طيب رايك ايهم افضل كثبات و قوة موتور و امان صنى ولا تيدا و قطع غيار؟
طيب يا جماعه انا قدامى كام حاجه بفكر فيها يعنى ايه رايكوا فى سوبارو الهاتش باك او ميتسوبيشى 1600 هاى لاين مثلا ... و الكرولا برضوا بسمع عنها بس بيقولوا مشكله فى الفتيس ؟ و داخل دماغى اوى سيات ابيزا بس برضه بسمع قلق فى الفتيس ؟!! ارجووووووووكم انا معتمد كليا عليكم فى موضوع افضل اختيار
شوف حضرتك
متطلبانك بالسعر دا صعبه والاختيارات محدوده وهى
مازدا 3 بيزلاين 2011 ولانسر بوما كامله 2011 ونيسان تيدا بلس 2011 وسوزوكى sx4 اوتوماتيك 2011
لو استبعدنا السوزوكى واللانسر يتبقى المازدا 130 الف والتيدا 128 الف
التيدا ميزتها اوسع فى الصالون وموتورها اقوى ومنتشره اكتر ومقارنة بالمازدا بيزلاين كمالياتها اكتر
المازدا شكل رياضى اكتر وافضل وثبات افضل وتعليق خلفى ملتى لينك ويابانى بالكامل
قارن بينهم والقرار ليك
وخد بالك انك لو هاتشترى اول السنه غالبا هاتكون موديلات 2012 نزلت ويمكن الاسعار هاتزيد :(
السوبارو 2011 تمنها 160 الف وموديل 2012 هايكون شكل جديد فاكيد برضه هايبقى اغلى
الكورولا بيزلاين ب 155 , واللانسر كويسه بس قدمت اوى
طيب بما أنك حصرت أختياراتك في الياباني فالمازدا أفضل عربية في الفئة دي كأداء ... حاجة واحدة بس لازم تعرفها وهي قطع غيار المازدا تعتبر واحدة من أغلى قطع الغيار الموجودة في سوق السيارات المصرية وهي السبب الأول لخروجها من أختياراتي بعد ما كانت رقم 1 وأخترت الألنترا والحمد لله مرتاح معاها .
طب معلش انا عندى سؤال رايك ايه فى الميتسوبيشى لو انا جبت مثلا 1600 الهاى لاين خليجى مع انى مش عارف اجيبها جديده منين و ازاى بس كثبات و سحب و قوة موتور و فرامل ... انا بالنسبالى شكلها عجبنى و مش مشكله القدم مع ان طبعا الجديد برضه ليه طعم خاص كده و ايه رايك فى الابيزا برضه فى نفس العوامل السابقه و هل فعلا فيها مشكلة فتيس ال dsg
أفضل حاجة فى الفئة ديه مازدا 3 او نيسان تيدا