى تعتبر الاغلى ولا الارخص مقارنه بالباقى ؟
وفى الاخر اشمعنى اشتريت واستقريت على دى ؟
جامدة الافتكاسة دى يا مجدى ... شكلى فعلا هاعمل الموضوع ده واقولك الاخبار
المرتبه الاسفنج المضغوط في التوحيد والنور
او النوع الي في الصورة دية
http://www.postimage.org/aVUtQo9.jpg
ممكن أعرف فيت يانسن سموحة
لأني من سموحة برضة و نفسي أغير المرتبة القطن
جزاك الله خيرا
طيب من فضلكم حد يحطلنا عناوين او تليفونات ماستربد ويانسن وهابيتات فالقاهرة ؟
habitat, yansin and forbed factories all at 3obor and they all in the same area
yansin
الاوبرا ش حليم باشا سينما متروبول خلف شيكوريل,25911342 العبور مدينه العبور المنطقه الصناعيه قطعه رقم 8 بلوك 13013
46101083 مصر الجديده 96 شارع سليم الاول حلميه الزيتون
22418397
habitat
العبور مدينه العبور بلوك 13010 13009 الصناعيه ا
46100552 - 46100551 - 46100550 - 46100888 - 46100553 الهرم برج اللؤلؤه الهرم حسن محمد بجوار كازينوالجندول
35841983 - 35841982 - 35849015 رمسيس معرض اركاديا 12 سى
25745003 - 25753115 - 25756011 - 25755271 - 25755213 مدينه نصر ش عباس العقاد
22616649 - 22616674
masterbed
6 اكتوبر م ص 3 ق 243 /10
38320264 المهندسين 45 ش شهاب شقه 5 العجوزه
33448133 - 33446815 - 33446814
forbed
العبور مدينه العبور المنطقه الصناعيه الأولى شارع 300
6102810 - 6102820 - 6102830
forbed
العبور مدينه العبور المنطقه الصناعيه الأولى شارع 300
46102810 - 46102820 - 46102830
فى مرتبة سوست انا اشتريتها من مصانع جالانز وفعلا ممتازة جداااااا وسعرها معقول ب499ج ممكن تعمل سيرش عليها وتشوف كل التفاصيل