المازدا 3 يعبيها إن السعر المخفض علي موديلات 2011
2012 مش هتفرق حاجة غير الموديل في الرخصة
و يعبيها أيضا ضيق الكنبة الخلفية و فتحة الشنطة الصغيرة جدا لو يفرق معاك
المازدا 3 يعبيها إن السعر المخفض علي موديلات 2011
2012 مش هتفرق حاجة غير الموديل في الرخصة
و يعبيها أيضا ضيق الكنبة الخلفية و فتحة الشنطة الصغيرة جدا لو يفرق معاك
سعادتك واضح انك مش مستقر علي حاجه بعينها
رأيي الشخصي انك تركز مع واحده من اتنين يا اما النيسان تيدا او الميتسوبيشي لانسر .
الأتنين منتشرين بشده في السوق
قطع الغيار متوفره بكثره .
سعر اعاده البيع اللانسر تتفوق لكن التيدا متماسكه برضه يعني مش بتقع زي المازدا و السوبارو .
الراحه تتفوق فيها التيدا من حيث النعومه الزائده عن اللانسر .
الثبات لصالح اللانسر و حتي 180 كم ساعه لكن برضه التيدا جيده يعني مش مهلبيه و برضه الأخوه هنا في منتدي نيسان يفيدوك فيها و حتي سرعات 140 - 160 كم ساعه .
وسع الصالون و الشنطه لصالح التيدا سيدان و اللانسر كويسه مش صغيره .
التوكيل : نيسان مصر قايم بالواجب و زياده شويتين عن دياموند اللي لسه ملامحه مش واضحه قوي .
و ربنا يوفقك لما فيه الصالح لك و نبارك لحضرتك قريب انشاء الله علي العربيه الجديده .
تحياتي .
ما فعلا فى ناس كان معاهم جيتا باعوها بخساره 100 الف و حاجات كده ربنا يعينهم فانا خايف من الفتيس لان مشاكله متحلتش لحد دلوقتى هى كل سنه بتقل شويه بس مش حاجه اعتمد عليها .... فعلا الميتسوبيشى فى دماغى بقوه ........... بس فى حاجه ظهرت قدامى دلوقتى بصراحه مكتسحه و هى بريليانس جالينا و خصوصا انى معايا frv بس اخويا عايزها و بصراحه ال frv كانت تحفه بس مش عارف رأى حضرتك ايه فيها و ايه عيوبها فى نظرك ؟ معلش انا تعبكم يا جماعه واكيد قرفتكم باسألتى الكثيره:shyy: بس والله انا فعلا بحس ان الاعضاء هنا هما احسن ناس بتفهم فى البلد فى العربيات:00020191:
هو فعلا ياباشا انا مكنتش مستقر و لا كان عندى فكره عن ايه الافضل بس فعلا انا حاطط فى دماغى اللانسر لانى كمان بحب شكلها ... التيدا الاعضاء بتدعمها بقوه بس معرفش شكلها بيحسسنى بعدم الامان فى الثبات:toothgrin: من علوها على الارض مع ان واضح قوى انى غلطان :shyy: بس فى عربيه كمان عايز اخد رايكم فيها ايه رايكم فى الجالينا ال 2012 الهاى لاين رفاهية BMW و موتور ميتسوبيشى 2000 سى سى بيطلع 130 حصان و ثبات البريليانس بصراحه والله يقرب للجولف و اسألأنى انا جبت بعربيتى ال FRV سرعة قرب ال 180 كم /ساعه و ماشاء الله كانت مش بطاله بس برضه الله اعلم الجالينا عمله ازاى ايه رأى حضرتك فيها
بابا عندو النيسان صني و بيشكر فيها أما التيدا فممكن تسال الناس إلي راكباها - أظن صني منتشرة أكتر فقطع غيارها هتكون أحسن. السوبارو عربية روعة بس مش في مصر للاسف هو الواحد بيشوف أي عربية سوبارو كل أد اه يعني يبئة اتوماتيك بدون كلام قطع غيار غالية أو نأسى و سعر إعادة بيع يزعل.... ربنا يعمل لحضرتك الخير - أخوك أحمد سامي
لولا انك عايز ياباني كنت قلتلك فكر في الالنترا وبعدها السيراتو .. لو عايز ياباني يبقى اللانسر انتشار وقطع غيار واثبتت كفائتها بس قديمة وشكلها قديم اوي
ولو فكرت في الاوروبي ممكن اوكتافيا كسر زيرو
بص ياباشا انا كنت في نفس الحيره بس احسن حاجه وصلتلها تيدا وعن تجربه هي فعلا تستحق بجداره
لا و الله ياباشا انا بخاف من الهيونداى بوجه عام و من غبور بوجه خاص :) و السيراتو عن تجربة ناس كثير معرفه فهى كثبات وحش قوى من بعد كسر حاجز ال 100 كم/ساعه .... و يا جماعه ارجوكم انا سمعت ان فى عيوب خطيره قوى فى الالنترا ربنا يسترها معانا كلنا بس ارجوكم متبصوش للكماليات بس حاولا تسالوا عليها و امانها و ثباتها اهم حاجه والله